هندسة برمجيات

Morgan955 · #1 23-10-2013, 04:43 AM

السلام عليكم ورحمة الله وبركاته

لو سمحتوا انا عايز اعرف كل صغيرة وكبيرة بالتفصيل الممل عن قسم هندسة برمجيات اللى فى جامعة حلوان كلية حاسبات , انا سمعت ناس كتير وكلام كتير و مش عارف ايه اللى صح وايه اللى غلط , ولو انا عايز ابقى مبرمج العاب القسم ده مناسب ولا المفروض ادخل قسم ايه ؟
ارجوكم ساعدونى

EhabAmmar · #2 23-10-2013, 11:19 AM

حضرتك حدد سؤال معين عشان اى عضو او المشرف المتخصص يقدر يرد عليك

Morgan955 · #3 23-10-2013, 11:27 AM

يعنى مثلاً المصاريف كام
ايه المواد اللى هندرسها
لو انا عايز ابقى مبرمج العاب هل القسم ده ينفعنى ؟

EhabAmmar · #4 23-10-2013, 11:29 AM

حضرتك مفيش حاجه اسمها مبرمج اللعاب لآنك بتدخل تدرس اكتر من لغة برمجه ... حضرتك بتدرس ايه دلوقتى

Morgan955 · #5 23-10-2013, 11:37 AM

انا ف 3 ثانوى والحمد لله بذاكر كويس بس انا سمعت ان لغات البرمجة فى القسم ده
متخصصة فى انك تصنع برامج , عشان كده انا عايز حد يكون فى الكلية نفسها عشان يفيدنى اكتر

Eng.Mo'men · #6 24-10-2013, 03:19 PM

بص يا سيدي هندسة البرمجيات وعلوم الحاسب اكتر قسمين فى كلية علوم الحاسب "حاسبات ومعلومات" فيهم برمجة بس عشان تتخرج قادر على صناعة البرمجيات ومتمكن ومحترف اكتر يبقا لازمك قسم علوم حاسب لأنه بيدرس البرمجة بجد انما هندسة البرمجيات بيدرس برمجة + حاجات تانية وهي انك ازاي تعمل دراسة جدوى للبرنامج وتدرس مدى قابليته للتنفيذ وتدرس تأثيره عالناس هيبقا عامل ازاي ؟؟ يعني هندسة البرمجيات = برمجة بشكل اقل من علوم الحاسب

عشان كدا انا انصحك بقسم computer science وربنا يوفقك ومش تمشى ورا الاسم والله ياما ناس مشيوا ورا الأسامي وندموا بعدها

Morgan955 · #7 25-10-2013, 09:06 PM

والله يا باشمهندس مؤمن انت برنــــــــــــــس
بس على كدة بقى يا باشمهندس هى هندسة برمجيات
دى مش هندرس فيها لغات برمجة كتير قوى كدة زى ما انا كنت فاكر ؟
انا قرأت اننا هندرس فيها حوالى 10 لغات برمجة فقولت اكيد هطلع منها برنس برمجة
بس على كلامك يبقى فعلا computer science افضل
بس انا عايز اعرف ازاى بـ 7000 جنيه وهى اقل من computer science فى المكانة ؟؟
انا الصراحة الحكاية دى هتجننى ..

Eng.Mo'men · #8 26-10-2013, 12:24 AM

اقتباس:

المشاركة الأصلية كتبت بواسطة morgan955

والله يا باشمهندس مؤمن انت برنــــــــــــــس
بس على كدة بقى يا باشمهندس هى هندسة برمجيات
دى مش هندرس فيها لغات برمجة كتير قوى كدة زى ما انا كنت فاكر ؟
انا قرأت اننا هندرس فيها حوالى 10 لغات برمجة فقولت اكيد هطلع منها برنس برمجة
بس على كلامك يبقى فعلا computer science افضل
بس انا عايز اعرف ازاى بـ 7000 جنيه وهى اقل من computer science فى المكانة ؟؟
انا الصراحة الحكاية دى هتجننى ..

ههههههههه 10 لغات هههههههه كتير اوي لالا ,, انت بتدرس فى هندسة البرمجيات او علوم الحاسب اللوجيك بتاع البرمجة نفسه يعني ازاي تفكر عشان تعمل برنامج مش هتدرس لغات برمجة يكفيك فى القسم الواحد تكتب بلغة واحدة بس وتفهمها كوبس لان البرمجة كلها واحدة وثابتة واللوجيك بتاعها ثابت والألجورزم يعني طريقة التفكير والتحليل فى صناعة اي برنامج ثابتة فى اي لغة برمجة ,, لا مش افضل الاتنين زي بعض بس هندسة البرمجيات كإسم بس عشان كدا بفلوس ,, اصلا هندسة البرمجيات مرتبطة دايما بعلوم الحاسب عشان كدا خريج علوم حاسب اسمه حول العالم مهندس برمجيات

Morgan955 · #9 28-10-2013, 04:36 AM

الله ينور عليك انا كدة فهمت الدنيا ماشية ازاى , يبقى كدة ان شاء الله علوم حاسب
وطبعاً حكاية الشغل دى ف ايد ربنا ,, بس ادعيلى بقى اخلص السنة دى على خير

Eng.Mo'men · #10 28-10-2013, 05:24 PM

اقتباس:

المشاركة الأصلية كتبت بواسطة morgan955

الله ينور عليك انا كدة فهمت الدنيا ماشية ازاى , يبقى كدة ان شاء الله علوم حاسب
وطبعاً حكاية الشغل دى ف ايد ربنا ,, بس ادعيلى بقى اخلص السنة دى على خير

هتخلص على خير والله ان شاء الله والرزق دا من عند ربنا