الأزهر إلى أين

[أحمد بسطاوي]

هذا الخبر بتاريخ 20/9/2013
تقرر تشكيل لجنة مشتركة من الأزهر ووزارتي التربية والتعليم الأوقاف؛ لدراسة تحقيق التكامل بين الأزهر والأوقاف والتربية والتعليم والاستفادة من أئمة ووعاظ الأزهر والأوقاف؛ لسد العجز بالمدارس والمعاهد الأزهرية للاستفادة من أعضاء أئمة الأوقاف لسد العجز في تحفيظ القرآن الكريم بالمعاهد الأزهرية.
كما تم الاتفاق بين كل من فضيلة الإمام الأكبر الدكتور أحمد الطيب شيخ الأزهر، والدكتور محمود أبو النصر وزير التربية والتعليم، وفضيلة الدكتور محمد مختار جمعة وزير الأوقاف على العمل للاستفادة من معلمي الأزهر، ووعاظه وأئمة الأوقاف في سد العجز بمدارس التربية والتعليم لتدريس مواد التربية الدينية واللغة العربية، وكذلك الاستفادة من معلمي التربية والتعليم في سد العجز بالمعاهد لتدريس المواد الثقافية .
وأوضح بيان لمشيخة الأزهر اليوم الجمعة أن تم كذلك مناقشة تطبيق تجربة"التابلت" على طلاب الأزهر بالمناطق النائية أسوة بالتربية والتعليم خلال العام المقبل، وتطوير التعليم الأزهرى.

معنى ده إن معلم الأزهر هيدرس في التربية والتعليم وعادي بقى ينتقل من الأزهر للتربية والتعليم ولا ايه ؟
ويا ترى بالمنظر ده الأزهر في يوم من الأيام هيوصل إنه يبقى تعليم نوعي تابع للتربية والتعليم فيبقى فيه تعليم حكومي ونموذجي وخاص ولغات ومدارس دولية وأزهري ولا إيه ؟
الموضوع كل يوم في الأزهر بينتقل للأسوأ ومش عارفين الأزهر رايح فين

[almoallem]

انا مش فاهم يسد العجز ازاي؟ يعني هايعين الازهرية في التربية و التعليم؟طيب وهل خريجي كلية التربية هايسكتوا ؟مش جحا اولى بلحم طوره؟واللااييييييييييه؟

واللا انا هاكمل جدولي فى التربية و التعليم؟ دا يبقى خازوق العمر

هيه حد فاهم حاجة؟ هاتعملوا ايه يا شنبات الازهر؟

[الاستاذة منال]

هيعمل تبادل بالمدرسين شرعى وعربى من الازهر مع ثقافى بالتربيه والتعليم

طب مايسد العجز الاول اللى عندنا فى مدرسين الشرعى والعربى

[خادم المسلمين1]

سؤالك دة هيخلينا كلنا نسأل نفسنا مصر الى أين؟
للأسف ما حدش عايز يسمع حد
وكل الناس بتغلط بعضها بعضا
وبنبص فقط للمساوىء
وحريصين اشد الحرص على الجدال الذى لافائدة من وراءه
الخلافات على المستوى العام والخاص حتى بين افراد الاسرة تتزايد وتتباين تباينا كبيرا وملحوظا فى مختلف الاراء والقضايا

لما نهد كلنا ونكون حريصين على نصرة الحق والعدل بعيدا عن الاهواء والانتماءات والمسميات

ونحاول نتقارب ولو فى عز اختلافنا بس مجرد نحاول نتقارب

مصر هترجع كلها بكافة مؤسساتها بخير وعلى رأسها الازهر الشريف

الاصلاح يتطلب منا تعاون وديمقراطية

لو كانت المناصب فى كافة لمؤسسات بالاختيار والانتخاب والصندوق

وتعاون يلى كل هذه الامور الشرعية

من الرئيس والمرؤووس
لما كان حالنا هكذا

[almoallem]

هو انت عايز تقول ايه؟
أنا مدرس عربي بس أنا مش فاهم منك حاجة

[أحمد بسطاوي]

المشاركة الأصلية كتبت بواسطة almoallem

هو انت عايز تقول ايه؟
أنا مدرس عربي بس أنا مش فاهم منك حاجة

ببساطة كده لو مش واخد نصاب الحصص بتاعك هتروح تكمله في التربية والتعليم

[مستر خالد غباشى]

الازهر سيتم غلقة قريبا التحويل للتربية واتلتعليم بالجملة كنت فى النتطقة ذهلت من كم التحويلات للمدرسة سالت ام لماذ تحويلين الى اولادك الخمسة كانت الاجابة السبت بس هيوفر لى 25 جنية يعنى 100 علاوة على ان الاولاد يعملون االخميس والجمعة والسبت قلت لها بس الخميس دراسة قالت حكم الشغل علينا ابوهم مات ولازم الكل يشتغل