فكره مجله مدرسيه

[maged.algendy]

السلام عليكم ورحمه الله وبركاته
يشرفنى ان تكون هذه اول مشاركه لى فى هذا المنتدى المتميز

بإختصار انا طالب فى الصف الثانوى الثانوى
بجهز لمجله مدرسيه فى مدرستى و هتكون لها عدد كل اسبوعين تقريبا
كل هدفى انى ارفع من ثقافه زمايلى واصدقائى الطلبه لما وجدته -للأسف- من فراغ العقل والاهتمام بتوافه الامور
واعتبار المدرسه مجرد مكان يضيع فيه بضع الساعات يوميا والمنهج الدراسى عباره عن كلام كتير يجب حفظه من اجل الحصول على الدرجات والشهاده !!!
مضمون المجله -ان شاء الله - هيكون فى الدين والتنميه البشريه
والتاريخ من اجل استعاده ذاكره الامه والتكنولوجيا لمواكبه العصر
وقسم اجتماعى لمناقشه المشاكل الاجتماعيه وغيره

بصراحه انا عندى حماس ونشاط واستعداد انى اقدم اى شئ مفيد ويجعل الله راضى عنى ويجعلنى راضى عن نفسى لكن اخشى ان لا يكون عندى استعداد وخبره لهذه الفكره

و بتمنى انى اجد مساعده من الساده الاعضاء بمعنى ان اى حد عنده موضوع او مقال يعتقد انه هيفيدنى فى اى مجال يتفضل يقدمه واى حد عنده فكره بخصوص اسم المجله او شعارها او اى شيء يتفضل يقترحه
وجزاكم الله خيرا . ......