وزير التعليم لـ"بوابة الأهرام": لم يصدر أى قرار بإعفاء طلاب المدارس الحكومية من الرسو

[خالد خلف الله]

قال الدكتور محمود أبوالنصر، وزير التربية والتعليم إنه لم يصدر أي قرار وزاري يتضمن إعفاء طلاب المدارس الحكومية من المصروفات الدراسية، مضيفا فى تصريحات خاصة لـ"بوابة الأهرام": "صدور قرار مثل هذا يحتاج إلى أن يجتمع مجلس الوزراء بالكامل، ولا يملك وزير التعليم أن يصدره من تلقاء نفسه".

وأضاف الوزير: "مجلس الوزراء لم يجتمع يوم الأربعاء الماضي، واليوم مجلس محافظين، وغدا الخميس مجلس وزراء، إذن لم يجتمع المجلس لاتخاذ قرار مثل هذا".

وتابع: "يوجد نحو 18 مليون طالب وطالبة في مراحل تعليمية مختلفة، بمصروفات دراسية للطالب نحو 22 جنيها، إذن نحن نتحدث عن مليارات، وبالتالي فالقرار يحتاج إلى اجتماع الحكومة لاتخاذه، وليس بتأشيرة وزير يتم إلغاء الرسوم".
http://gate.ahram.org.eg/NewsContent...%81%D8%A7.aspx

[heshamarabe]

هي اشاعة واسعة شوية في الوقت الحرج اللي بتمر بيه البلد لكن ازاي 22 جنية والمصاريف في الابتدائي 55 جنية ام ان هناك خطأفي الرقم

[جمعة مرعى]

الواحد احتار من كل شوية قرار وخلاص

[اخصائية اجتماعيه]

بس انا سمعاه على التليفزيون وهو بيقول ان فى اعفاء وان القرار اتناقش مع مجلس الوزراء يوم الخميس الماضى وعلى ما بعتوا القرار للماليه واتوافق عليه ةراح اتوزع على المديريات علشان توزعه على الادارات هياخد وقت بس من يوم السبت او الاحد فى مدارس هتستلم القرار وكان على قناة ام بى سى مصر مع منى الشاذلى

[شيكو بيكو بيكو]

يا استاذنا الفاضل ال 22 جنيه دول يعتبر نصف المصروفات ( الاساسيات ) مثل الانشطة ومجلس الامناء والطلبة الايتام والتامين الصحى بيعملوا حوالى ال 22 جنية
وهى المسئلة كلها غلط
وتعالوا نحسبها مع بعض :
فى اى مدرسة يكون اقصى نسبة للتحصيل حوالى 50% من اجمالى الطلبة
يعنى لو مدرسة فيها 1000 طالب اللى بيسدد المصروفات مع الابحاث الاقتصادية حوالى500 طالب
ولو ضربنا ال 500 * 55 = 27500 كلام جميل
هو هياخد من وزارة المالية 22 جنيها * 1000= 22000 بس هى دى الفكرة