سؤال بخصوص التعيين فى طب القصرالعينى

[احمد السيد يوسف القاضي]

انا اسمع ان فى طل الزقازيق خدوا اول118 من الدفعه ال500

وادربوا 3سنين فالكليه باين اسمها نيابه وبعدها يبقوا معيدين فالكليه

السؤال ايه نظام القصر فى الحكايه دى والاوائل بيعينوا كام من الاوائل

[DrMostafa2015]

الف مبروك يا دكتور ع الكلية

ثانيا حضرتك بتسال عن التعيين .... و انا مقدر رغبتك و حماسك

بسـ يا دكتور احنا لسة في اول الطريق خالص لسة

الشؤال دة مايسألوش الا واحد مخلص الكلية خالص بس حضرتك كطالب لسة في الاول و ماخلصتش ولا شفت تقديراتك ولا ترتيبك فالسؤال دة من وجهة نظري مش بقدر كبير من الاهمية لحضرتك

و نصيحة مخلصة : بلاش يبقى كل تفكيرك منصب على التعيين و كدة لان حاجة زي كدة كفيلة انها توترك جامد و تكرهك في زمايلك غصب عنك معلش بس هي دي الحقيقة حاول تشيل التفكير في التعيين و تحط مكانه تفكير في مجرد الالمام بالمادة العلمية كاملة و انك تبقى دكتور شاطر لان رحلة التعيين و السنين في طب غير ثانوي طب كتيرة السنوات و ممكن طالب في اولى حلو و مرتب يجي في تالتة مثلا يقع لا قدر الله و دة بيحصل و بنشوفه

فالاحرى انك تسال اعمل ايه عشان ابقى طالب متفوق و كدة

و عشان خاطري يا دكتور احمد بلاش تفكير في التعيين مجردا و لكن تفوق لوجه الله و خلاص

و برضه عشان سؤالك في القصر العيني نفس نظام التعيين بس العدد اكبر شوية و حسب ما اسمع 200 الى 250 بس مش كله بيتثبت كمعيدين في بيتدرب و يرجع الصحة و دة باولوية المجموع بس عشان خاطري انت لسة في الاول خالص بلاش تشغل نفسك و تتوتر على حاجة كمان سبع سنين يعني زي من و انت في ساتة ابتدائي شوف بقى الدنيا بتتغير ازاي

و ربنا يوفقك للي فيه الخير

[احمد السيد يوسف القاضي]

ايه دا انا كنت بهزر

[لا للفساد التعليمي]

رد بعدها ب 10 شهور
جبت تقدير ايه بقي