لاصحاب الخبرة هل العمل فى السعودية مجدى ولا تضييع وقت؟

[h4sO2]

ده استفسار لاخواننا اللى سافروا السعودية واشتغلوا فيها معلمين هل العمل هناك مجدى والواحد يقدر يحوش قرشين ولا وجع قلب عالفاضى؟

فى ناس بتقول كويس وتقدر تحوش وناس تقول ملهاش لازمة مع انهم مستمرين هناك .. انا عايز رايكم بصرف النظر عن ميزة الحج والعمرة .. وايضا الرواتب المقبولة تبدا من كام؟ والمكاتب عمولتها كام؟ونظام المعيشة والدروس نظامها ايه؟

واخر سؤال هل فعلا طلبة السعودية مستهترين وقليلى الذوق خصوصا مع المصريين ولا الكلام ده اشاعات، واسلوب تعامل الادارة مع المعلمين المصريين ..

ارجو انى مكونش طولت عليكم وادينا بندردش ونفيد ونستفيد واللى عنده معلومة او خبرة يقولها وكل سنة وانتم طيبين

[h4sO2]

اين اصحاب الخبرااااااات
كل عام وانتم بخير

[h4sO2]

سبحان الله وبحمده
سبحان الله العظيم

[مستر عبدالله]

السلام عليكم ورحمة الله وبركاته

شوف يا سيدى السفر ده حظوظ ممكن يكون حلو معاك وممكن يكون وحش
بس قبل ما تسافر على حسب كلام الناس اللى سافرو ( تسيب كرامتك هنا ) لأن الطلبة هناك وخاصة المتوسط مش متربيين خالص ومنتهى قلة الادب وعدم الاحترام

لازم المرتب لا يقل عن 3000 ريال بخلاف بدل السكن والاقامة

وانت هتقدر تعمل فلوس كويسة لو اديت دروس ودى بقى ارزاق

عمولات المكاتب فيه مكاتب بتاخد مرتب شهر وناس بتاخد شهرين حسب كل مكتب

[h4sO2]

المشاركة الأصلية كتبت بواسطة مستر عبدالله

السلام عليكم ورحمة الله وبركاته

شوف يا سيدى السفر ده حظوظ ممكن يكون حلو معاك وممكن يكون وحش
بس قبل ما تسافر على حسب كلام الناس اللى سافرو ( تسيب كرامتك هنا ) لأن الطلبة هناك وخاصة المتوسط مش متربيين خالص ومنتهى قلة الادب وعدم الاحترام

لازم المرتب لا يقل عن 3000 ريال بخلاف بدل السكن والاقامة

وانت هتقدر تعمل فلوس كويسة لو اديت دروس ودى بقى ارزاق

عمولات المكاتب فيه مكاتب بتاخد مرتب شهر وناس بتاخد شهرين حسب كل مكتب

شكرا يا مستر عبد الله اخيرا حد عبرنى هههههه بس ايه الموقف فى التعامل مع الطلبة غير المحترمين دول؟؟ اصل كله الا قلة الادب واحنا معلمين يعنى مفيش مجال لقلة ادب من اى نوع .. عموما ربك ييسرها من عنده وبنتك اللى فى التوقيع امورة ما شاء الله ربنا يحفظها لك