الحلم الضائع

[samehpc2]

الواحد كان بيحلم يبقى دكتور فى يوم من الايام .... والناس كلها تقولى يادكترة ...


لكن قدر الله وما شاء فعل وجبت فى سنه تانية 95 فى الميه ....


وقلت خلاص قدر الله وماشاء فعل .. وماله نخش هندسه والناس كلها تقولى يا باشمهندس ..


واهوه يبقى التعب 12 سنه جه على فايدة ..... وزاكرت جامد وعملت اللى عليا


وجيب نقصت فى الرياضة 8 درجات والعربى 7 درجات ....


وجبت 93.17 ... وقلت قدر الله و ماشاء فعل خير ... نخش حاسبات ودى هوايتى اساسا

وابقى مبرمج ومهندس كمبيوتر ...



تيجى اليوم السابع وتقول حاسبات الحد الادنى هيبقى 382.5 وانا جايب 382



يبقى حرام حرام حرام حرام .........

[devianT]

قول بردا قدر الله وما شاء فعل،
وأدخل تجارة إنجليزي ..

[mido331]

دا نصيبك احمد ربنا على كل حال
انا برده واحد من الناس اللى خانها الحظ
كنت جايب 93.4 فى تانية
جيت فى 3 جبت90 %
لكن انشاء الله اخش كلية علوم قسم حاسب
وهتدرس نفس اللى بيدرسوا بتوع حاسبات بس زيادة عليهم كمياء وفيزياء وهتتخرج معاك بكالوريوس حاسب زى حاسبات بالظبط

[crash442]

ياعم ان شاء الله هتدخل الكلية على فكرة انا جايب برضه 382 ومش قلقان زيك كدة لانى متاكد انها هتقل عن السنة الى فاتت ولما النتيجة تبان تبقى تقول ان انا قولت وبكرة تشوف

[amothman123]

سيبك من التوقعات إن شاء الله هاتلحق الحاسبات

[ahmedehab95]

انا كمان زيك كده 382 و هتجنن خلاص لكن انا من زمان هموت و ادخل اى شئ ليه علاقة بالكمبيوتر و لما شوفت ان الحد الادنى عمره مجاب 382 فرحت جدا بالكلية دى لكن الراجل ده جابلى اكتئاب تام و مش عارف ادخل ايه دلوقتى يمكن ادخل علوم ؤياضة قسم حاسب الى لكن انا كنت فعلا عايز حاسبات و معلومات و معرفش ليه قللوا من عدد اللى هندسة كان زمانها اخذت ناس اكتر و سابتلنا حاسبات و معلومات براحتنا بجد حاجة مرعبة انى اخسر الكلية اللى بحبها علشان نصصصصصصصصصصصصصصصصصصصصصصص درجة

[Eco esraa feps]

يا عم اولا اولا قدر الله وماشاء فعل
ثانيا سيبك من اليوم السابع دى نهائى دى كانت قايله فى المؤشرات ان الطب البشرى هيبقى من 98.5 % ورسيت على 98.05 بس يعنى 2 درجة زودتهم وهى كده فى كل المواد يا عم سيبك منها خالص وسيبك من اى موقع او اى كلام زى ده
نصيحة خد من تنسيق 2011 لان هو ده المضمون احنا شبهه بنسبة 99% بالعكس هو اعلى كمان فى حاجات وهو ده لينكه
http://www.tansik.egypt.gov.eg/appli...LimitE2011.htm
انا شوفت فيه ان الحاسبات هتبقى من 382 ماتخافش عمر ماربنا بيضيع اى حد تعب بجد وربنا يوفقك ان شاء الله

[Hossam Devo]

ماتصدقش كلام الجرايد
ادعى ربنا وهتلحق حاسبات باذن الله