طب بيطرى ولا تمريض؟

[علياء الشهاوى]

بليز ياجماعه محتاجه رأيكم ادخل طب بيطرى ولا تمريض

[To Be Is To Do]

بصى حضرتك انا معنديش معلومات عن نظام الكليتين بس حته تمريض دى مش مستحبه للبنات
يعنى فيما بعد ان شاء الله لما يتقال دى تمريض بيبقى متاخد عنها فكره مش كويسه وانا اخويا خريج طب وعارف اللى بيحصل فى المستشفيات

وبرده أكيد ناس تانيه عندها آراء

[222ahmed222]

اه انا رأيي من رأي الباش مهندس بردو يعني كسمعة فالسمعة مش كويسه وانا عن نفسي بفضل بيطري حتى اسمك دكتوره في الأول وفي الآخر

[كيميائي طبي2011]

لو بتفاضلي بين بيطري وتمريض يبقي بيطري
ولو بتفاضلي بين بيطري وعلوم يبقي علوم

[To Be Is To Do]

المشاركة الأصلية كتبت بواسطة 222ahmed222

كسمعة فالسمعة مش كويسه

حضرتك قلت الكلمه إللى انا بحاول أجمّلها ومُحرج أقولها

[علياء الشهاوى]

شكرا على رأيكم بس ليه التمريض مش كويسه للبنت انا مش حابه اشتغل بيها فى مستشفى بيقولوا ان سهل اجيب فيها تقدير واكمل فى الجامعه وبعدين اعمل ايه بالبيطرى؟؟؟؟

[amothman123]

لا لو هانقارن بين الأثنين يبقى طب بيطرى و خلاص
رغم إن بيطرى كلية مالهاش لازمة بس أرحم من تمريض طبعاً

[lolo nice]

شوفى حضرتك انا سمعت ان خريج طب بيطري ممكن يفتح صيدلية بس بشرط أن يكون 20% منها تكون علاج للحيوانات و لو مش حابة طب بيطري الاحسن ليكي علوم الصراحة علوم فيها أقسام جميييلة جدا بجد و طبعا انصحك أنك تصلي صلاة استخارة و استشيري أهلك بردوا و الاصلح ليكي ان شاء الله ربنا هيخترهولك و بالتووفيق

[علياء الشهاوى]

مقتنعه بكلامكم والله بس الكل قال ان علوم صعبه وبيطرى مالهاش لزوم للبنت

[ana roka]

بصى انا صحبتى كانت كاتبه تمريض قبل بيطرى وجالها التمريض قعدت فيها ترم بالظبط وكرهت نفسها واتخنقت منها ع الاخر وقالت ان الدكاتره الى بتدرسلهم بتعملهم وحش وتقلهم انتو فاكرين ان الممرضين دول ايه غير طبعا الالتزام بالزى والحاجات دى عليها درجات وهتحسى انك لسه فى المدرسه هى حولت بيطرى وقالت ان نفسيتها ارتاحت كتير عن ما كانت فى تمريض

[..: Pink rose :..]

يبنتي هي حاجة زي دي محتاجة سؤال ؟
اكيد طبعا بيطري كشغل كويس و لقب دكتورة و مكانة اجتماعية كبيرة
و ممكن لو مش حباه خالص اكتبي اعلام او السن او علوم افضل

[Lyonenyo]

رأيي الشخصي

بيطري أفضل ( بمراحل كتيرة كمان )

[GHOST_LioNeL AndRes MesS]

المشاركة الأصلية كتبت بواسطة to be is to do

حضرتك قلت الكلمه إللى انا بحاول أجمّلها ومُحرج أقولها

انا عايز اعرف هو الممرضات بيعملوا اية ؟؟ ( انا مليش اى حد فى تمريض لا من قريب ولا من بعيد ) بس انا عايز اعرف هو اية السبب ؟؟ انا شايف انها مهنة عادية زى باقى المهن فانا عايز اعرف لية السمعه دى ؟؟

[سوبر ساره]

البيطرى أفضل

[Eco esraa feps]

لا التمريض من حيث انك ضامنه شغل لكن كلقب بدون شغل يبقى بيطرى وخصوصا للبنات