هو ممكن واحد واخد كورسات يبقى زي خريج حاسبات ؟

[aliweka19]

السلام عليكم
عاوز اعرف منكم معلومات بخصوص ان ممكن واحد ياخد كورسات يبقى زيه زي خريج حاسبات لان انا جايب 94% وملحقتش كلية هندسة وكدا مفيش غير حاسبات بس كل ماارتاحلها ناس تقولي زيك زي اي واحد معاه شوية كورساتاو كدا تاني حاجة لو انتوا مكاني وهاخد كورس قبل ما ادخل الكلية ايه اول كورس ممكن تفكروا فيه يعني مثلا كورس انجلش ولا كورس له علاقة بمنهج الكلية نفسه واسف ع الاطالة

[Code IT]

Looooooooooooooooooooooooooooooooooooooooooooooooo oooooooooooooool

هو السؤال دا مش هيخلص

والله انا كله بيقولى كدا .. بس داخل حاسبات ان شاء الله

لعدة اسباب :-
1- خريج الحاسبات ليه الاولوية فى الشغل "خاصة برة مصر" لان اصحاب الشغل فى مصر بيسترخصوا
2- انا شفت مناهج حاسبات .. فيها حاجات مينفعش فيها كورسات .. الكورسات دى لو عايز برمجة او تصميم بس .. بس حاسبات فيها شغل عالى .. ذكاء اصطناعى وشبكات وحجات عالية


3- كمان انت لو حاسبات وخدت كورسات .. .. هتبقى اعلى من اى حد

ربنا معاك ومعانا ..

[Eng.Mo'men]

لا طبعاً

هما يقصدوا طالب معهد الحاسب الآلي واللا سلكي او السياحة والفنادق والكمبيوتر او نظم ومعلومات او نظم معلومات ادارية او اي معهد غير علوم الحاسب :D

كل الشركات النضيفة دلوقتي بتتشرط خريج Computer science " دا النضيفة "

[aliweka19]

شكرا يا جماعة على العموم انا كتبت ال 11 كلية حاسبات وان شاء الله تجيلي القاهرة يعني

[Eng.Mo'men]

ربنا يوفقك ويكرمك