تعليق كل واحد

[ne_love_yara]

دلوقتى لما الامتحانات صعبة والتنسيق زى ماهو ولا نقص ولا حاجة وجبت 93.8 قولت بلاش هندسة حتى تخطيط عمرانى بيقولو هتاخد من 94 قولت هخش حسابات ناس بتكرهنى فيها مش عارف اقدم اية

[Mr.Optimistic]

فيه حل بس مش حلو لمجموعك ... ممكن تاخد معهد وليكن معهد فني صحي وتكمل بعده هندسة وربنا يكرمك فيها ..

اصبر بس كده لحد ما نتيجة التنسيث تظهر وبعدين نفكر

[ياســــــــمين *]

,, لسا شايفة من شوية احمد فرحات على قناة الحياة المشرف على مكتب التنسق بيقول هندسة من 94.39
:/
معرفش الفرق بينها وبين تخطيط بيكون فى حدود كام والله
بس لو ملحقتش تخطيط , حاسبات مش وحشة على فكرة
ولو كنت دخلت اختبار القدرات قدم فى فنون جميلة كويسة بردو

[ahmed H capo]

التنسيق مش حلو خالص بصراحه مفيش حد خد حقه يعتبر
امتحانات صعبه ومناهج عقيمه واتظلمنا في التصحيح وفي الاخر تنسيق بالمنظر دة
94 في ادبي ومفيش قدامي غير السن :s

[doniaanawbs]

ايوه انا مع احمد كابو برضه

الادبى اتظلم اكتر من علمى اللى جاب مجاميع واللى مجابش هيتساوى كل ببعضه انا جايبه 91.5 وهخش اداب

[mahmoud888]

انا جايب 402 ومش هااطول طب بشري على درجه واحده حرام ده ولا لا

[انتيموا]

انا جايب 93.7 ومش هلحق غير حاسبات وهدخل خاص

يالا كدا كدا الواحد عمروا مخد حاجة من البلد دي وانا مش عايز حاجة منها

[mahmoud888]

مش ممكن الحق بشري ب 402 ياجماعه بعد كده

[prince of scientists]

المشاركة الأصلية كتبت بواسطة mahmoud888

مش ممكن الحق بشري ب 402 ياجماعه بعد كده

ترتيبك على الشعبة كام ؟

[هنا الجنان]

يا جماعه نتستنى لما التنسيق ينزل هو تقريبا هيظهر 11 الصبح
مع ان واحده زميلتى بتقول انها قبلت ف هندسه بس معرفش ازاى
وتخطيط عمرانى بتبقى اقل من الحد الادنى لهندسه بـ درجه ونص
وربنا يفرحنا جميعا