استفسار بخصوص تجارة انجليش بالاسكندرية

[Wael Abu Shady]

السلام عليكم و رحمة الله وبركاته

لو سمحتوا يا جماعة كنت عايز اعرف شروط القبول بتجارة انجليزى و ايه اختلافها عن تجارة عربى
انا مجموعى :
368.5 بدون المستوى - 371 بالمستوى - 90.49 % - شعبة علمى علوم
و درجتى فى الانجليزى : 48

+

لما اجى أملى الرغبات هلاقى كلية اسمه تجارة انجليزى و لا أنا لازم الاول اقبل فى تجارة عربى و هناك أقدم للالتحاق بقسم الانجليزى

+

كنت عايز اعرف المصاريف هتتراوح مابين كام لكام ؟


وشكرًا

[mohamed_gad_]

لو سمحتوا يا جماعة كنت عايز اعرف شروط القبول بتجارة انجليزى و ايه اختلافها عن تجارة عربى
انا مجموعى :
368.5 بدون المستوى - 371 بالمستوى - 90.49 % - شعبة علمى علوم
و درجتى فى الانجليزى : 48

شروط القبول انك تقبل تجارة عربي انتظام وتكون جايب فوق 40 في الانجلش بس
انا قبلت اسكندريه السنه اللي فاتت وهي قبلت ساعتها علمي من 360 يعني انت مجموعك ممتاز جدا واكيد هتقبل ان شاء الله

اما عن الفرق بينها وبين عربي انهم بيبقي ليهم اولويه في الشغل في البنوك مثلا ده من كلام المعيدين بتوعنا
وكل الدراسه فيها بالانجلش سواء كلام الدكاترة في المحاضرات او اللي في الكتب او اللي هتكتبه في الامتحان
بس هي مش هتبقي صعبه بالنسبه لواحد جايب فوق 40 في الانجلش في الثانويه
والدراسه فيها بتبقا من كتب مؤليفنها معروفين علي مستوي العالم يعني كتب عالميه لكن تجارة عربي دكاترة عربي هما اللي بيالفوها
وده بيفرق في منهج المواد النظري زي الادراة والقانون لكن المواد العملي بتبقي هي هي زي عربي بس بالانجلش زي المحاسبه والرياضه
وكمان الاعداد فيها بتتقسم سكاشن كل سكشن 150 غالبا مبيحضرش منهم غير 50 في اخر الترم الاول في سنه اوله لان في الاول الناس هتبقي متحمسه وبتحضر بعد كده هتلاقي شويه راحو كورسات وبطلو يحضرو وشويه بيكسلو
وده بيفرق عن عربي لان عربي بيبقو الفين او الف في محاضرة واحده وعدد تجارة انجلش بيساعد علي سهولة الاستيعاب ولو عايز تسال في نص المحاضرة تسال كده يعني

لما اجى أملى الرغبات هلاقى كلية اسمه تجارة انجليزى و لا أنا لازم الاول اقبل فى تجارة عربى و هناك أقدم للالتحاق بقسم الانجليزى

لا مش هتلاقيها انت هتقدم تجارة عربي ولما تقبل هتروح شؤون الطلبه بتاعت انجلش تقدم في انجلش بعد ما تقبل عربي انتظام وهتدخل تنسيق داخلي هياخدو فيه اعلي المجاميع من اللي عايزين يدخلو بس هي كانت اخرها 360 السنه اللي فاتت فمتقلقش

كنت عايز اعرف المصاريف هتتراوح مابين كام لكام ؟

المصاريف 3700 او 3750 والكتب اختياري ممكن تشتريها وممكن لا ممكن تذاكر من ورق الكورسات لكن لو اشترتها هتبقي ب2000

[ابراى رينجى]

طب لو سمحت انا ادبى وجايب 345.5 وجايب فى الانجليزى 46
وانا من اسكندرية تفتكر ممكن الحق تجارة انجليزى
انا اختى دخلتها من 4 سنين واتخرجت دلوقتى ب 86 علمى رياضة ومرحلة تانية
وانا قدمت تجارة مرحلة اولى بالتوزيع الجغرافى ؟
ارجوكم جاوبونى

[ZooMa AleX]

انا السنادى جبت 357
وقبلت تجاره اسكندريه على طول الحمد لله
وناوى على انجلش باذن الله