للي بيسأل كل شوية هيلحق هندسة او غيرها ولا

[fire king]

ياجماعة بلاش توتروا اعصابكم واعرفوا
1- اللي من نصيبك هيصيبك
يبقى ريح دماغك ومتوترش نفسك

2- متفضلش تسأل حد هتلحق ولا لأ لانه هيجاول يطمنك ويقولك هتلحق وكده املك هيزيد ولو لا قدر الله مدخلتهاش هتزيد الصدمه

3- محدش يعرف ايه اللي هيحصل والسنه اللي فاتت لقيت اللي بيقول هندسة هتاخد من 96 واللي قال 93
وفي الاخر طلعت 94.2 تقريبا

4- ياجماعة هندسة مش كل حاجة وعموما الدنيا مبتقفش
في كلية زي حاسبات ومعلومات ودي كلية عالية جدا و خريجيها محدش منهم بيقعد
وحتى كلية علوم المظلومه في بلدنا فيها اقسام رهيبة ومنها جيوفيزياء
خريجي القسم ده في جامعتنا السنة اللي فاتت 5 منهم 3 اتعينوا معيدين و2 ف البترول
وفي لبتوع علمي علوم قسم بيولوجي و غيرها كتيييييييييييييييييير

وعندنا في هندسة بيدينا دكاتره من علوم وقتهم ودماغهم يتوزنوا بالدهب

يعني لكل مجتهد نصيب واللي حاسس انه كويس هيثبت نفسه في اي حته

لمزيد من المعلومات
ادخل على اقسام المنتدى للكليات المختلفة واقرا عنها

[medooo2000]

شكرا جزيلا على الموضوع الجميل ده كلامك كله صح.

[Hossam Devo]

انا مستغرب ان كل الناس عاوزين هندسة
عشان الاسم وخلاص؟
انا شايف ان حاسبات احسن بصراحة

[ahmedshakban]

كلام جميل فعلا انا ناوي اخش طب مع اني مش شايف نفسي طبيب من جوايا خالص بس انا مؤمن ان الانسان في اي حاجة ممكن يبقي احسن واحد لو هوا اجتهد انا عايز اخش علوم بس المشكلة طبعا معروفة عن العلوم ( كلية حيقولوا دا علوم عيل مبيفهمش ) للأسف !!!

[مشتاقة الرسول]

عسي أن تكرهو شيئا وهو خير لكم

[مشتاقة الرسول]

إن الله لا يضيع أجر من أحسن عملا

[ehabelsapa]

إن الله لا يضيع أجر من أحسن عملا