محتاجة راي حد خبرة

[المسلمة الرقيقة]

السلام عليكم ورحمة الله وبركاته
طبعا كلنا عارفين ان التنسيق هيبدا من بكره
كنت عايزة اعرف
لو حد جاتله منحة للجامعة الالمانية
او بيسعى انه يحصل عليها
أولا:-

هل هيكون في تعارض بينها وبين انه يقدم في التنسيق علي اساس انه لو ما اخدش المنحة يكون متسجل في جامعة حكومية ولا لأ
ثانيا :-

ولو المنحة دي لكلية الصيدلة
مع انه جايب مجموع عالي جدا
واهله مستخسرين المجموع ده علي انه يدخل صيدله وكلهم بيشجعوه انه يدخل طب
هل يصر ويتنازل عن المجموع في سبيل انه يحصل علي الشهادة من الجامعة الالمانية علي اساس ان ممكن تكون فرص العمل ادامه كده اكتر ولا لا
ارجوكم افيدوني في الموضوع ده

[bebo the one]

بخصوص التعارض بين الاثنين .. لايوجد تعارض في التقديم للجهتين في نفس الوقت .. وممكن يتم قبولك في الجامعة الألمانية وفي نفس الوقت مكتب التنسيق يرشحك لكلية الطب وهنا يكون الاختيار بيدك أنت وحدك .. مفيش حاجة اسمها استخسار المجموع أو حاجة اسمها المنحة فرصة لعمل أفضل .. معيار الاختيار يجب أن يكون حسب ميولك ورغبتك فقط وليس حسب رغبات الآخرين .. صلي صلاة استخارة وربنا يوفقك لما فيه الخير لك ولوطنك إن شاء الله

[المسلمة الرقيقة]

الف شكر بالاهتمام والرد