10 خطوات للتنسيق ~ تفضل بالدخول

[Senior007]

10خطوات للتنسيق
من على موقع كايرو دار
http://www.cairodar.com/news/details/39808

~~~~~~~~

عندى بس شوية ملاحظات (قبل الخطوات عشان أضمن تقرأوها ) عرفتها من خلال أسئلتى ,,

* تنسيق المرحلة الأولى يبدأ الأحد 21/7 الساعة 9 صباحاً
وينتهى الخميس 25/7 الساعة 7 مساءاً

*تقدر تعدل رغباتك طول الفترة المتاحة للمرحلة
وبعد ما تستقر تماماً على رغباتك وترتيبها
هتطبع صفحة الرغبات
وبعد ما نتيجة الترشيح تظهر هتطبعها
> يعنى هتحط الاتنين فى الملف أثناء تقديمه فى الكليه
ولو افترضنا انك طبعتها وبعد كده عدلت رغباتك
يبقى احرق اللى انت طبعتها واطبع الجديدة ,,

* فى أوراق مطلوبة للتقديم فى معظم الكليات تقريباً
> 6 صور 4*6 على خلفية بيضاء
> هتحتاج تصور بطاقتك فى حدود 4 نسخ
> كمان هتحتاج تصور شهادة الميلاد نسختين
> وشهادة الثانوية العامة ( النجاح ) نسختين
> هتجيب استمارة 7 جند من السجل ( اللى طلعت بطاقتك منه )

* ملفك اللى أنت استلمته مش هتحتاج منه حاجة تقريباً
غير الشهادة

* خلى بالك أوى من الرقم السرى والقومى واياك حد يعرفهم ,,

* نتيجة التنسيق هتظهر بعد حوالى 4 أيام من آخر أيام المرحلة ,,
~~~~~~~~
الخطوات

يفتح مكتب تنسيق القبول بالجامعات والمعاهد المصرية صباح بعد غد الأحد المقبل، أبوابه أمام الطلاب الناجحين فى شهادة الثانوية العامة، ويقدم "كايرو دار" لطلاب المرحلة الأولى للتنسيق أسهل الطرق لتسجيل رغباتهم إلكترونيا، سواء باستخدام اللاب توب الشخصى، أو من معامل الحاسب الآلى بالجامعات

1- اسحب ملفك من مدرستك:
اذهب أولا إلى مدرستك الثانوية أولا واسحب ملفك وشهادتك، واستخدم أوراق شهادتك، وبطاقة الرقم القومى حتى تستطيع إكمال كل المعلومات المطلوبة.

2- ادخل على الموقع التالى:
انتهى زمن التنسيق يدويا منذ أعوام، وبالتالى لا بديل أمامك عن التنسيق إلكترونيا عبر شبكة الإنترنت من خلال الخدمة المجانية المتاحة على موقعى الحكومة المصرية www.tansik.eg، www.egypt.gov.eg

3- استخدم اللاب الشخصى أو معامل الحاسبات بالجامعات:
يتيح مركز تنسيق القبول بالجامعات معامل حاسبات أهمها المكتب الرئيسى بكلية الهندسة جامعة القاهرة، يمكنك من خلالها تسجيل بيانك، ولكن ننصحك ألا ترهق نفسك بالذهاب إلى مكاتب التنسيق الإلكترونية بالجامعات فى ظل حرارة الشمس المرتفعة، والصيام، حيث يمكنك بسهولة أن تجرى تنسيقك من منزلك، باستخدام اللاب توب الشخصى أو الكميوتر، أو من أى سايبر.

4- رتب رغباتك أولا قبل فتح الموقع الإلكترونى:
نظام تسجيل الرغبات يحدد لك وقتاً معيناً يجب عليك خلاله تسجيل رغباتك، ولذا عليك بترتيبها أولا فى ورقة خارجية قبل أن تفتح الموقع، وتكتشف مثلا أنك بعد كتابة 30 رغبة ستبدأ من جديد فى تسجيل رغباتك الـ48.

5- قم بإدخال رقم جلوسك والرقم السرى الخاص:
طبقا لمرحلتك، أدخل رقم جلوسك والرقم السرى الخاص، وانقل الرقم التأكيدى فى المربع الذى يليه، وبالضغط على الخطوة التالية يتعرف عليك حاسب التنسيق المركزى وتظهر لك إحدى شاشتين، فإذا كنت قد تقدمت برغباتك قبل ذلك تظهر لك شاشة تعرض الرغبات المسجلة سابقا، أما إذا كنت تتقدم للمرة الأولى برغباتك تظهر لك شاشة البيانات الأساسية.

6- تحقق من بياناتك الأساسية:
تحقق من بياناتك الأساسية ثم اضغط الخطوة التالية، وستظهر أمامك البيانات التالية "المجموع الكلى الذى يظهر للطالب ويتضمن الآتى: المجموع الأصلى + درجة الحافز الرياضى "إن وجدت" + درجة المستوى الرفيع "ما يزيد عن 5 درجات"، وبالنسبة للطالب المعفى من اللغة الثانية، يحسب له مجموع اعتبارى = المجموع الكلى × 410 / 360.

7 – إذا واجهتك مشكلة أو للاستفسار اتصل على 19468:
إذا واجهتك صعوبات أو وجدت خطأ غير قابل للتعديل، أو ترغب فى الاستفسار عن أى خدمة، فعليك الاتصال فورا برقم 19468.

8- سجل رغباتك:
بعد أن تضع رغباتك أمامك بالشكل الذى ترتضيه ستظهر لك شاشة اختيار وتعديل الرغبات "تحتوى على 48 خانة للاختيارات بواسطة مفاتيح الإضافة والتعديل"، قم بإدخال رغباتك بالترتيب الذى تراه مع ضرورة مراعاة أنه لن تظهر لك الكليات إلا حسب الترتيب الجغرافى، فإذا كنت فى أسيوط، ستظهر لك أسيوط ستظهر لك كلية الطب فى أسيوط أولا، ثم فى سوهاج، ثم فى باقى الجامعات "الأقرب فالأقرب".

9- يمكنك تعديل رغباتك بسهولة طوال المرحلة الأولى
يمكنك تعديل رغباتك طوال فترة المرحلة الأولى للتنسيق، فإذا كنت قد أدخلت كلية معينة، وترغب فى تعديلها، فيمكنك طوال فترة فتح باب التنسيق، تعديل رغباتك من خلال رقمك السرى الذى يجب أن تحتفظ به.

10- اختر ما تحب تخير ما تحبه، ولا تدخل كلية الطب لأن من الأوائل أو لرغبة أهلك، فإذا كنت ترى أنها كلية غير مناسبة لك، فلا تتردد واختر ما تحب فقط، ولا تسمع لكلام أحد فى هذا الأمر، لأنك وحدك ستتحمل نتائج اختياراتك، أما إذا كان مجموعك لا يصل بك للكلية التى تحبها فأمرك لله، ولكن تخير أقرب الكليات التى يمكن أن تناسبك.

[MemOo66]

طب يعنى انا اية الى عرفنى ان الكلية الأولى الى انا هكتبها فى الرغبات هتقبلنى ؟

[Senior007]

مش هتعرف لغاية ما النتيجة تظهر

[Bahy_Ahmed]

معلش استفسار صغنون ايه الرقم السري ده ؟؟مش ده اللي بيكون في كراسة الاجابة في الامتحانات ؟؟

[Senior007]

هتلاقيه فى الشهادة بعد ما تسحبها من المدرسة
س/الرقم
موجود تحت على الشمال
وهتلاقى الرقم القومى فوق ,,

[ngmellail]

معلش ايه الوقت الزمني اللي المفروض الحق اكتب فيه رغباتي اللي انت بتقول عليه بدل مارجع اسجل من جديد وسمعت كمان عن حاجه اسمها رقم الشريحه تتسجل هو ايه رقم الشريحه ده واعرفه ازاي

[عزمى محمد]

الرقم السرى مكتوب فى استمارة النجاح حرف س وجنبه ارقام هو دا الرقم السرى

[عزمى محمد]

اما سؤال الشريحة فدا للى هبسجل بياناته فى مراكز التسجيل فى الجامعات قحتى لا يحدث تكدس وزحام قسمت الى شرائح أما لو عند سيبر أو نت فى البيت فيمكنك عدم الالتزام بالشرائح

[Senior007]

المشاركة الأصلية كتبت بواسطة ngmellail

معلش ايه الوقت الزمني اللي المفروض الحق اكتب فيه رغباتي اللي انت بتقول عليه بدل مارجع اسجل من جديد وسمعت كمان عن حاجه اسمها رقم الشريحه تتسجل هو ايه رقم الشريحه ده واعرفه ازاي

بتكتب تنسيقك خلال اى وقت فى الفترة
المحددة
من الاحد الى الخميس
الموقع شغال 24 ساعة ,,

بالنسبة للشرائح
ده لو هتروح تعمل تنسيقك فى معامل جامعة القاهرة أو غيرها من مكاتب التنسيق
وده عشان تخفيف الضغط

لكن لو من بيتك تقدر تعمله وتعدله فى اى وقت ,,