الاخ mr.zweila

[ahmed H capo]

المشاركة الأصلية كتبت بواسطة mr.zweila

انت بتعلق شماعة فشلك علي الحجج الواهيه .. لو تعلم الحقيقة لتعلم انك انت من اهملت
وباش اتهام الناس بالباطل لان الخسران في النهاية هوا انت

دة كان رد الاخ mr.zweila لما كنت بشتكي من صعوبة امتحان الفلسفه وكميه الاحباط اللي حسيتها بعد الرد دة بدل ما يصبرني برد !!
انا الحمد لله مش فاشل ولا مهمل ولا بعلق شماعه فشلي علي حاجة انا جبت في الفلسفه 48.5 الحمد لله الاول علي مدرستي في الفلسفة مفيش حد عدي ال48 عندنا
وجبت مجموع كلي 94.15% يعني انا مش فاشل ولا مهمل زي ما انت قلت وقلتلك هثبتلك اني مش فاشل واديني اثبت الحمد لله
ولسه لحد دلوقتي رغم درجتي مقتنع ان امتحان الفلسفه هو اسوء امتحان شفته من 1995 امتحان سيء جدا وصعب ومليان اخطاء وحسبي الله ونعم الوكيل في اللي حطه اللي انتقم مننا واحنا ملناش ذنب
شكرا ليك انك احبطتني ساعتها عشان تخليني مبسوط اوي كدة وانا بقولك اني مش فاشل

[حسام جابر]

48 الاول انا عندي طلبه جابت 50 وفيه 49

[أ/ تامر صفوت]

بقول يا احمد اولآ الف مبروك وربنا يوفقك
ومستر زويل رغم انه شعرت بالاحباط من ردة والا انه شكل عند دافع قوي للنجاح والتفوق بعد ذلك حتي لو اختلفنا عن الامتحان فالاخلاف بيننا لا يفسد لود قضية
واحنا في رمضان كل سنة وانت طيب استاذ زويل ارد ان يوصللك الامتحان مش صعب وان شعرت بالاساءة فاعتذر لك بالنيابةة عنه لانه مدرس محترم
بارك الله فيكم

[ahmed H capo]

حسام جابر

ههههههههههه فعلا والله
النتايج ف مدرستي سيئه جدا جدا وفي ناس دور تاني كمان التاني ورايا جايب 45
انا اصلا في المجموع كله التاني علي المدرسة

[mr.zweila]

بارك الله فيك يا استاذ تامر علي رد غيبتي وكامل الاحترام للاستاذ حسام جابر .... وبالنسبة للعضو ahmed capo الف مبروك نتيجة ممتازة وبالتوفيق ان شاء الله في كلية محترمة تكون تتمناها اتمنالك كل توفيق ... واود ان اوضح بعض الملابسات ,, يا استاذ احمد انت من الواضح في الوقت ده مشدوده اعصابك جدا وانا مش مختلف معاك ان امتحان الفلسفة كان الي حد ما فيه شوية تكات محتاجه فقط التركيز ليس اكثر بمعني ان الطالب اللي شايف شغلو كويس طول السنة بالنسبة ليه الامتحان ممتاز .. ومع ذلك انا فرحان جدا ليك بالنتيجة المميزة دي وزي ما الاستاذ المحترم تامر وحسام ردو عليك انا كمان بقولك كويس جدا اني خلقت جواك تحدي وصلك للفرحة اللي فيها ... وكل عام وكل الاعضاء المحترمين بخير ... اخوك محمد زويلة

[ahmed fm]

الف مبروك ياحمد والاختلاف فى الراى لا يفسد للود قضية