انا خلاص هانتحر معدتش قادرة استحمل

[رانيا الريان]

ياجماعه انا نفسيتى تعبانة من ساعة لما عرفت النتيجة عايزة اموت نفسى
الناس كلهم جايبين مجاميع حلوة من غير المستوى الرفيع
يعنى لما التنسيق ينزل مش هلاقى كلية زى الناس انا تعبت وماببطلش عييط من الصبح قولولى اعمل ايه خلاص هموت نفسى انا تعبت ليه كده ربنا بيعمل فيا كده هو انا مش مكتوبلى ليه افرح زى الناس واجيب مجموع عالى وافرح اهلى ليه ؟ليه ؟لييييييييييييييييييييييييييييييه؟خلاص معدتش قادرة استحمل هيجرالى حاجه مجموعى الزبالة الى هدخلنى دراسات انتساب 93.2 مجموع معفن
ياريتنى مازاكرت طول السنة ياريتنى ماروحت دروس بعد الفجر ياريتنى ماتعبت ياريتنى ياريتنى ياريتنى مادخلت علمى من الاول ولا دخلت ثانوى اصلا

[ḂařĦồḿa]

استغفر الله العظيم متقوليش كده ده اختبار من ربنا و ممكن حاجه تحصل تخليكى تدخلى اللى نفسك فيه بس النتيجه لسه مطلعتش ؟! و لا انتى ازهرى

[لؤلؤة الإسلام]

هدى نفسك بالله عليكى
مش كده
استهدى بالله ان شاء الله التنسيق يقل وتقدرى تدخلى كلية كويسة

..

ربنا يصلح حالك يارب ويفرحك ويفرح أهلك بيكِ ان شاء الله

[Eng esra]

هيا النتيجة ظهرت؟؟؟؟؟؟

[zanzona]

ربنا معاكى و ان شاء الله تتدخلى كلية كويسة
بس هى النتيجة ظهرت ؟

[لؤلؤة الإسلام]

يا جماعة كلامها بيدل على انها ازهرية مش ثانوية عامة

[ahmed fahmi]

النتيجة مش مقياس والله
حياتك مش هتقف علي النتيجة وخلاص
اكيد ربنا شايلك حاجة احسن واحسن

[mgaber633]

إذا أخذ الله منكي ما لم تتوقعي أخذه .....فسوف يعطيك ما لم تتوقعي أن يعطيكي إياه

[Asa7be Wawa]

و ده من ايه يعنى انتى ثانوى ازهرى و لا ثانوى عام ؟

و بعدين أهدى كده أكيد ربنا شايليك حاجه أحسن أعرفى ان عمر ما مجهودك حيضيع

[maxpaine]

اكيد ربنا شايلك حاجة افضل واصبرى ده اكيد اختبار من ربنا "والذين صبروا ابتغاء وجه ربهم"واكيد ربنا عنده حكمة لا يعرفها الا سواه

[بسام زقزوق]

كم المجمع الكلي للثانوية الازهرية ؟

[مصطفى فرجان]

thank you so much

[تيتو الزمالكوى]

650 بالتوفيق

[ahmed mohmoed ahmed]

المشاركة الأصلية كتبت بواسطة maxpaine

اكيد ربنا شايلك حاجة افضل واصبرى ده اكيد اختبار من ربنا "والذين صبروا ابتغاء وجه ربهم"واكيد ربنا عنده حكمة لا يعرفها الا سواه

السلام عليكم ورحمة الله وبركاته ......

سبحان الله وبحمده ... سبحان الله العظيم .. رضيت بالله ربا وبالاسلام دينا ومحمد (ص) نبيا ورسولا .......

أما بعد : مش معنى أن الواحد جايب مجموع صغير أنه ينتحر .. لا .. ده فيه ناس ياما كانت جايبة مجاميع صغيرة ما بين 60 - 70 - 80 % .

أنا طالب معاكم فى ثالثة ثانوى وكنت جايب 87.5% فى المرحلة الأولى ومع ذلك كملت علمى رياضة فى المرحلة الثانية ... لانى كنت بحب الرياضة والفيزياء .. مش كنت عايز حاجة ..

الى بيحب حاجة لازم يتعب علشان يوصلها وحتى لو موصلهاش يحاول مرة واثنين وثلاثة وانشاء الله هيوصل للى هو عايزه .. ودايما تتذكر قول سبحانه وتعالى فى سورة البقرة ...
(وعسى أن تكرهوا شيئا وهو خير لكم وعسى أن تحبوا شئا وهو شرا لكم)
وقول سبحانه وتعالى فى سورة الضحى (ولسوف يعطيك ربك فترضى)

ومش معنى انك دخلت ثانوية عامة يبقى خلاص نهاية الدنيا لسة فى حاجات كثير لازم نتعب علشان نوصلها .. وربنا سبحانه وتعالى مبيضيعش تعب حد ابدا ... واعلم ان الطالب المجتهد عمروا ما يتساوى بالطالب المهمل ده مستحيل ابدا .. ولكن بالفطرة والمنطق والعقل والتفكير ..


استهدى بالله واحمده على نعمه واشكر ربك كثيرا وخصوصا فى هذا الشهر الكريم ....
واعلم ان الله لا يضيع اجر من احسن عملا .. اقول قول هذا واستغفر الله لى ولكم ...

كان معكم الطالب : أحمد محمود أحمد محمود ... رقم تليفونى 01114072041

[hasan99]

امر المؤمن كله خير .....
فيها ايه انا في تالته ثانوي عام ومستني نتيجتي والحمد لله لو اي حااجه ربنا جابهالي خلاص اانا هقبل بيها لان في نقطه مهمه جدا لو سلمنا بيها هنطمئن لاي حااجه بعد كدا .. وهيا ان ربنا هو الوحيد اللي بيكتبلي الخير ومين افضل من ربنا يقدر يحددلي مستقبلي .. !!