ايه الفرق بين هندسه قسم عماره وقسم مدني

[aya.mounier]

ايه الفرق بين قسم عماره و مدني من حيث الدراسه والشغل؟

[Mahmoud Abdelhakeem]

المهندس المعمارى : بيعمل التصميم الانشائى للمبنى اللى هيتنفذ
مهندس المدنى : مسئول عن تصميمات بردو وعملية التنفيذ هو اللى بيقوم بيها

والله اعلم

[eng ahmed nassar]

سهل ياسيدى اوى
المهندس المدنى وانا مدنى
مسئول عن التصيميات العملاقة مثلا لطرق وكبارى ومجتمعات سكنية والاشراف فى تنقيذها
بس
كدا
المعمارى المسئول عن التصميم الداخلى للمبانى

[Eng esra]

طيب ياباشمهندسين انهي انسب قسم للبنات عشان البهدلة وكدة

[tata haggag]

هندسة للشباب احسن في كل الاقسام و بكل المقاييس
للبنات قسم مدني سيء جدا بعد التخرج في الشغل عشان محتاج جهد عالي و ممكن تنزلو مواقع
بليل و كده
معماري انسب كتير خصوصا ان الرسم بيكون في مكتب

[m7md3bdellatif]

الفرق كبير جدااااا
ببساطة شديدة :
المعمارى بيصمم اشكال..مساحات..
المدنى بيحط الاحمال..و الخرسانات..الخ
ده ببساطة يعنى..
الموضوع اوسع طبعا

[همس الرومانسيه]

طبعا أنسب قسم للبنات هو قسم العماره علشان مستقبل الشغل بعد كده بيكون فيه تخصصات كتيره جوه العماره منها جزء كبير بيكون بيشتغل في المكتب وفي نفس الوقت فيه كمان مهندسات معماريات بتنزل المواقع وبتشرف واحسن من اجدعها راجل

الفرق بين عمارة ومدني
مبدئيا كده الاتنين بيكملو بعض
المعماري هو اللي بيبني العالم اللي انتي بتشوفيه حواليكي من اصغر حاجة عينك بتقع عليها في تصميم فرش بيتك لحد تخطيط المدن الكبيره ،
العمارة يعني الجمال انك تخلي الناس تحس بمعنى الجمال
ويعني الصحة انك تخلي المكان ياثر فيكي ويتفاعل معاكي ويحسن مزاجك لو في بيت او مستشفى
ويعني الانتاج لو بتعملي مدرسة او شركة فيها تهوية واضاءة ومساحة مناسبة لكل انسان جواها تقدر تساعده في انه يادي دوره صح
ويعني الامان لو بتخططي شارع او حديقة لاطفال في ميدان او تجمع سكني في حي او شبكة شوارع بكراسيها واضاءتها وحدائقها وممراتها ونوافيرها في مدينة
ويعني حضارة لو بنخطط لامم وشعوب عاشت ازمان طويلة وكل اللي فضل منها اثار على جدران مباني عاشو فيها وكشفت عن اعجازات علمية او فنون او تكنولوجيا سابقة لزمانها
يعني مباني كتير ابراج وفنادق ومدارس ومستشفيات ومسارح و متاحف ومعارض ومطارات وناطحات سحاب
يعني تصميم و ديكور و تخطيط و تشطيب و تنفيذ و اشراف
ببساطة العمارة يعني ...نحن لانبني مبانينا ولكن مبانينا تبنينا


المدني مع المعماري هو اللي بيخلي كل الاحلام الجميلة دي تقف على رجليها ويفكر ازاي الحاجات دي نقدر نخليها قوية ثابتة غير قابلة لحصول تاثير عليها من اهتزازات او زلازل او رياح او غيرها وازاي يدعمها بحديد وخرسانة ويحسب كل ده كويس علشان ميكونش في اخطاء تاثر على سلامة المبنى والناس اللي فيه وهو كمان فيه تخصصات كتير زي العمارة مش كلها مباني وانشاءات فيه طرق وكباري وانفاق وري وصرف صحي وسدود وغيرها منقوووووووووووووول