أدخل هندسة ولا ألسن! ولو هندسة قسم أيه؟

aya.mounier · #1 01-07-2013, 04:37 PM

بليز ياجماعه أنا محتاره مش عارفه ادخل ايه
أنا طول عمري نفسي ف هندسه أهلي لما لقو درجتي في الفرنساوي 50 من 50 والإنجلش السنة دي برده بأذن الله نفس الكلام قالو لأ ألسن
عشان أهلي شغالين ف السياحه ولما هتخرج من ألسن هشتغل بسهوله ده غير ان الشغل هايبقي مريح جدا وانا في نفس الوقت مش بكره اللغات وخايفه ادخلها الاقي نحو وعربي عشان اسمع انهم بيدرسو نحو وانا بكرهو خايفه ادرس حاجه بكرهها مش هفلح وف نفس الوقت طول عمري نفسي هندسه بس هتخرج منها من الصعب الاقي شغل كويس ، فكرت ادخل هندسه وابقي آخد كورسات لغات كده يبقي انفع مهندسه وفي السياحه قولولي رأيكو بليز

وكمان انا عايزه أدخلها خاصه هقدم إنشاء الله في الجامعه الكندية cic لو حد يعرف نظام الدراسه فيها ألسن او هندسه ياريت يفيدني

برده مش عارفه لو هندسه أدخل قسم ايه انا عايزه حاجه تكون سهله شوية في المزاكره لأني طالعه متعقده من المزاكره بعد الشوفته ف ثانوي قالولي قسم عماره بس مش عارفه، حد يقولي اعمل ايه

m7md3bdellatif · #2 17-07-2013, 10:37 PM

بصى اولا..لازم تخشى اللى انتى بتحبيه بغض النظر عن اهلك عايزين ايه
انا طالب ف هندسة القاهرة..
الكلية مش صعبة اوى زى ما الناس متخيلة..
و الشغل بايد ربنا عز و جل..يعنى مفيش حاجة اسمها ملهاش شغل و و ..الخ
شوفى انتى حابة ايه و ربنا يوفقك ان شاء الله..
لو عندك اسئلة ليا ممكن تساليهالى على تويتر
*3mtifa
عشان انا مش باخش عالمنتدى ده الا قليل اوى

ربنا يوفقك للصح

m7md3bdellatif · #3 17-07-2013, 10:41 PM

بدل النجمة جنب 3mtifa علامة at ..ممنوعة هنا ف المنتدي شكلها كده