خطاب مرسي 700 جنيه حد ادني للمرتب

[ahmedpp]

انا مش عارف لما هو 700 جنيه حد ادني امال احنا المثبتين حديثا مدرسين درجه تالته بنقبض حوالي 650 وبعدين يقول رفعنا المستوي المادي للمعلم اين ذلك هذا لا نلمسه اطلاقا علي ارض الواقع لا من قريب ولا من بعيد

انا لست ضد الرئيس مرسي ولكني اريد ان يتحدث بالحقائق وليس المغالطات

[زكريا مختار]

كلااااااااااااااااااااااااااام متشغلش بالك

[m.nabil]

افهموا يا جدعان المكافاة محسوبة
كل الناس فاكرة ان المكافاة دي حاجة كدة يعني (بكشيش)
لو حسبت المكافاة تلاقي نفسك بتاخد 828 يعني اكتر من 700
علي فكرة انا مثبت حديثا مثلك

[شريهان 2]

يعني هو عايز يشلنا مش كفايه ان احنا اقل مرتبات في البلد
لا وكمان بتفشخر ان رفع مرتباتنا
ميعرفش ان المرتب ده حرااااااااااااااااااااااااااااااااااااااااااااام

[egyptian hero]

اللى بيقولوا المكافاة طبعا اخوان محسسينا ان المرتبات ممتازة روحوا ربنة ينتقم منكم انتم والهم اللى ابتلينا بيه محمد مرسى

[teacher120]

على اساس ان الوظائف الاخرى بتاخد مكافاه؟ بلاش تبرير مغلوط- يقصد بالراتب المرتب الاساسى +حوافزك والمفروض الكادر دا زياده عن الراتب لانه للمعلم فقط طب احنا بالكادر بالهبل دا كله 647 كذب






نرجوا الالتزام بادب الحوار وعدم سب او قذف اى انسان فى هذا المنتدى

[m.nabil]

يا جماعة افتكروا لما مضيتوا اول عقد في الازهر 2007 كان مكتوب في العقد الراتب 300 وبتاخد 200 وشوية
ده ايام الراجل اللي اسمه مبارك محدش قال حاجة وقولنا الحمد لله احسن من الشغل بالحصة
وبعدين 820 ما بتكفنيش وانا مش متجوز مش معني اني بقول كدة ابقي اخوان و القصص اليي انتوا فيها دي
بس اللي ميشوفش من الغربال يبقي اعمي
لو قالولي عاوز يبقي مرتبك كام هقول اعلي مرتب في الدوله
وانا شخصيا يكفيني 3000 في الشهر عشان اعيش عيشة كريمة
المهم ان في ناس بياخدوا فلوس كتير في وظائف مختلفة خيفين لحسن بكرة ينقصوا او يتكشفوا ان وظائفهم وهمية
او حتي يطبق الحد الاقصي الناس دي بتستفيد من الناس اللي متعرفش ربنا عشان يخربوا البلد
وبدل متقول مش عاوزين مرسي قول عاوزين فلان
ورينا حضرتك بتثق في مين
وخليك شاطر لما يكون عندك عربية عاوز تبيعها قول ان عربيتك فيها كذا وكذا بدل متقول ان عربيت غيري مفيهاش كذا
ولو عاوز نصيحتي ما تنتميش لاي حزب وخليك مواطن عادي

[محمد دره]

انا معاك يا مستر نبيل ..........البلد محتاجة فترة علشان تنهض مرة تانية ..........انا عارف ان الراتب ضعيف ولكن زاد بنسبة اكبر من 300% خلال 5 سنوات ..يعنى كان 200واصبح 700 الى حد ما ...........وده عبء على الدولة كبير .........نتمنى بقانون حاسم للحد الاقصى وده هيصب على الحد الادنى

[happy mino]

اللهم اصلح حال مصر

[teacher120]

المرتب زاد فى عهد المجلس العسكرى وليس فى عهد الرئيس العلاوه السابقه الى اقرها ووضع الموازنه المجلس العسكرى- اما الرئيس زودنا 5% ولكن من موازنه التعليم زادته موارد تم توفيرها- بخلاف اصدقائه اساتذه الجامعات زادوا من موازنه الدوله وبالاف الجنيها ثم السؤال هل الاسعار قبل ذلك مثل اسعار اليوم طبعا لاااااااااااااااااااااااا

[مستر / سعيد كفراوى]

المشاركة الأصلية كتبت بواسطة شريهان 2

يعني هو عايز يشلنا مش كفايه ان احنا اقل مرتبات في البلد

ميعرفش ان المرتب ده حرااااااااااااااااااااااااااااااااااااااااااااام

يرجى الالتزام بادب الحوار

[alimalimali]

نفسي اعرف الناس اللي بتهاجم الرئيس عمال علي بطال مكنوش بيفتحوا بقهم ليه لما كان مرتبهم 300 جنيه هنفضل طول عمرنا كده نخاف مانختشيش

[teacher120]

ايوه مش كنا بنفتح بقنا وربنا كرمنا بالثوره المباركه عشان صوتنا يصل للحاكم احنا خرجنا على مبارك ليس من اجل مجىء مرسى الذى تعهد على مسمع من العالم بتعهدات منها العداله الاجتماعيه ولم يحدث منها شىء والله العظيم المرتب زاد جنيه بعد ال % الى اقرها مبارك وبينسبها مرسى لنفسه بلاش تصفيق للحاكم احنا خلاص بطلنا نكون تابعين مصر تحررت من الظلم والطغيان والكذب ومرسى اما ان يكون رئيس يتق الله فى شعبه ويحرص على مستقبله واما انه يغور هو ومكتب ارشاده زى ما غار مبارك وحاشيته

[أ/مصطفى محمود]

يغلق//،،،
يمنع طرح النقاشات السياسية بالقسم