معلمى ادارة أخميم ...هتسكتوا لحد فين

[احمد السيد طة]

يا اخوانى انا كتبت قبل كدة وقولت ان ادارتنا الوحيدة على مستوى المحافظة الى تجردت فيها العلاوات على مربوط الدرجة للكل ..الاساسى اصبح 245 وباقى المحافظة فيها 245 لمن كان يعمل بعد 5-2008 و274 لمن كان يعمل قبل ذلك ..المكافأة على الاساسى الجديد ..باقى المحافظة هتزيد عننا 300 جنية ..لازم نتحرك ونطالبوا بالمساواة ..انا قولت الكلام دة قبل كدة ومحدش رد علية .عاوزين نتحرك وبلاش الكسل وكل واحد يعتمد على غيرة ..المفروض اننا نذهب مجموعة ونقابل المحافظ ..يا ريت المرة دى نكون ايجابيين اكتر

[كمال طلب]

السلام عليكم يا أستاذ احمد \\\اخوك كمال طلب --من ادارة ساقلتة ---الحقيقة ان ادارة اخميم لها نهج خاص بها .مش عارف لية تكون الادارة الوحيدة التى رجعت العلاوات على المربوط ..فى ساقلتة كل من كان بعقد قبل 5\\2008 أساسية وصل 274 ومابعد ذلك 245 --كان اللة فى عونكم مع هذة الادارة الظالمة

[محمد المهم]

انامن ادارة اخميم الظالمة ولقد ارسلت شكوى الى مجلس الوزراء عن مرتباتنا وما يجرى فى هذه الادارة ولقد اتصلو بى ثانى يوم على طول وقالو ان البحث جارى فى هذا الموضوع. واطالب كل معلمى واخصائى فى ادارة اخميم بالتحرك ويرسل شكوى لمجلس الوزراء حتى يكون الكلام بالاجماع وليس من شخص واحد http://www.complain.idsc.gov.eg/GCP/Default.aspxوذلك للاهتمام اكثر
كفاية سلبية وخوف !

[احمد السيد طة]

أشكرك على المشاركة يا استاذ محمد \\أول مرة الاقى حد من ادارة أخميم ايجابى ...ياريت رقم تليفونك

[احمد السيد طة]

الرابط الى نزلة الاستاذ محمد رابط شكاوى مجلس الوزراء..المفروض انك تسجل الاول وبعد كدة هيكون لك صفحة على هذا الموقع فيها اسم المستخدم وكلمة السر تدخل بيهم وتكتب شكواك ..وهيتصلوا بيك فى غضون 24 ساعة يأكدوا على جدية الشكوى وهيتابعوا معاك الشكوى لحظة بلحظة ....يا ريت بلاش كسل ونشارك كلنا ونبعت شكاوى لمجلس الوزراء

[daddad]

لا بد من وقفه جاده تشترك فيها جميع المحافظات
الطلب بتعنا شرعى وقانونى ولكن باله طويل فى المحاكم
نفسى فى معلم من كل اداره فى المديريةالتابعه له يأخذ توقيعات
كل المعلمين الجدد والمساعدين وتكون هذه التوقيعات بمثابة عهد
وميثاق نلزمه بالحضور فى الوقفه الاحتجاجيه

[كيلو بترا]

المشاركة الأصلية كتبت بواسطة احمد السيد طة

يا اخوانى انا كتبت قبل كدة وقولت ان ادارتنا الوحيدة على مستوى المحافظة الى تجردت فيها العلاوات على مربوط الدرجة للكل ..الاساسى اصبح 245 وباقى المحافظة فيها 245 لمن كان يعمل بعد 5-2008 و274 لمن كان يعمل قبل ذلك ..المكافأة على الاساسى الجديد ..باقى المحافظة هتزيد عننا 300 جنية ..لازم نتحرك ونطالبوا بالمساواة ..انا قولت الكلام دة قبل كدة ومحدش رد علية .عاوزين نتحرك وبلاش الكسل وكل واحد يعتمد على غيرة ..المفروض اننا نذهب مجموعة ونقابل المحافظ ..يا ريت المرة دى نكون ايجابيين اكتر

منهم لله الادارة دى بجد مش فاهمة موقفهم ليه كده..كل الادارات تمشى صح وهى تمشى العكس طيب ليه ولصالح لمين العك اللى بيحصل ده حسبى الله ونعم الوكيل حتى المكافة هتنقص المبلغ ده طيب ليه هما بيدونا من جيبوبهم ولا ايه لازم وقفة بجد ليهم

[احمد السيد طة]

اخوانى الاعزاء معلموا ادارة أخميم\\تقدمت اليوم بشكوى للتنظيم والادارة بسوهاج وسلمت الشكوى واخذت رقمها .الشكوى بما يخص ادارة اخميم من تجريد للعلاوات واحتسابها على مربوط الدرجة وذكرت فى الشكوى اننا الادارة الوحيدة على مستوى المحافظة التى جردت العلاوات للمثبتين فى 2011 ..يا اخوانى ارجوكم نريد تقديم اكبر عدد من الشكاوى للتنظيم والادارة حتى يحدث اهتمام بالموضوع ..على فكرة مديرية التنظيم والادارة فى المحافظة خلف شركة ايديال

[نورالإيمان]

لا تنسوا ياجماعة أن توضحوا بالشكوى تاريخ التعاقد ولكن لماذا لم تتقدموا بشكوى للنيابة الإدارية لأنه من المفروض أي موظف مؤقت أو دائم كان موجود قبل 1/5/2008 تضاف له 43ج ومن جاء بعد هذا التاريخ يحاسب على المربوط ولكن للأسف توجد فتوى من التنظيم والإدارة بأن الكل يجب أن يحاسب على المربوط مع أن المعلم المساعد وظيفة ضمن وظائف الكادر