استشاره بخصوص تاجيل مواد مرحله ثانيه

[mohamed_1722]

السلام عليكم ورحمه الله وبركاته

اولا انا اسف جدا اذا كان الموضوع فى قسم غلط مش لاقى قسم لاستفسارات الطلاب

انا طالب فى الصف الثالث الثانوى ومعايا كيمياء من الصف الثانى وقريت فى منشور من الوزاره ان انا هاخد 50% من درجه ماده الكيمياء فقررت اقسم سنه تالته على سنتين عشان اخد درجه الكيمياء كامله عايز اعرف ازاى اقسم سنه تالته

يعنى ينفع امتحن ماده واحده ولنفترض علم النفس و الاجتماع واسيب بقيت مواد تالته + كيمياء سنه تانيه للسنه الجايه

ده النص اللى انا قريته :

يسمح للطالب الذى أتم دراسة المواد المقررة فى الصف الثالث الثانوى العام بأداء الامتحان فـى جميع المواد المقررة ، أما الطالب الذى انتقل من الصف الثانى الثانوى إلى الصف الثالث الثانوى بمادة رسوب عليه أداء الامتحان فى جميع مواد الصف الثالث الثانوى المقــررة بالإضافة إلى مادة رسـوبه فى الصف الثانى الثانوى ، ويحتسب للطالب الدرجات الفعليــة التى يحصــل عليها فى الامتحان فى المواد المقررة فى الصف الثالث الثانوى .

وبالنسبه لمادة رســـوبه ( فـى امتحان الصف الثانى الثانوى ) فلا يحتسب للطالب أكثر من 50 % مــن النهاية الكبرى المقررة للمادة

وده رد الاستاذ الفاضل اشرف عزت فى موضوع تانى لطالب حالته قريبه من حالتى

امتحان المادة فى الدور التانى تاخد 50 % فقط
ولو طلعت بيها تالته برضو 50%
لو قسمت تالتة وطلعت بيها السنة اللى بعدها تاخد الدرجة كاملة

اتمنى لو حد يقدر يساعدنى عشان مش قادر اوصل لحد من شئون الطلبه عشان اساله

فى انتظار ردود حضراتكم

[mohamed_1722]

استفسار اخر هل ينفع انى محضرش الامتحانات كلها هل كده هاخد درجه الكيمياء كامله لو عيدت سنه تالته بالمواد كلها ؟؟؟

فى انتظار الافاده من حضراتكم

[mohamed_1722]

40 مشاهده ومفيش ولا رد ؟؟؟

[mabotahoun]

اذا رسبت قى اكثر من ماديتين + الكيمياء سيتم اعادة السنة فى مواد الرسوب وتحصل على الدرجة الفعلية فى هذه المواد العام القادم

[mohamed_1722]

شكرا لرد حضرتك

يعنى لو سقط فى المواد كلها ماعدا علم النفس و الاجتماع هاخد الدرجه الفعليه فى الكيمياء ؟؟؟

ولو سقط فى المواد كلها هل نفس النتيجه ام ماذا ؟؟؟

شكرا مره تانيه لرد حضرتك

[مستر عبدالناصر]

المواد التى تبقى للعام القادم تاخد الدرجة الفعلية حتى لو غبت فى الامتحان بتاع السنة دة