استكمالا لمسلسل الفضائح

[wanne]

النهاردة بقى جيابلكم خبر جديد جداااااااا مكنتش أعرفه بجد ظابط الجيش اللى لسة متخرج ومبيعملش حاجة مرتبه تخيلوا كم ؟؟؟؟؟؟؟؟؟؟؟؟؟؟ 3000 جنية يعنى عيل لسة متخرج مرتبه كدة واحنا قاعدين نجاهد بقالنا 5 سنين ومش عارفين نوصل ل 1000 جنية ومرتبنا 760 جنية بذمتكم دة مش حرام وخدوا ديه بقى النقيب فى الجيش مرتبه 5400 جنية احنا فعلا العبيد وهم السادة ومفيش أى عدالة اجتماعية وشكرااااااا يا مصر

[ossamahelmy69]

على فكرة انت مش بتفهم واسف على الرد كده بس دي حقيقة بدل ما تفكر فى ان مرتب الظابط المتحرج جديد 3000 جنية وانت اللى بقالك 5 سنين مش قادر تحصل ال 1000 ومرتبك 760 يا ريت يا ريت تبطل الحقد اللى انت فيه ده وما تبصط لغيرك وبدل ما تقول الكلام ده قول ان احنا ناس مش عندنا كرامة كمدرسين لاننا سايبين حقوقنا كلها بتروح حق ورا التاني انا بقى يا سيدي بقالى في التربية التعليم 18 سنة ومرتبى ما جبش 1400 جنية تفتكر بقى اللى زيي يقول اية ؟

المفروض نحب بعض انت ما طلعش عينك في التدريبات والغربة عن اهلك 4 سنين عشان تتكلم كده وتبصله في لقمه عيشة لكن قول وزارتى ضحكت عليه وبتستكردني وانا شايف وفاهم كل ده وفاهم وبالرغم من كده مستخسر اروح لمحامي محترم وادفع مبلغ واطالب بحقي - فهمت يا استاذ بصيص !!!؟

[اشرف الجبالى]

هيعملك ايه المحامى ولا حاجه الناس اللى فوق مش باصه للتعليم والعلمين خالص

[wanne]

دة مش حقد وحضرتك انسان مش محترم ودة مش حقد دة مطالبة بالعدالة وانا مليش دعوة انت بقالك اد ايه ديه حاجة متخصنيش

[malakdarsh]

المشاركة الأصلية كتبت بواسطة ossamahelmy69

على فكرة انت مش بتفهم واسف على الرد كده بس دي حقيقة بدل ما تفكر فى ان مرتب الظابط المتحرج جديد 3000 جنية وانت اللى بقالك 5 سنين مش قادر تحصل ال 1000 ومرتبك 760 يا ريت يا ريت تبطل الحقد اللى انت فيه ده وما تبصط لغيرك وبدل ما تقول الكلام ده قول ان احنا ناس مش عندنا كرامة كمدرسين لاننا سايبين حقوقنا كلها بتروح حق ورا التاني انا بقى يا سيدي بقالى في التربية التعليم 18 سنة ومرتبى ما جبش 1400 جنية تفتكر بقى اللى زيي يقول اية ؟

المفروض نحب بعض انت ما طلعش عينك في التدريبات والغربة عن اهلك 4 سنين عشان تتكلم كده وتبصله في لقمه عيشة لكن قول وزارتى ضحكت عليه وبتستكردني وانا شايف وفاهم كل ده وفاهم وبالرغم من كده مستخسر اروح لمحامي محترم وادفع مبلغ واطالب بحقي - فهمت يا استاذ بصيص !!!؟

يعني انت لسة مشاركتين بس وداخل تشتم وتقول انت مبتفهمش وحقد وبصيص ؟
بالراحة شوية ياعم
ولا انت واخدا اقدمية ؟؟؟؟؟؟؟؟؟؟؟؟؟؟؟؟

[malakdarsh]

المشاركة الأصلية كتبت بواسطة wanne

دة مش حقد وحضرتك انسان مش محترم ودة مش حقد دة مطالبة بالعدالة وانا مليش دعوة انت بقالك اد ايه ديه حاجة متخصنيش

يعني الراجل غلط وشتم تقوم ترد علية بشتيمة ؟
مينفعش ترد الغلط بغلط واطلب من ادارة المنتدي تحذف المشاركة بتاعتة وخلاص

[ossamahelmy69]

دة مش حقد وحضرتك انسان مش محترم ودة مش حقد دة مطالبة بالعدالة وانا مليش دعوة انت بقالك اد ايه ديه حاجة متخصنيش

شوفت بقى انك انسان هجومي عاوز تشتم وتقل أدبك وبس .... ومش فارق معاك فرق السن وبتقول ان انت مدرس ومن الصفوة !!! عموما انا متشكر على انى قررت انى مش محترم زي ما قررت ان انت المفروض تاخد اكتر من الظابط وفاكر ان هية دي العدالة.

صدقني لو كل واحد ركز مع نفسه وفي شغله وبس وما بصش لغيرة ولا بس في مرتب كل واحد هوا بياخد كام ولما يحس ان هوا مظلوم يقول ويشتكي وما يخافش ابقى ساعتها قول دي مش عدالة لو ما اخدتش خقق.

انت دخلك اية اصلا اذا كان ظابط الشرطة ولا الجيش متخرج وبياخد 3000 ولا 10000 حتى !!؟ فكر فيها باسلوب تاني شوف اية اللى مخليك ساكت على حقك - ليه مش بتطالب بيه انت واللى معاك لما تبقى تاخد حقك في التربية والتعليم الاول بالقانون ابقى ساعتها شوف الفرق بينك وبين الظابط.

كنت تقدر انت تتخرج وتروح تقعد على الجبل ولا في الصحراء ولا تتعامل مع جمهور بنفس اسلوبه وهو سايب بيته وولاده ده طبعا غير فترة تدريبه ودراسته في الكلية - فكر كويس الاول
وشكرا كمان مرة

[teacher120]

واحنا بنتعب زى الجيش؟ لازمن يكون 10 الاف مش بيضحى بنفسه وبيموتوا- اما بقه قول الكهربا ولا المياه ولا الاتصالات ولا الضرايب والتامينات والمحاكم والشهر العقارى والبنوك دوووووول بجد قله ادب وظلم بين لينا ربنا المنتقم

[ossamahelmy69]

والله ما داخل اشتم ولا حاجة بس احنا فعلا في البلد دي طول ما كل واحد فينا بيبص في ايد التاني ومش بنحب بعض عمرنا ما هانتقدم انا عارف ان مرتب التربية والتعليم زبالة والمفروض يبقى تاني مرتب بعد مرتب القاضى لو في بلد محترمة والمفروض يبقى فيه حد أدنى وحد أقصى للأجور - احنا بقى سايبين كل ده وبنبص لمرتب الظابط بقى كام لما يتخرج - باصص ل 3000 ومش باصص انت المفروض تاخد وتستحق كام !!!؟ انا عن نفسى المفروض اطالب كمعلم مش أقل من 6000 جنية كبداية تعليم مش الأخ اللى بيتكلم في انه عاوز يكمل 1000 جنية وبيقولى انى مش محترم - نفسى احنا اللى نتكلم بجد ونحدد مطالبنا وما نخافش ولما نحب نقارن نقارن نفسنا بنفسنا مش بغيرنا يعرف ان هوا منصوب عليه من الحسابات !!!؟ لا طبعا يعرف انه ما خدش 50% الاولانية ومرة ياخدها ومرة لا ولغاية دلوقتى ما اتحطش في الكشوف الرسمية بتاعه القبض !!!؟ لا ما يعرفش يعرف ان هوا لسه ما اخدش ال 50% الثانية !!!؟ لا يعرف انه المكافأة مش هايخدها مظبوطة وفيه لعب في كل شيئ في الحسابات في مديريات التربية والتعليم !!!؟ برده لأ - عشان كده بأقول بلاش تبص على اى حد من بره وزارتك وطالب بحقوقك اللى مضحوك عليك فيها عشان نبقى كلنا محترمين مش واحد بس - صدقوني انا باحسبها ببصة الناس لينا كمدرسين مش اكتر شكلنا بد بقى زبالة في كل مكان - وعموما انا بتأسف بس فعلا انا مضايق من وضعنا كلنا وكرهنا لبعض

[ossamahelmy69]

طيب بالله عليكم حد فينا سأل نسه قبل ما يطلب بمرتبه بالكامل كده بالله عليكم ونفسى في أراء وناس ترد عليه حد في المدرسين بيشتغل بضمير وزي ما بيقول الكتاب ؟ عشان يطالب بحقه ويقدر يأخذه !!!؟

أنا عن نفسى بأقول لا ماحدش قايم بدوره على أكمل وجه
وبأقسم بالله العظيم ثلاثة لو كل واحد في المدرسين شاف الدور اللى عليه ونفذه صح وفضل الفترة بتاعه شغله كلها ساعتها بس هايقدر يطالب بحقوقه وهايخدها غصب عن التخين - لكن ربنا سبحانه وتعالى عشان عارف ان ماحدش فينا عنده ضمير 100 في 100 ومش بيؤدي دوره كامل خلى قلوبنا فيها خوف من اننا حتى نطالب بأي حقوق لينا وعمالين نتكلم وبس - صح كلامي ولا غلط ؟ حد يرد عليه يمكن انا الىل غلط

[العجوز2]

السلام عليكم ورحمة الله وبركاته
لقد رزقنا الله بنقابة تدافع عن الوزارة لا عن المعلم ووزارة تدافع عن الطالب والنقابة لا عن المعلم ومعلم لايدافع عن نقسه واخوانه فعلى المعلم والتعليم السلام وحكومة لاتعرف الوزارة او المعلم اواي شيئ عن مايسمى بالتعليم فو فهي في زيل قائمة الاهميات من يعترض من يتظاهر من ياخذ حقه له الهمية والدليل
اليوم السابع‏


ننشر التفاصيل النهائية لكادر المهن الطبية قبل إعلانها بالشورى اليوم


ننشر التفاصيل النهائية لكادر المهن الطبية قبل إعلانها بالشورى اليوم
قال مصدر بلجنة الصحة بمجلس الشورى إنه سيعلن عن إقرار القانون بمجلس الشورى قبل "30 يونيو الجارى، مشيراً إلى أن






والسلام

[ghostmax]

http://classic.akhbarak.net/articleview.php?id=4429676
مبروك كادر الاطبار

[ossamahelmy69]

يا ريت الناس تتعلم من كلام حضرتكم ده أي حاجة وتفهم اللى انا قصدي اقوله
ويحاولوا ولو لمرة يفكروا في شيئ مع بعض مش ضد بعض
الاطباء وقوا مع بعض صح وماهمهش اى شيئ والنتيجي في الاخر هايخدوا حقوقهم وانا مبسوط ليهم والله كل الناس فحرت ورا حقوقها في مصر واخدتها الا بتوع التربية والتعليم - نتيجي تقول لأي حد تعالوا نعمل كذا ونقف عشان كذا يقولك يا عم ما هو اللى هايسرى على الناس هايسرى علينا والكل واقف جمب الحيط وخايف حتى لو كان مدير إدارة ولا مدير عام - مع الاسف شيئ مخجل ويكسف والله.

[الاستاذاحمد]

صدقنى المعلم هيفضل مهان فى مصر ولن يتم تعديل حاله...... ومبرووك للاطباء المحترمين فقط وحسبنا الله ونعم الوكيل فى سفاحين العيادات وسفاحين الدروس الخصوصيه وكل من لا يتقن عمله