الرئيس مرسى يطمئن على سير إمتحانات الثانوية العامة

[MR.Mamdouh Ramadan]

إتصل الدكتور محمد مرسى رئيس الجمهورية اليوم بوزيرى التربية والتعليم والداخلية للاطمئنان على سير إمتحانات الثانوية العامة , وكذلك على أحوال أبنائه وبناته طلاب الثانوية العامة .
كما إطمأن الرئيس مرسى على عملية تأمين اللجان على مستوى الجمهورية.

[مستر شوكت]

امال يعني ما سمعناش سيادة الرئيس انه بيطمئن علي اولاده وبناته اللي بيمتحنوا الثانوية الازهلرية ولا دول ولاد البطة السودة

[الجعدور]

اعتقد ان كثيرا من الاعلاميين والمسئولين ليس عندهم علم ان الثانوية الازهرية بدأت من اكثر من أسبوع

[الأستاذ أحمد راشد]

هو الناس ليه بزعل من كلمة الحق

انا شاركت هنا وقولت ياريت يوفر لهم الكهرباء الاول

ليه اتحذفت المشاركة يا مشرف يا همام

لانها ضد شياسة فاشلة

لانها كلمة حق

[نجم فاقوس]

واين رئيس الجمهورية واين رئيس الوزراء واين اي مسئول بالدولة
من امتحانات الشهادات الازهرية
اعتقد انهم لم يعلموا ان هناك امتحانات بالازهر
واعتقد انهم لايهمهم امتحانات الازهر لانه ليس لها شو اعلامي
ولنا الله

[الفيلسوف]

الله يسلمه يا سيدى عداه العيب
على فكرة فى امتحانات ثانوية أزهرية من أسبوع من غير تأمين طبعاً
واليوم امتحان كلية الهندسة (قسم كهرباء) جامعة المنصورة امتحنوا فى الجو النار دا بدون كهرباء
يا ريت سيادته يتصل يطمن عليهم
لو مش معاه رصيد ممكن نحوله أو يبعت (احترمنى شكراً)

[Mr...Ahmed]

MR.Mamdouh Ramadan

بجد انت مش بتكلف نفس حضرتك وتقرأ ردود الناس ف كل موضوع بتعمله وتحاول تشوفها من منظور تانى غير منظور الاخوان ليه ؟؟


ومتحذفش الرد بقى وخليك كوول كده

[Mr...Ahmed]

المشاركة الأصلية كتبت بواسطة الأستاذ أحمد راشد

هو الناس ليه بزعل من كلمة الحق

انا شاركت هنا وقولت ياريت يوفر لهم الكهرباء الاول

ليه اتحذفت المشاركة يا مشرف يا همام

لانها ضد شياسة فاشلة

لانها كلمة حق

طب انا ردودى كلها بتتحذف

[اسد اسد]

يمكن ابناء الثانوية العامة ابناؤه وابناء الازهر ولاد البطة السوداء

[ndeem55]

الكهرباء مستقرة من عدة أيام والحمد لله، وبعدين تحميل مرسي قطع الكهرباء ظلم بين لأسباب منها :
1- البناء العشوائي الرهيب منذ سماح شفيق بذلك ، وقد أوقفت الحكومة قبل يومين السماح لأي بناء مخالف بتوصيل المرافق
وبالطبع هناك تأخير كبير في هذا القرار

2- مساجد مدينيتي الصغيرةلم يعد بها مسجد بدون تكييف ، فمثلا بجوار مسجد به أكثر من عشر وحدات تكييف ، قدرة الواحدة 6 طن ، يعني تستهلك فوق استهلاك بيوت المنطقة كلها

3- كل عفش عروسة الآن يشترط فيه وجود التكييف ، فبدلوا الموتوسيكلات بالمكيف
4- تعمد الفلول الذين يعملون بالكهرباء ، وقد قبض على بعضهم ممن كانوا يقطعون الكهرباء دون سبب لإباك الرئيس بتهييج الناس عليه ، غير ما يحدث من الاضاءة المتعمدة لأعمدرة الشوارع نهارا
5- نقص تزويد المحطات بالمازوت والغاز

[Abdel-rhman Ali]

امس حدثت كارثه و*** لمعنويات الاف الطلبه والطالبات من الثانويه العامه يوكد الفشل الذى اصبح من سمات هذه الايام حيث جاء امتحان مادة العربى طويل جدا وتوجد اجزاء منه من خارج المنهج وهذه سياستهم لجعل الناس فى هم دائم كما ان اللجان لاتوجد بها مياه ولا مراوح وكانهم يعاقبون الطلبه واولياء امورهم حسبنا الله ونعم الوكيل

[محمد القطيم]

جزاه الله خيرا

[محمد القطيم]

والاصول يطمن برده على الطلاب الازهريين

[MR.Mamdouh Ramadan]

المشاركة الأصلية كتبت بواسطة mr...ahmed

mr.mamdouh ramadan

بجد انت مش بتكلف نفس حضرتك وتقرأ ردود الناس ف كل موضوع بتعمله وتحاول تشوفها من منظور تانى غير منظور الاخوان ليه ؟؟


ومتحذفش الرد بقى وخليك كوول كده

استاذى الفاضل انا والله لست اخوانى ودائما معارض للاخوان على طول الخط بس اللى بيحصل حاليا مش معارضة دا خراب للبلد وتربص والكل يعلم ذلك
البلد دلوقتى انقسمت اربعة احزاب حزب الاخوان وحزب الفلول وحزب انضم للفلول وحزب المعارضة وهو ما اقتنع به اعارض بدون تخريب اعطى الفرصة للرئيس والحكومة وانتقد بدون تربص ياريت اكون قدرت اوصل لحضرتك ايدولوجية تفكيرى اما بالنسبة للموضوعات اللى بنشرها فدى اخبار مليش دخل بها مثل هذا الخب وشكرا