أحبائي طلبة التاريخ

أ/ مروان حسن · #1 29-05-2013, 03:27 PM

السلام عليكم
أرجو من الجميع
الهدوء في مراجعة المادة والثقة في الله والنفس
وتأكد ان مادة مثل كل المواد
تفوق الكثير فيها من قبل
زيادة التوتر والقلق تؤدي بنتيجة عكسية في مادة تعتمد على التذكر
الاعتماد على التوقعات غير مفيد نظام امتحان منذ سنوات اصبح يعتمد على وضع امتحان ما بين السطور وعكس التوقعات وطبعا معروف ليه ببعملوا كده
الفصول كلها مهمة وكلها موضوع اسلئة
اسئلة الفهم والتحليل وما بين السطور التي تقيس المستويات العليا ستزيد هذا العام لنسبة 25 % من اسئلة الامتحان
وهي مش اسئلة صعبة ولا حاجة هي محتاجة كالب فاهم مش حافظ طالب عارف الهدف من المادة
الفصول المهمة هي الفصول اللي حضرتك مش كويس فيها لم تذاكرها جيدا اولم تراجعها جيدا
اسئلة ما رأيك من اسهل الأسلئة ودرجتها مضمونة بأنواعها ( ما رأيك وما مقترحاتك وماذا تقول وغيرها)
كأنك بتكتب موضوع تعبير بس موضوع مختصر من حوالي 5 سطور ومستشهدا فيه بالأحداث التاريخية التي درستها
فهم راس السؤال مهم جدا
للأسف في طلبة لحد دلوقتي بتجاوب على ما النتائج بكلمة لأن ( طيب ده ينفع )
قراءة السؤال اكثر من مرة مهم بلاش التعود والنمطية
يعني مثلا
حل الامتحانات عودتك ان في سؤال بيقول الجزية ليست من مستحدثات الإسلام
راحوا جايبينها في سنة الخراج ليس من مستحدثات ألإسلام
وممكن السنة ديه يقولك الزكاة ليست من مستحدثات الإسلام ( ها يا ترى هتقول صح ولا غلط )؟

قبل الامتحان في وقت يكفي لمراجعة المادة بالكامل بس أبدأ بالفصول اللي انت ضعيف فيها
حل الامتحانات كويس بس حفظ فصل انت مش كويس فيه احسن

التذكر يعتمد على الفهم اتعامل مع المادة كانك بتتعامل مع فيلم او تمثيلية
اشمعني دول بتفتكرهم بسهولة رغم انك ممكن تكون شوفت فيلم 3 ساعات مرة واحد بس تفتكره بالكامل وبتفتكر كمان لون شراب البطل بسهولة
لأنك فاهم مش حافظ
حتى الأسلئة اللي تحس انها مش فهم ولازم تتحفظ ممكن تلعب معاها وتحفظها بسهولة

هديلك مثال
ايه رايك في سؤال عام 1907 عام نشأة الأحزاب ؟
طبعا كتير منكم هيقول سؤال رخم وحفظ كتير
طيب احفظ معايا الجملة ديه
(( الأمة من النبلاء والأحرار تؤيد الإصلاح للنظام المصري الجمهوري والدستوي ))

نقولها تاني
(( الأمة من النبلاء والأحرار تؤيد الإصلاح للنظام المصري الجمهوري والدستوي ))

بس خلاص لو حفظتها يبقى حفظت كل الأحزاب وبعد ما تكتب الجملة على ورقة عندك طلع سهم لفوق من اسم كل حزب واكتب المؤسس بتاعه وسهم لتحت من كل حزب واكتب بيؤيد مين
مثلا ...... الأحرار > محمد وحيد < يؤيد الأحتلال ... عمرك شوفت مهزلة كده اسم الحزب الأحرار ويؤيد الأحتلال ............

مثلا سؤال تشابهت ممالك الشام الثلاثة في صفات مشتركة ؟
احفظ ديه ... (( الأصل والحرفة والتحالف))
الأصل :: جميعهم قبائل عربية هاجرت من اليمن .......
الحرفة :: التجارة
التحالف :: أما مع الفرس أو الروم
الدنيا بسيطة جدا بس عقلك هو اللي بيحدد هل الموضوع هيبقى سهل ولا صعب
ولسه ولسه عندي كلام واحده واحده وكل يوم هضيفلك كلمات ونتفاعل وان شاء الله خير
مؤرخ الغد
مروان حسن