دعاء مصرى مطحون

first love · #1 26-06-2008, 02:58 PM

اللهم أنقذنا من نفسية الزملاء.. وغباء الأصدقاء

اللهم ارحمنا من استبياع الجيل الجديد..
وحرائق السكة الحديد

واستقصاد كل مدير.. وندالة القرايب
الصغير منهم والكبير

اللهم أغثنا من كل عميل .. ومن فواتير موبينيل

اللهم أرحمنا من تشريفة عربيات المسئولين ,
وزحمة الشوارع في كل حين

وسحب الرخص في كل كمين.. من الغلبان مش م المتين
اللهم أهدى لنا سواقين الميكروباص
ومدير الشركة البصباص

اللهم ارحمنا من الشئون القانونية وشئون العاملين
واللي بيقفوا فـ وسط الشارع فجأة وبدون إشارة يمين

اللهم قنا شر الكليبات..
وشر ************** البنات.. ولؤم الستات
وغباوة الحموات

والمينيمم تشارج كافيهات..
وهيافة الصحف والمجلات

وقطع الحرارة فجأة عن التليفونات وقت الزنقات
والمدارس اللي بتطلب تبرعات بالألافات
ووقــــوع السيــرفـــر وقفلـــة السايتـــات

اللهم ارفع مستوى الزمالك ..
لمستوى انبى والحدود.. أو حتى مستوى أسمنت أسيوط
أو أرسل يارب عليهم صاعقة..
بدل ما يخلونا نموت ..

اللهم سدد أقساطنا .. وضلل عنا مآمير الضرايب

اللهم ارزق جيل الوسط عقود عمل في ليبيا وقطر

اللهم افتح لجيلنا القديم الطريق الفسيح
حتى ننظف انتخابات البلد من لعبة المراجيح

اللهم ارحمنا من الاكتئاب مرض العصر والشباب
واحمي يارب سماء مصر من سحابة الهباب
واكفنا شر صاحب الدقن الكداب
وصاحب التصريحات النصاب

اللهم ارزق كل بنت بعريس هدية..
وكل شاب بوظيفة وشقة وعربية

اللهم أحرق الـ0900
واضرب الحرامية بالحرامية

ونجح أي طالب في أي كلية
حتى ولو كان في التربية الموسيقية

آآآميين آآآميين

FUNNYBABY · #2 28-06-2008, 10:36 AM

متهيالى اننا محتاجين دعاء جديد ومخصوص لطلبه الثانويه العامه
وخصوصا علمى رياضه

(الدنيا ساعة فاجعلها طاعة) · #3 28-06-2008, 10:40 AM

اقتباس:

المشاركة الأصلية كتبت بواسطة funnybaby

متهيالى اننا محتاجين دعاء جديد ومخصوص لطلبه الثانويه العامه
وخصوصا علمى رياضه

أنا كمان من ضحايا علمى رياضة
بس ياجماعة أنا حسة إن ده يبقي استهزاء بالدعاء
والله أعلم /يا ريت تسألوا حد