عدلى القزاز يشرح نظام الثانوية العامة الجديد

[Mr.Ahmed Fadel]

عدلى القزاز
مستشار وزير التربية والتعليم
يشرح نظام الثانوية العامة الجديد

[أبوبسملة ياسر خليفة الطحاوى]

أولاً : هذا رجل لا يعى ما يقول بالمرة

من أين يقول سوف نقضى على مشاكل الثانوية العامة وهو من جديد يفتح مشاكل لا حصر لها

نعود بالزمن للوراء

يريدون القضاء على اصحاب الحق المشروع

الذين يكدون ويتعبون طول العام

ويقول هذا القزاز : أن هناك لجنة من خبراء التربية والتعليم ؟؟ أين هم هؤلاء الخبراء

النظام الحديث القديم ما هو إلا فكرة حبيسة منذ ايام احمد شفيق

والان يريدون التجربة على جيل من الشباب

مصر تعود للوراء بهذا الوزير الذى لا يعى مستشاريه ما يفعلونه

ولو كان يعون ما يفعلون فيكون اذن الامر مؤامرة

وصدق القائل

إن كنت لا تدرى فتلك مصيبة

وإن كنت تدري فالمصيبة أعظم

[AbouIslam]

عايزين يخربوا بيوت الملايين و مش حاسين بحاجه و لا فاهمين حاجه فى أى حاجه

هيحارب الدروس الخصوصيه و المراكز التعليميه و الكتب الخارجيه و المدرسين و غيرهم

الدروس الخصوصيه و المراكز التعليميه و الكتب الخارجيه هى الشئ الوحيد الناجح و المفيد للطالب و المدرس فى العمليه التعليميه طوال السنوات الأخيره الماضيه

يا ريت التعليم هيتصلح من كل كل الكلام الفاضى و الفارغ اللى بيتقال ده و التهريج اللى بيحصل

المشكله فى منع الغش فى إمتحانات المدارس سواء النقل أو الشهادات ساعتها ولى الأمر هيعرف إن إبنه مش هينجح و هيعيد السنه بمصاريف أخرى و ضياع سنه كامله و كذلك الطالب هيذاكر و يجتهد و يتأدب لأنه هيبقى عارف إن مجهوده هو اللى هينفعه مش غشه

مش متفائل خالص فى ظل وجود المسئولين الحاليين
اللى مش عارفين حاجه خالص عن التعليم

[MR : ABO BATTA]

ههههههههههههههه
حلوة سوف يقضي على مشاكل الثانوية العامة دي
الثانوية اللي كل شوية تتعدل وتتبدل
حقل التجارب الفاسد
تحاربون الدروس الخصوصية ... ههههههه ... عن أي دروس تتحدث أيها العلامة ؟!
يا ترى نسبة مدرسي الدروس الخصوصية من عدد موظفي الوزارة يطلعوا كاااام ؟؟؟؟!!!!
سألت نفسك هذا السؤال يا حضرة المستشار ؟؟؟!!!
طيب المدرسين اللي مش بيشتغلوا دروس خصوصية لأن موادهم مفيهاش دروس مش في الحسبان
طيب الإداريين والإخصائيين والفنيين ومشرفي النشاط والعمال وغيرهم ايه موقفهم بالنسبة اليكم يا مستشارين الهم والندامة ؟؟
دا معظم موظفي التربية والتعليم لا يتجاوز مرتبهم 1000 جنيه .. هل فكرتم في تحسين وضعهم المادي حتى لا يلجأوا للدروس الخصوصية ؟؟!!

منكم لله ايها الفاسدون يا من تسكنون القصور العاجية وتدعون انكم تسكنون المدينة الفاضلة يا من تقبضون الملايين وتحسدون المدرسين على الملاليم قياساً بما تتقاضوه أنتم
حسبي الله ونعم الوكيل في ظالم

[علياء أحمد2013]

بجد ربنا يسترها السنوات الجايه
سنتنا دى جربوا فيها كل حاجه احنا اول دفعه يطبقوا عليها الفرنساوى فى الاعدادى وبعدين النظام الجديد يعنى سنه تحفه
بس بجد انا عجبنى النظام الجديد بس فى مشاكل
وربنا يوقف مع الجميع
أميييييييييييييييييييييييييييييييييييييييين

[غنيم شاكر غنيم]

كل شيء مشاكل مصر اصبحت في الدروس الخصوصية والأطباء في العيادات ممنوع الاقتراب مع عدم الذهاب للمستشفيات حرام كفاية غيظ ياريت التطهير يكون شامل وليس على الضعيف لان المعلم أصبح بلونة التجارب في مصر
إنما اهلك من كان قبلكم .......................وإذا سرق القوي تركوه

[صفاء عزمى]

جريمة وخيانة كبري ودمار شامل ودروس تنتقل الي الجامعات يا بهوات ب50 الف ج
ادفع تدخل الطب

[كريم سمير صبرى]

حلوة والله فعلا القضاء ع المشاكل الثانوية العامة وهوة من اللى هوة عايز يعملة دة هايفتح ملايين المشاكل ازاى الناس تتعب وتذاكر كل السنين اللى فاتت دى وهوة يجى يطبق نظام زى دة بعد كدة حاجة عجيبة

[emadahmedmahmoud]

ارفعوا ايديكم عن المعلم والتعليم فرحنا لما قلتم عوده نظام الثانويه القديمه لما كان الطالب بيعيد في ماده لاحتياجه درجه واحده ادخلتم تعديلات التحسين واستفاد منها من استفاد مع انها عدم تكافؤ فرص ثم نظام العامين الذي قسم ظهر ولي الامر في الدروس وانتم اخترعتموه ثم تريدون القضاء علي طالب الثانويه مثل طالب الدبلوم الذي ليس له علاقه بالتعليم ولا يعرف مبادئ القراءه والكتابه الي اين تذهبون بالتعليم والي متي ستظلون تحاربون المعلمين فهناك الاطبا ءالذين هجروا المستشفيات ويعملون في العيادات الخاصه وهنالك المستشفيات الخاصه اذ اردتم الاصلاح فعلي جميع فئات الشعب ولا هوده كمان المرتبات حرام عليكم موظف البنك مرتبه كم وقارئ عداد الكهرباء مش المهندس احذروا المعلمين والا ستكون ثوره لايعلم مداها الا الله لل للكيل بمكيالين والا ستكون هناك وقفه كما تقولون حال البلد مش يبقي الكلام علي طول حال البلد

[masry21]

هذا اللقاء و هذا التفكير يجعلنا جميعا نصرخ ونقول " حراااااااااااااااااااااااااااااااااام ---- ارحمونا يا اولاد التيييييييييييييت وبطلوا اختراعات -------------------------- حرام عليكم المعلم اتبهدل "
على فكره الدروس الخصوصيه والمراكز التعليميه والكتب الخارجيه هي الحاجات اللي فاضله في مصر ولسه فيها ابتكار
الناس اللي فاهمه ان مجال الدروس الخصوصيه ده ساهل على اي مدرس يبقى بيحلم فالمدرس الناجح يبذل مجهووووووووود جبار لكي يحقق النجاح ويحافظ عليه
على فكره انا عارف ان في ناس حتقول اني بدافع عن الدروس الخصوصيه --- ولكني اقول اني اكره الجشع في اي شيئ لذلك فانا ادين المدرس المقصر في مدرسته ولكني لا ادين من يجتهد في المدرسه وناجح ايضا في الدروس ----- والله اعلم

[ماهر بركات]

نظام فاتشل

[hamdy.alnoby]

ربنا يستر على البلد

[ahmedpopp]

يجماعة انا عايز اعيد السنة فى كل المواد وانا نظام قديم ما موقفى وايه النظام الى هيطبق عليا و هل امتحان القدرات هيطبق عليا عايز حد يكون متاكد ارجوكم وهتنسق على انى سنة وهل هيبقى فى مشاكل السنة الجاية لو قسمت المواد السنادى ياريت حد يقولى كل حاجة بالتفصيل عن موقفى السنة الجاية
وهل هيتم خصم درجات منى السنة الجاية علشان المستوى الرفيع مش موجود عند طلاب الثانوية سنة واحد ة وهل هيبقى فى مشاكل بالنسبة للحضور والغياب بالنسبالى

[الأستاذة / أم أمل]

امتحانات القدرات سوف تطبق فى عام 2016

[Mr. Ali 1]

المشاركة الأصلية كتبت بواسطة الأستاذة / أم أمل

امتحانات القدرات سوف تطبق فى عام 2016

قل امتحانات المحسوبيات والواسطة والرشاوي , ولا تقل امتحانات القدرات !!

تقديري واحترامي