اختفاء مسيحية اعتنقت الاسلام ومسلمون يهاجمون منازل الاقباط بالفيوم

بسم الله الرحمن الرحيم

قال مسؤول امني ان قرابة الف من السكان المسلمين في قرية النزلة بمحافظة الفيوم (100 كم جنوب القاهرة) هاجموا ونهبوا مساء الجمعة عدة منازل يقطنها مواطنون اقباط بعد اختفاء سيدة مسيحية كانت اعتنقت الاسلام وتزوجت مسلما.واوضح المسؤول الذي طلب عدم ذكر اسمه ان "سكان القرية المسلمين هاجموا منازل ومتاجر الاقباط بالحجارة" بعد ان غادرت السيدة التي اعتنقت الاسلام منزل زوجها منذ ثلاثة ايام بصحبة طفلها الرضيع البالغ من العمر عشرة اشهر.
واضاف المصدر ان "حوالي 50 منزلا ومتجرا لاقباط بينها صيدليات ومحلات بقالة وادوات كهربائية تعرضت للنهب".
واوضحت مصادر امنية ان المسلمين كانوا يعتقدون ان الاسرة المسيحية للسيدة قامت باختطافها مع طفلها وباخفائهما.
وتابعت المصادر ان المسلمين القوا الحجارة على عدة منازل ومحلات مملوكة لاقباط ما ادى الى تحطم بعض محتوياتها لكن الشرطة تدخلت مستخدمة القنابل المسيلة للدموع لتفرقة المهاجمين.
واوضحت المصادر ان الهدوء عاد الى القرية بعد ان عادت السيدة وطفلها الى منزل زوجها من تلقاء نفسها وتبين انها كانت في زيارة لافراد من اسرتها في القاهرة.
واكدت المصادر ان خمسة اشخاص اصيبوا بجراح بسيطة خلال هذه الاحداث والقت الشرطة القبض على 20 شخصا ممن هاجموا منازل ومحلات المسيحيين.
وقال سيد غطاس وهو قبطي من اهالي القرية "فوجئت بهذا الهجوم من اشخاص كانت تربطنا بهم علاقة جيرة جيدة وفجأة انقبلوا علينا".
وتكررت في مصر خلال السنوات الاخيرة حوادث طائفية مماثلة بسبب زيجات بين مسلمين ومسيحيات لا يرضى عنها الطرفان.
وتاتي هذه الاحداث بعد اقل من شهر من تعرض دير ابوفانا في مركز ملوى بمحافظة المنيا (صعيد مصر) في نهاية ايار/مايو لهجوم اصيب خلاله راهبان بجروح وتخلله الاعتداء على ثلاثة رهبان اخرين.
وناشدت الكنيسة القبطية الاسبوع الماضي في موقف نادر الرئيس المصري حسني مبارك الحفاظ على سلامة المسيحيين في مصر اثر تعرض دير لهجوم عنيف.
ففي بيان نشرته الصحافة حض المجلس الكنسي القبطي الرئيس المصري على الحؤول دون حصول هجمات مسلحة جديدة على المسيحيين.
وقللت السلطات من اهمية الحادث الذي جاء في مناخ من التوتر الطائفي في وقت كان فيه الاقباط يشيدون سورا حول دير ابوفانا الاثري بعد حصولهم على اذن بذلك.
ويشكل الاقباط ما بين 6 و10 في المئة من تعداد سكان مصر البالغ نحو ثمانين مليون نسمة.

[The Hell's Admin]

سبحان الله ايه اللى بيحصل ده طيب ليه يهاجموا منازل اخواننا الاقباط
لا اجبار فى الدين فقط تبين الرشد من الغى
شكرا على الموضوع

[سـهيـلـة]

المشاركة الأصلية كتبت بواسطة The Hell's Admin

سبحان الله ايه اللى بيحصل ده طيب ليه يهاجموا منازل اخواننا الاقباط
لا اجبار فى الدين فقط تبين الرشد من الغى
شكرا على الموضوع

الاية ليست اجبار

الاية " لا اكراه فى الدين قد تبين الرشد من الغى "

سورة البقرة , الجزء الثالث , ربع تلك الرسل فضلنا بعضهم على بعض , صفحة 42

ارجو عند نقل ايه نقلها بصورة صحيحة

[سـهيـلـة]

المشاركة الأصلية كتبت بواسطة _GUIDE_

واوضحت مصادر امنية ان المسلمين كانوا يعتقدون ان الاسرة المسيحية للسيدة قامت باختطافها مع طفلها وباخفائهما.

اعتقد ان ديه اجابة سؤالك اللى هو ليه بيهجموا منازل المسيحين

[(mena)]

ربنا يرحمنا برحمته
بعض الناس تفكرهم بقى على الديانه وبس ما احنا عايشين مع بعض على طول انا عايز افهم بقى
في ايه
ايه اللى غير الناس كده مكناش كده بجد وانا عمرى ما زعلت مع اى حد بسبب الديانه ده احنا اخوه مش عارف

ربنا يهدى الناس اللى بتشغل تفكير الناس على الدين وبس
ولا ايه يا جماعه

[0o03aneda0o0]

سؤال واحد هموت واعرف اجابته
حاطط الموضوع ده ليه وهل لو ده حصل فعلا يصح نقعد نغني فيه كده؟
انا لو واحده علي غير ديانة الاسلام هقول : شوف المسلمين بيعملوا ايه ف غيرهم دول ....و.....و.....
ويا عيني ع المسيحيين الغلبانين :|
لا يجوز بأي حال من الأحوال اني اصور المسلمين بالشكل ده
ده حتي الرسول عليه الصلاة والسلام بيقولك انصر اخاك ظالما او مظلوما !

انا بنقل خبر
مش جيبه من مبتنا ياست عنيدة
ثم احنا طول عمرنا اخوات وحبايب من غير اى حاجة
وانا عن نفسى ليا اصحاب مسيحين واقسم بالله عمرى ما بصتلهم بصه كده
بالعكس ده انا بهنيهم فى اعيادهم وبخرج معاهم وبنهزر مع بعض وبناكل مع بعض كمان
ده خبر مش دعوة للفتنه ماشى يا اخت عنيدة
ثم ما احنا طول عمرنا بنتخانق ايه الجديد
اخوات بيتخنقه ويتصلحه وبيتصلحه ويتخنقه عادى وهنفضل فى الاخر اخوات مهما حصل

[كركركوكو]

السلام عليكم
اولا شكرا للخبر
ثانيا المسلمين مش بيهاجموا منازل حد ولا بيسرقوا حد
كل الموضوع
اننا في دوله تحكمها امريكا نعم تحكمها امريكا
من زمان واحنا بنسمع ان في بنت اسملت من الفيوم بنتين اسلموا والجماعه النصاره مش بيسكتوا وبيعملوا مظاهرات وبيغلطوا كمان وبيرجعوا البنات اللي بتسلم وانا شوفت بنت جابوها في الشارع بعد ما اسلمت وموتوها امام كل المسلمين والناس واقفين وكأنهم مربوطين مش عارفين يعملوا حاجه اي حد يدخل الاسلام مش عارفين نحميه تعرفوا ليه لاننا بيحكمنا امريكا مش حكومه مصريه
مش المفروض انا في دولة نظامها ديموقراطي
المفروض ان فيه حرية في الاختيار احنا مش بنغصب حد علي الدخول في الاسلام ولكنها قدرة الله
من الاخر انا اتخنقت وكفايه كده بقي ياعالم
مصر ايه
حكومه ايه

[the black rose]

المشاركة الأصلية كتبت بواسطة 0o03aneda0o0

سؤال واحد هموت واعرف اجابته
حاطط الموضوع ده ليه وهل لو ده حصل فعلا يصح نقعد نغني فيه كده؟
انا لو واحده علي غير ديانة الاسلام هقول : شوف المسلمين بيعملوا ايه ف غيرهم دول ....و.....و.....
ويا عيني ع المسيحيين الغلبانين :|
لا يجوز بأي حال من الأحوال اني اصور المسلمين بالشكل ده
ده حتي الرسول عليه الصلاة والسلام بيقولك انصر اخاك ظالما او مظلوما !

انا معاكى و اعتقد فعلا ميصحش نشر ه و حتى لو كان ينفع فده مش مكانه انتى نسيتى اننا فى منتدى للثانوية
مش للتعصب الدينى

انا معاكى و اعتقد فعلا ميصحش نشر ه و حتى لو كان ينفع فده مش مكانه انتى نسيتى اننا فى منتدى للثانوية
مش للتعصب الدينى

معلش مش فاهم الجملة دى
تانى كده
تعصب دينى ايه
اللى انتى جايه تقولى عليه

[Dr.Nobel]

مش عارف جبت الخبر ده ليه ؟؟؟؟؟؟؟؟؟
وبعدين هو المسلمين هم اللي بيهاجمو بس
ومبحبش انك تقول ان المسلمين عملو ونهبو ولا كانهم قطاعين طرق
وبعدين مش عارف هو اى حادثة تحصل لحد مسيحي يبقي المسلمين السبب
وماينفعش انك تبين اننا خلاص معذبينهم في البلد
واسال اي واحد مسيحي هيقول ان احسن حياة بيعيشوهها في البلد الاسلامي وده من زمان من ايام عمر بن الخطاب وعمر مافرق بينا حدوياريت بلاش تروض الاخبار دي لان ده بيبقي من ناس عايزين يعملو تفرقة طائفية في مصر

المشاركة الأصلية كتبت بواسطة Nobel

مش عارف جبت الخبر ده ليه ؟؟؟؟؟؟؟؟؟
وبعدين هو المسلمين هم اللي بيهاجمو بس
ومبحبش انك تقول ان المسلمين عملو ونهبو ولا كانهم قطاعين طرق
وبعدين مش عارف هو اى حادثة تحصل لحد مسيحي يبقي المسلمين السبب
وماينفعش انك تبين اننا خلاص معذبينهم في البلد
واسال اي واحد مسيحي هيقول ان احسن حياة بيعيشوهها في البلد الاسلامي وده من زمان من ايام عمر بن الخطاب وعمر مافرق بينا حدوياريت بلاش تروض الاخبار دي لان ده بيبقي من ناس عايزين يعملو تفرقة طائفية في مصر

نقلا عن link0777 و المصرى اليوم

[فيفا]

ربنا يهديهم
وعلى فكرة الاخبار بتبقى صحيحة يعنى مش متفبركةولا حاجة
والمشكلة مش فى اننا نقول انه مش ينفع نضع هذه الاخبار ونشوه صورة المسلمين
احنا عايزين نوصل لحل
بجد انا مش عارفة فى ايه
احنا طول عمرنا اخوات

[hend ere]

كلنا نعلم ان الارهاب لا دين له ولا وطن له ايضا
انا لا انكر ان هناك اشخاص متعصبين دينيا ولكن جميع الرسالات السماويه لم تامرنا بالتعصب
وهناك اشخاص يجهلون ما هو الاسلام مع انهم مسلمين
و الاسلام دائما يحترم حرية الغير مهما حاول الاعداء ان يزيفو الحقائق
فهم يريدون ان يجعلونا نقول هذا مسلم وهذا مسيحى ولا يجعلونا نقول هذا شعب واحد ووطن واحد

[mR . mOstafa Fathi]

الدين لله والوطن للجميع

سبحان الله
هنعمل زى لبنان بي***و فى بعضهم
ربنا ييسر حالهم