اجازة مرافقة الزوج للمعلمة المساعدة

[abdo2thanwya]

زوجتي اتعينت معلم مساعد بتاريخ 1-3-2012
هل يحق لها عمل اجازة مرافقة زوج
طبعا هما مضو علي عقود كان مكتوب فيها مش عارف كم يوم مرضي وكم يوم اعتيادي ومش عارف شهر عمرة وحج وحاجات زي كدا معني كدا انهم عقود ولا ايه بالظبط عموما هي راتبها يتعدي اللف جنيه
حد يقول لنا نعمل ايه تعبنا من شتات الاسرة .
جزاكم الله خير أ.

[biba200577]

عفوا حضرتك كاتب راتبها يتعدى كام......................؟؟؟؟

[abdo2thanwya]

تتقاضي تقريبا 1000 جنيه او 1070

[هبة الامين]

المشاركة الأصلية كتبت بواسطة abdo2thanwya

تتقاضي تقريبا 1000 جنيه او 1070

ده عندنا فى مصر؟؟ هى حكومة ولا تجريبية ولا ايه؟
بالنسبه لاجازة مرافقة الزوج للمتعاقدين عندنا معظم المحافظات مبتمشهاش معرفش غير انه ف محافظة المنيا الادارات بتمشيها والكلام ده قريته ع المنتدى من ا شريف مشرف المنتدى وسالت ف ادارتى قالوا مفيش الكلام ده

[abdo2thanwya]

انتو بداتو تشككوني في نفسي انا هاتصل بمراتي واشوفها بتقبض كم ؟
بسي علي العموم ممكن انتم مستغربين الرقم علشان احنا في منطقة نائية محافظة شمال سيناء .

[شريف حسن .]

اولا مفيش الرقم الفظيع اللى حضرتك كاتبه فى مكان فى الجمهورية

ثانيا من حق زوجتك اجازة مرافق زوج

هتتوجه للادارة قسم الاجازات هيطلب شوية اوراق

من ضمنها عقد عمل الزوج أو صورة الاجازة لو موظف + قسيمة زواج

وحاجات بسيطة وهتتوجه بيها للمديرية علشان تخلصها متقلقش من حقها الاجازة

[عبير الرووووح]

ههههههههههههههههههههههه
فعلا مفيش الرقم ده
ده اصحابى متعينين مش وصلووو للرقم ده

[abdo2thanwya]

بجد شكرا علي ردودكم الجميلة والسريعة

بصراحة انا اتصلت بمراتي حالا قالت انا بقبض 1021 جنيه كل شهر بسي دا بالحوافز
بسي تفاصيل المرتب بالليل هاتسأل ان شاء الله واكتبو لحضراتكم
اللي انا اعرفه هي داخلة جمعية بالف براتبها

[عبير الرووووح]

ال اعرفه ان اى معلم مساعد بياخد 634 مفيش حد بياخد غير كده
والله اعلم

[عبير الرووووح]

عمومااااا ربنا يوفقها وتعرف تاخد الاجازه ان شاءالله وده الاهم من المرتب ايا كان
ربنا يجمع شملكم باذن الله

[abdo2thanwya]

المشاركة الأصلية كتبت بواسطة عبير الرووووح

عمومااااا ربنا يوفقها وتعرف تاخد الاجازه ان شاءالله وده الاهم من المرتب ايا كان
ربنا يجمع شملكم باذن الله

جزاكي الله خيرا ...........
بصراحة انا مش مطمئن للأدارة عندنا
المحافظة العدد فيها قليل واكيد مش فاهمين حاجة وربنا يستر
اليوم سألت قلها الموظف منعرفشي حاجة زي كدا وقالو هاتيلنا الاوراق اللي تثبت اللي بتقوليه انا نزلت المنشور من المنتدي ويارت اي حد عندة اي مستند يبعتهولي
ومنتحرمشي من ردودكم ومؤازرتكم بصراحة انتم مجتمع رائع في هذا المنتدي

[abdo2thanwya]

[quote=هبة الامين;5192598]ده عندنا فى مصر؟؟ هى حكومة ولا تجريبية ولا ايه؟
بالنسبه لاجازة مرافقة الزوج للمتعاقدين عندنا معظم المحافظات مبتمشهاش معرفش غير انه ف محافظة المنيا الادارات بتمشيها والكلام ده قريته ع المنتدى من ا شريف مشرف المنتدى وسالت ف ادارتى قالوا مفيش الكلام ده[/quote

اخي شريف المحترم ..جزيت الجنة .
اخت هبة ...جزاكي الله خيرا علي الرد
احساس صعب تشتت العائلة ولا يعلم الي متي ولا يوجد حدود
قالو 6 شهور وبعد كدا سنة وبعد كدا سنتين مش عارف ...الي متي
تعبنا انا وزوجتي تعبت جدا من التشتت دا
وخاصة عندي ولدان الحمد لله احدهما 5 سنوات والآخر 3 سنوات ومحتاج رعاية خاصة جدا لظروفه الصحية
دعواتكم ربنا يسهلها لموظفين التربية والتعليم ويمشو الاجازة .
شكرا

[شريف حسن .]

المشاركة الأصلية كتبت بواسطة abdo2thanwya

جزاكي الله خيرا ...........
بصراحة انا مش مطمئن للأدارة عندنا
المحافظة العدد فيها قليل واكيد مش فاهمين حاجة وربنا يستر
اليوم سألت قلها الموظف منعرفشي حاجة زي كدا وقالو هاتيلنا الاوراق اللي تثبت اللي بتقوليه انا نزلت المنشور من المنتدي ويارت اي حد عندة اي مستند يبعتهولي
ومنتحرمشي من ردودكم ومؤازرتكم بصراحة انتم مجتمع رائع في هذا المنتدي

أتفضل حضرتك صورة فاكس

[abdo2thanwya]

تحياتي ليك استاذنا الغالي ....الموقر المحترم شريف
.
.
دعواتكم يمشو الموضوع انا بالفعل عثرت علي المنشورين اللي حضرتك رفعتهم ..جزاك الله خيرا
بالنسبة للراتب كما وعدتكم اني هاجيب التفاصيل علي فكرة انا موظف برضه بشمال سيناء
فعلا الرواتب هناك مرتفعة
الاساسي .......
236
+ بدل نقدي
+150% (بيسموها حوافز المحافظة )
المجموع تقريبا 1021 جنيه
.
بالمناسبة هي المفروض عندها كورس icdl هيبدا ببداية ابريل الأولي انها تكمله طبعا اعتقد ياريت حد يصححلي
ثانيا هي خريجة تربية اعتقد ملهاش دورات زي مابيقولو
لكن اللي اشكل الموضوع علي هو هذا الكلام
(((وفى المادة 73 ان يكون شغل وظيفة "معلم مساعد " بالتعاقد لـ سنتين قابلة للتجديد سنة أخرى بقرار من وزير التربية والتعليم بعد أخذ رأى المحافظ المختص ويجب على شاغلها خلال هذه المدة الحصول على شهادة الصلاحية من الأكاديمية المهنية للمعلمين لمزاولة مهنة التعليم بالمرحلة التعليمية التى يعمل بها , فإذا لم يحصل على الشهادة خلالها انتهى عقده تلقائيا دون حاجة لأى إجراء.)))
شكرا

[حاتم سعيد]

استاذ شريف انا زوجتى متعاقده فى سوهاج هل تقدر تاخد اجازة رعاية طفل او مرافقة زوج الرجاء الرد عليا ضرورى الله يباركلك