استغاثه

[عثاميثوا]

استغاثه دى مش مبالغه انا فعلا محتاج استغاثه من اى حد وارجوا قراءه الموضوع للاخر لانه مهم جدا
ياجماعه انا طالب فى 2ث بتقابلنى كتير من المشكلات اللى ممكن تقابل ناس كتير ومن اهمها:
- انا بزهق من الذاكره بسرعه واتخنقت وجبت اخرى بجد كل شويه ضغوط ذاكر ذاكر ذاكر وانا مش قادر اذاكر واما يزيد الضغط افتح الكتاب شويه وخلاص احفظ شويه كلمات واقفل ودى تعتبر مش مذاكره
- بس انا حليت المشكله دى وذاكرت الترم الاول بجد وكل حاجه كانت تمام وقولت هجيب درجات حلوه وكانت الكارثه الكبرى الناس اللى كنت متفوق عليها فى الدروس معايا تفوقوا عليا وبقيت انا اخر واحد بعد ما كنت فى الترتيبات الاولى ومش عارف ليه ؟ ودخلت الترم التانى وحاولت اذاكر فى الاول بس كان عندى احباط من نتيجه الترم الاول كبير ولكنى حبيت ابدأ وقولت اللى فات مات لقيت مفيش نتيجه فى الدروس ومفيش استجايه نهائيا وحسيت بضغوط من كل المواد وكل شويه الضغط يزيد وكل شويه الاحباط يزيد معاه
- دائما بحس ان الناس اللى بتتفوق دى عندها اشياء فوق مستوايا بس مش عارف ايه هى الصراحه وتعبت من كتر التفكير انا بجد تعبان فى حياتى مع العلم انى الحمد لله بصلى وكنت بذاكر وكل شيىء تمام
- يبقى انا كده فى احباط ضعف يأس مفيش نتيجه للمذاكره وانا فى الترم التانى لتانيه اللى هى سهله بالنسبه لتالته انا سامع ان تالته سنه طحن وهى السنه اللى بتحدد مصيرى طيب انا اعمل ايه وبصراحه مش قادر احاول تانى لان كل محاولاتى نفذت وبكده جالى احباط من ناحيه سنه 3 من غير ما ادخلها حتى
دا بالاضافه الى انى كنت عايز هندسه بس الميكانيكا صعبه جدا وانا مش قدرت انى امشى فيها كويس ومفيش عمار بينى وبين الاحياء من الاول طيب اعمل ايه
انا جرب احكى الموضوع لصحابى ولكن لقيتهم مش مهتمين وجربت استعين بأهلى واقولهم برضوا مش مهتمين وبيبصوا على الموضوع من ناحيتهم هما بس
انتوا الامل الوحيد الاخير ليا ارجوا حد يفدينى لانى مش عارف المشكله ايه عشان اعرف حلها

[مصطفى احمد حسن عبد العزيز]

بص انا كونت زيك كده مفيش عمار بينى وبين الاحياء وكونت ناوى علمى رياضه بس لقيت الميكانيكا صعبه جدااا فغيرت راى اولا انا تحط هدف ادامك انك عايز تكون مهندس يعنى هتعمل اى حاجه علشان توصل للهدف داه ثانيا اعتبرها حرب بينك وبين اصحابك اللى بتقول انهم بقوا اشطر منك يعنى قول هما احسن منى فى اى علشان يجيبوا اعلى منى تصدق هو دا اصلا اللى يحصل معايا دلوقتى بس لاء لازم يكون عندك اراده وعزيمه قويه لان لو دربت نفسك على المذاكره من الترم دا هتبقى متعود على المذاكره السنه الجيه وخصوصا انها اهم سنه فى حياتنا يعنى يئمه هندسه وكليات القمه يئمه تجاره يعنى لتصيب يا تخيب لازم نتعود على المزاكره واللى اشطر منى مش احسن منى فى حاجه هحاول اكون اشطر منهم دا المفروض يكون شعارك

[عثاميثوا]

اشكرك على الرد والاهتمام بس انت بتقول هدف مهو انا بختار بالمواد عشان اقدر اوصل وخايف اختار حاجه وارجع اندم
- موضوع الاراده والعزيمه انا بقيتمحبط للدرجه لايتحملها حد انا حاسس انى مش عايش اساسا

[amir alromansia]

على فكرة انا طالب بردوا فى الصف الثانى الثانوى وعندى نفس المشكلة وبردوا مش عارف اعمل ايه