كلاكيت المره الالف

[mr/Guirguis George]

"الحرية والعدالة" يستعد للانتخابات بمعارض السلع الغذائية واللحوم



قرر حزب الحرية والعدالة بالإسكندرية إقامة معرض أسبوعى للسلع الغذائية واللحوم، بالإضافة إلى الخضراوات والسلع التموينية وقسم خاص للملابس والأحذية بشركة حديد وصلب الدخيلة بمحافظة الإسكندرية بوحدة البيطاش، والذى من المنتظر أن يتوافد عليه عدد كبير من العاملين بالشركة وأهالى منطقة.

وقال محمد أمين، مسئول المعرض عن حزب الحرية والعدالة: إنه كان من المقرر إقامة المعرض بشكل شهرى، ولكن تلبية لطلب الأهالى والعمال سيقام المعرض أسبوعيا لرفع المعاناة عنهم والتصدى لجشع بعض التجار.

وأكدت بعض المصادر بحزب الحرية والعدالة لـ"اليوم السابع" أنه سيتم زيادة عدد المعارض الخيرية على مستوى جميع المحافظات فى الفترة القادمة وبصفة دائمة لمحاربة الغلاء ورفع العبء الاقتصادى عن المواطنين فى إطار حملة الحزب "معا نبنى مصر".


يذكر أن حزب الحرية والعدالة، قد أقام عددا من المعارض الخيرية للسلع الأساسية بداية هذا الشهر فى عدد من المحافظات، وبالأخص فى بعض القرى الأكثر فقرا.

ففى قرية عمروس التابعة لمركز الشهداء بمحافظة المنوفية نظم الحزب معرضًا للسلع الغذائية شملت سلع غذائية بسعر الجملة، وذلك حرصًا من الجماعة والحزب على التخفيف عن كاهل الأهالى.

وشهد المعرض إقبالاً كثيفًا من الأهالى، وقاربت كميات السلع على الانتهاء مما اضطر القائمون عليه إلى زيادة كميات السلع المعروضة لمواصلة تلبية رغبات الأهالى الذين أثنوا على تلك المجهودات.

كما نظَّمت أمانة المرأة بحزب الحرية والعدالة بالتعاون مع جماعة الإخوان المسلمين بمدينة المنيا، معرضاً للملابس الجاهزة بأسعار رمزية، ضمن حملة "معًا نبنى مصر"؛ حيث شهد المعرض إقبالاً كبيرًا من جانب المواطنين ومعرضًا للسلع الغذائية واللحوم بأسعار الجملة لأبناء عزبتى شاهين والمصاص بمدينة المنيا، وضم المعرض العديد من السلع الغذائية كالأرز والسمن والزيت والشاى والسكر، بالإضافة إلى اللحوم.

وفى منطقة العجوزة بمحافظة الجيزة معرضًا للسلع الغذائية لتخفيف العبء عن المواطنين ضمن حملة "مليونية الخير".

وشمل المعرض سلعًا غذائية ومواد تموينية مختلفة بأسعار مخفضة، ولاقى المعرض إقبالاً كبيرًا من المواطنين، والذين أعربوا عن سعادتهم بالخدمات المقدمة إليهم من حزب الحرية والعدالة.

وفى منطقة الكشاشات بالكرور محافظة اسوان، استمرارًا لحملة "معًا نبنى مصر" معرض اشتمل على كل المواد التموينية والغذائية بأسعار مخفضة مقارنة بالأسواق، ويقوم المعرض ببيع السلع بأسعار الجملة، ويشمل جميع السلع الأساسية من "مكرونة- أرز- زيت- سمن- سكر- ومنظفات- وجميع أنواع البقوليات- أدوات منزلية- عصائر- حلويات- وعدد آخر من المنتجات التى يحتاجها البيت الأسوانى".

وشهد المعرض إقبالاً كثيفًا من الجمهور؛ نظرًا لجودة ورخص أثمان السلع المعروضة، معربين عن تقديرهم للدور الذى يقدمه حزب الحرية والعدالة وجماعة الإخوان المسلمين، وطالبوا من القائمين على المعرض باستمرار مثل هذه الخدمات، والتى ترفع عن كاهل المواطن البسيط عبء غلاء الأسعار من التجار.
http://www.youm7.com//News.asp?NewsID=961659

[mr/Guirguis George]

المعرض جاى فى وقته
الانتخابات على الابواب
وربنا يقدرهم على فعل
الخير

[أ/محمد ابراهيم]

مضطر أنتخب الإخوان
-
-
-
-
-
-

علشان فاضلي ازازه زيت ماختهاش من الاستفتاء الي فات

[icdl_man]

[quote=أ/محمد ابراهيم;5156752][b] مضطر أنتخب الإخوان
-
-
-
-
-
-

علشان فاضلي ازازه زيت ماختهاش من الاستفتاء الي فات



و شهد شاهد من اهلها

بس السلفيين اجدع لحمة ( هبر)

[mr/Guirguis George]

الاخوان لا يعرفوا الفقير الا اذا كان ناخبا

[مروه]

طب ما أنا ممكن أروح اشترى ومش انتخبهم برضه

وكمان حزب الدستور كان عامل معارض خيريه برضه زى دى

ومحدش اتكلم عنها خالص

واللى اعرفه ان الأسواق بتاعة الاخوان على طول السنه سواء انتخابات او مش انتخابات

[nogah177]

يعنى هيكون اغلنى من مجدى الجلاد

رئيس تحرير صحيفة = 200 الف جنيه فى الشهر

برنامج تلفزيونى = 200 الف جنيه فى الشهر

و راح قال نعم للدستور علشان المدام قالتله ان البيت ناقص زيت و لحمة

الناس شغالة معارض و قوافل و تشجير من بدري من ايام ما كنتوا بتحرقوا البلد فى ذكرى الثورة

[mr/Guirguis George]

المشاركة الأصلية كتبت بواسطة nogah177

من بدري من ايام ما كنتوا بتحرقوا البلد فى ذكرى الثورة

من اللى بيحرق فى البلد
؟؟؟؟؟؟؟؟؟؟؟؟؟؟
مين اللى قال الثوره القادمه لن تكن سليمه
(فى حالة عدم فوزهم)
انت صدقتوا نفسكم انكم مصلحين و بتعملوا خير للبلد
انتو خربتوا البلد منكم لله
الغلاء فى كل حاجه
الفساد مازال مستمرا
السياحه صفر
الامن منعدم
ايه اللى حصل عدل من ساعة ما مسك المرشد الحكم
فعلا انتو فكرتو ازاى تمسكو الحكم و مفكرتوش ازاى تحكموا
اما عن التشجير

هو انتو بتشجروا بالزباله
تحب اصورلك الشوارع عشان تشوف التشجير اللى على حق
ولا اكيد جنب بيتك كام كوم

[mr/Guirguis George]

الاخوان ذهبوا الى كارفور
وجدوه يبيع ك الارز ب 2 جنيه
ارادوا ان ياخذوا منه كل الكميه
رفض المدير قائلا
(دا بتاع الناس الغلابه)
يا تراه هما كانوا بيفكروا فى الغلابه
ولا فى البرلمان

[ابونرمين]

وقال محمد أمين، مسئول المعرض عن حزب الحرية والعدالة: إنه كان من المقرر إقامة المعرض بشكل شهرى، ولكن تلبية لطلب الأهالى والعمال سيقام المعرض أسبوعيا لرفع المعاناة عنهم والتصدى لجشع بعض التجار.))
جزاهم الله خيراً: friendsxs3:

[ابونرمين]

المشاركة الأصلية كتبت بواسطة جرجس جورج

الاخوان ذهبوا الى كارفور
وجدوه يبيع ك الارز ب 2 جنيه
ارادوا ان ياخذوا منه كل الكميه
رفض المدير قائلا
(دا بتاع الناس الغلابه)
يا تراه هما كانوا بيفكروا فى الغلابه
ولا فى البرلمان

وحضرتك يا ترى ،بتفكر فى أيه؟؟؟؟؟؟؟؟؟؟

[وائل رسلان]

طيب ممكن تاخد الزيت ولا تعطى صوتك لهم ؟؟؟ ده سؤال ساذج .. ليه ؟؟؟ عشان الزيت ده مش زيت طبيعى ولا زيت كارفور ده زيت مسحور موجود من قديم العصور .. لو تناوله حامدين هيبطل يثور ويدى صوته للاخوان من غير ما يلف ولا يدور
الغلابه عادة لا يذهبون للانتخابات ... لانها لا تهمهم فى شئ ...والدليل فى ذلك نسبة التصويت الضعيفه ... بلاش تسفيه للشعب المصرى اكتر من ذلك ... وكمان موضوع انتخب الاسلاميين وادخل الجنه كلام فارغ فالمسلم ليس بهذه السذاجه ... ولا يوجد لدينا قداسه لاحد ولا توجد عندنا صكوك غفران ...

[ابونرمين]

المشاركة الأصلية كتبت بواسطة وائل رسلان

طيب ممكن تاخد الزيت ولا تعطى صوتك لهم ؟؟؟ ده سؤال ساذج .. ليه ؟؟؟ عشان الزيت ده مش زيت طبيعى ولا زيت كارفور ده زيت مسحور موجود من قديم العصور .. لو تناوله حامدين هيبطل يثور ويدى صوته للاخوان من غير ما يلف ولا يدور
الغلابه عادة لا يذهبون للانتخابات ... لانها لا تهمهم فى شئ ...والدليل فى ذلك نسبة التصويت الضعيفه ... بلاش تسفيه للشعب المصرى اكتر من ذلك ... وكمان موضوع انتخب الاسلاميين وادخل الجنه كلام فارغ فالمسلم ليس بهذه السذاجه ... ولا يوجد لدينا قداسه لاحد ولا توجد عندنا صكوك غفران ...

جزاك الله خيراً

[الاستاذ محمد الطنطاوى]

طيب ممكن تاخد الزيت ولا تعطى صوتك لهم ؟؟؟ ده سؤال ساذج .. ليه ؟؟؟ عشان الزيت ده مش زيت طبيعى ولا زيت كارفور ده زيت مسحور موجود من قديم العصور .. لو تناوله حامدين هيبطل يثور ويدى صوته للاخوان من غير ما يلف ولا يدور
الغلابه عادة لا يذهبون للانتخابات ... لانها لا تهمهم فى شئ ...والدليل فى ذلك نسبة التصويت الضعيفه ... بلاش تسفيه للشعب المصرى اكتر من ذلك ... وكمان موضوع انتخب الاسلاميين وادخل الجنه كلام فارغ فالمسلم ليس بهذه السذاجه ... ولا يوجد لدينا قداسه لاحد ولا توجد عندنا صكوك غفران ...

[عبد الحق محمود]

المشاركة الأصلية كتبت بواسطة جرجس جورج

المعرض جاى فى وقته
الانتخابات على الابواب
وربنا يقدرهم على فعل
الخير

للأخوان وعلى مدى تاريخهم نشاطهم البارز لدعم الفقراء
وهو الشئ الذى لا ينكره إلا المشوشون تحت تأثير الإعلام
وكانت مجهوداتهم فى المنح بمثابة تذكرة عبور إلى المعتقلات
جزاهم الله كل الخير
وشكراً لحضرتك على الخبر الذى يساهم فى نشر فضائلهم ويوثق روابط محبتهم