طلب بسيط بس بسرعة من مدرسى المادة

[2630772]

أزاى أقدر أجاوب على أى تلاعب فى اٍسئلة الباب الثالث جيولوجيا؟
يعنى مثلا يطلب ماذا يحدث أذا
تم حك معدن ... بمعدن ...ببعضهما البعض
أجاوب أزاى أنا على الطرق دى؟
وهل فى أى طريقة للتلاعب تانى؟
مع العلم أنى مذاكر الباب ده كويس أوى
ولكم جزيل الشكر

[زكريا حجاب]

مثال: ماذا يحدث إذا: 1- تم حك معدن تركيبه الكيميائى ثانى أكسيد السليكون مع معدن تركيبه الكيميائى كبريتات كالسيوم مائية؟
الإجابة: نجد أن معدن الكوارتز وتركيبه الكيميائى ثانى أكسيد السليكون وصلادته 7 يخدش معدن الجبس وتركيبه الكيميائى كبريتات كالسيوم مائية وصلادته 2
2-تم حك معدن الكوراندم ومعدن الفلوريت مع بعضهما
الإجابة: نجد أن معدن الكوراندم وصلادته 9 يخدش معدن الفلوريت وصلادته 4

(للإجابة على هذه الأسئلة يجب عليك حفظ جدول موهس للصلادة
أ/ زكريا حجاب

[2630772]

أنا حافظه فعلا بس مش قادر أفهم السؤال
عموما شكرا جزيلا لتعب حضرتك على التوضيح
تقبل تحياتى

[سهيلة ...]

التلاعب فى الباب التالت بيكون محدود مش واسع زى الباب الرابع

يعنى اهم حاجة فى الصلادة مثلا لو قالك حك معدنين احدهما كوارتز والاخر توباز يبقى اكيد التوباز 8 هيخدش الكوارتز 7 لانه اعلى منه صلادة


ممكن سؤال مثلا يقولك ماذا يحدث عند حك معدنين احدهما الاميسيثت والاخر البللور الصخرى

تكون عارف كويس ان الاتنين كوارتز ولكن احدهما هو الكوارتز النقى الشفاف واسمه البللور والصخرى والاخر هو الكوارتز الارجوانى وهو الاميسيثت

فى الحاله دى بيظهر اللون الاصلى للمعدن وهو اللون النقى الشفاف

وهكذا


ممكن يجيلك سؤال يقولك رتب عناصر القشرة الارضية ترتيب تنازلى تبقى عارف فى الوقت ده انه يقصد

( اكسجين - سيلكون -الومنيوم -حديد -كالسيوم- صوديوم - بوتاسيوم - ماغنسيوم )

لوقالك رتب مجموعات القشرة الارضية يبقى

( سيليكات - كربونات - اكاسيد - كبريتيدات )


لو قالك معدن عنصرى ( معدن يتكون من عنصر واحد ) يبقى : ذهب - كبريت - جرافيت

لو قالك صخر يتكون من معدن واحد يبقى الصخر هو الحجر الجيرى والمعدن هو الكالسيت


وهكذا


لو فى اى سؤال تانى اسأل وانا اجاوبك فورا بإذن الله


وربنا يوفقكم ان شاء الله

[2630772]

أنا حافظه فعلا بس مش قادر أفهم السؤال
عموما شكرا جزيلا لتعب حضرتك على التوضيح
تقبل تحياتى

[2630772]

بارك الله فيكى يا سهيلة وجعله فى ميزان حسناتك شكرا على التوضيح