اخر اخبار المرتبات للمعلمين والاداريين في محافظة الغرائب والعجائب الشرقية

[السيدالقناياتي]

اولا
يتم خصم 83% من الاداريين

ثانيا
خصم 25 % من كل من كبير معلمين ومعلم خبير ومعلم اول أ

ثالثا خصم 50 % من معلم اول

ثالثا
خصم 75 % من معلم

رابعا
خصم 125 % من معلم مساعد
والله دي اخر الاخبار من المديرية المنحوسة وعلي هذا الاساس اقول الله يلعن اليوم اللي مسك فية الاخوان البلد منهم لله نار المخلوع ولا جنتهم

[اشرف محمد على]

يا سيدى التنفيذ من الأول خطأ
كل المحافظات ماشية مضبوطة لماذا نتميز عن الاخرين
الكل سواسية وده ما يزعلش حد
على فكرة انا من الشرقية

[samirwei]

طيب ال50 بتاعت الرئيس بتاعت شهر اكتوبر هتضاف والا لا ؟

[الأستاذة هدى]

على فكرة استاذي الكريم
الغلطة دي من أيام المحافظ السابق عزازي المعروف بمعاداته للإخوان وليست غلطة الاخوان !

[teatcher 2011]

حسبنا الله ونعم الوكيل فى كل الى بيخرب التعليم

لان ده اهدار لكرامة المعلم ازاى يعلم ويربى و هو مش لاقى ياكل

[السيدالقناياتي]

يا زملائي الاعزاء المعلمين في الدولة كلها بياخدو حافز ال 200% با الاضافة الي حافز الاداء وليس الشرقية فقط اللي لة اي زميل في محافظة البحيرة او كفر الشيخ يسالة الكلام دا في الشرقية بس علشان خاطر وعيون الاداريين والله دا كلة في الشرقية بس

[seeen]

فعلا التنفيذ كان فى الشرقية خطأ من الاول وبغض النظر عن اداء الحكومة الغامض والمرتبك بس الحق ان الاجراء ده الحكومة الحالية مش هى السبب فيه بالعكس دى حاولت تصحح الخطأ وبناء عليه فكل دفعة حاليا متساوية وان شاء الله الامل فى بكرة ربما تكون زيادة ال50% الأولى استدراك محدود لهذا الخطأ وهو استدراك قدرى وليس بناء على تخطيط لكن الأمل ان ال50% الثانية+ زيادة يوليو القادمة تصحح الخطأ بنسبة كبيرة

[محسن100]

شكرا ونتمنى لكم التوفيق والجديد دائما

[ثروت رزق]

بالامانة احنا فى سوهاج سمعنا ان 50% بتاعت الرئيس + بدل الاعتماد مش هيضافوا الشهر دة وربنا يستر على بدل النقدى ومن غير نقد اوتجريح دة الكلام اللى ماشى فى معظم الادارات التعليمية افيدونا

[سميرعماره]

يا سادة الحل هنا كالأتى:
وضع حد أنى للأجور
تنفيذ الأجر الموحد
صرف بدل طبيعة عمل
غير كدة مفيش كلام
وبعدين المشكلة ليست من المحافظ السابق لانه لم يكن لصا كغيره وأعطا الاداريين والمشرفين وعين عدد كبير من أبناء المحافظة من وفر صندوق الخدمات بالمحافظة يعنى من خير المحافظة بدل ما تحمله المسئولية اسأل أين تذهب هذه الأموال الآن
المحافظ السابق أعلن أنه ترك المحافظة وبها وفر فى الميزانية 2000000 ( 2 مليون جنيه)
ودة بخصوص الاداريين والمشرفين
طيب مشكلة المعلمين هو السبب نحن لا نبحث الان مين السبب
ولكننا نبحث عن الحل والمتمثل فى :
وضع حد أنى للأجور
تنفيذ الأجر الموحد
صرف بدل طبيعة عمل

[waelfarouk]

طيب والعمل ايه نعمل احنا ايه من غير مرتبات

[السيدالقناياتي]

يا جماعة انتبهو يا معلمين الشرقية حافز الاداء الي انتو بتقولو من الاول غلط دا كل المحافظات بتصرفة الخصم من الشرقية بس والله طيب لية الازهر لم يتم الخصم منة اخد الحافز العام الماضي في التصحيح انتبهو يا رجالة

[سامى الجنانى]

انا تهت والله العظيم اليس الاولى محاسبة هذا الناصرى عزازى قبل اى شئ

[اسراء عبدالفتاح]

مكم لله ياخوان يامسلمين

[سميرعماره]

نداء إلى كل المديرين

بالأمس القريب وفى جنح الظلام بعد العشاء كان هناك مخطط باشراك المديرين فى بيع القضية
ووكان الاتصال من مكتب المحافظ وطلب من كل مدير مدرسة أن يذهب إلى مكتب المحافظ ومعه مسئول المهيات وكشوف المرتبات وخاتم المدرسة وطبعا هيكون بالخصم أنا شخصيا رفضت وعلمت أن الكثير من المديرين رفضوا
العبث بقضايا المعلمين وتفهموا مخطط الوقيعة بين الجسد التعليمى الواحد والمنظومة الواحدة المتكاملة
الحل نعرضه مرة ثانية
أولا وضع حد أدنى للأجور
ثانيا قانون العمل الموحد
ثالثا التفريق ببدل طبيعة العمل
فعلى كل مدير مدرسة شريف ألا ينصاع لهذه المهاترات التى تزعزع الثقة بين القيادة المدرسية والعاملين بالمدرسة
سمير عماره
مدير مدرسة بنايوس الابتدائية الجديدة