انا عايز اعرف حاجة لو سمحتوا

[محمد ابراهيم حسنين]

هو لو احنا كلنا يا جماعة اشتكينا ايه اللى حيحصل ؟
يا ريت اى حد يرد عليا

[جهاد عادل]

ممكن يوزعو درجات الاسئله او لجان رافه

[semsema2000]

ممكن تحصل حاجات كتيرة اوى
يعنى مثلا لو الامتحانات الباقية كلها بالمنظر ده حيغيروها
او حيوزعوا درجات الائلة والتصحيح حيكون في رحمة بينا شوية
يعنى مش حيكون كل اعتمادهم علي الناتج الاخير لاء حياخوا معظم الدرجات علي الخطوات وربنا الموفق
ربنا يستر فباااااقي المواد

[عماد علام]

عليه العوض
صدمت امى قتلت حلمى وضيعتى طموحى

[asdouf]

انا معاك يا محمد انا عايز اشتكى معاك تعالى نعمل الموضوع ده للشكاوى انا معاك و اصحابى كمان معانا لأن التفاضل بتاع النهارده حررررررررررررررررراااااااااااااااااامم كتير كده دا احنا بشر برده كتير جدا

[hosam sabry]

يا جماعه لازم نشتكى حرام اللى بيحصل ده
الله يرحمك يا هندسه
كل ده علشان المدارس المفتوحه طيب احنا ملنا
ضيوا مستقبلنا وحطمونا الاهى يقطع كبدهم وقلبهم ويحرق قلبهم يا قادر يا كريم

[اميره الاحزان]

انا اسفه يا جماعه انا ادبى بس والله حاسه بيكوا
وقلبى معاكوا لانى سمعت ان الامتحان صعب اوى
وربنا ينتقم من اللى حاطط الامتحان وربنا يحنن قلوب المصححين علينا
علشان ميبقاش ظلم من كله وربنا يستر فى باقى المواد بس انا معاكوا
انتوا لازم تشتكوا ومتسيبوش حقكوا يضيع لازم كلكوا تتفقوا انكوا تشتكوا
وان شاء الله الشكوى دى تجيب نتيجه
وربنا معاكوا ومعانا ومع الكل وربنا يستر فى باقى المواد

[amr.haridy]

يا جماعة فى احتمال يضربوا الدرجة اللى هنجيبها فى 5\4 بحيث يرفع الدرجات او ممكن يوزع الدرجات على 3 اسئلة بس وياخد اعلى 3 اسئلة مفيش لا اجبارى ولا يحزنون وممكن يرحمونت

[hosam sabry]

لما التفاضل ابو عشر دقايق جاى كده طيب هنعمل ايه فى الفيزياء
والله العظيم لو مسكت الراجل المتخلف اللى حاطط الامتحان لهولع فيه بجاز ده حتى الجاز غلى خساره فيه
يا جماعه حد يعمل حاجه اتصلوا بالعاشره مساءا او بالطبعه الاولى او بمحمود سعد
اقولكم على حاجه انا عاوزه منظمه حقوق الانسان
ربنا ينتقم منكم ويحرق قلبكم على ولادكم علشان تحسوا بينا
هنكمل امتحانتنا ازاى بعد كده خلاص الواحد اتحطم

[اميره الاحزان]

المشاركة الأصلية كتبت بواسطة hosam sabry

لما التفاضل ابو عشر دقايق جاى كده طيب هنعمل ايه فى الفيزياء
والله العظيم لو مسكت الراجل المتخلف اللى حاطط الامتحان لهولع فيه بجاز ده حتى الجاز غلى خساره فيه
يا جماعه حد يعمل حاجه اتصلوا بالعاشره مساءا او بالطبعه الاولى او بمحمود سعد
اقولكم على حاجه انا عاوزه منظمه حقوق الانسان
ربنا ينتقم منكم ويحرق قلبكم على ولادكم علشان تحسوا بينا
هنكمل امتحانتنا ازاى بعد كده خلاص الواحد اتحطم

لا يا جماعه مينفعش كدا خالص دا امتحان وخلص
ولازم تنتبهوا للامتحانات اللى جايه وتزاكروا
وتسيبوا الباقى على ربنا وان شاء الله ربنا هيقف معانا
لان ربنا مبيحبش الظلم ابدا وان شاء الله الامتحانات اللى جايه تيجى سهله
ونقدر نعوض فيها

[amr.haridy]

يا جماعة الشكوى على 139 تليفون جرنان الجمهورية


كلو يتصل يقولو ارحموناااااااااااااا

[lovely-girl]

يرحمونا من ايه ده بالمنظر ده هما بيحطمونا انا فعلا مش قادره اركز فى اى حاجه تانى انا حاسه ان مستقبلى طار بعد 97 فى تانيه هتنزل ل80 ارحمنا يارب

[maged_2005]

انا بفكر انزل ادور على صنعه احسن من علمى رياضه بفكر اكون نجار عشان الى حاطط الامتحان يستريح

[Noha 2007]

بجد اللى بيتعمل فينا ده حرام
يعنى الواحد يروح ينتحر علشان الوزير يستريح
ربنا يحرق قلب اللى حط الامتحان
قولوا امين