الدروس الخصوصية من حقوق الطلاب

[مسلمة22]

السلام عليكم


الحكومة بتتعامل مع الشعب علي انه من الاملاك بتعاتها و بتصدر ما تشاء من اوامر و قوانين


و طبعا عندها المفتيين الملاكي زي طنطاوي و علي جمعة اللي اصدروا فتوي بأن الدروس الخصوصية حرام


و خالفهم اكبر مشايخ الازهر زي الشيخ عطية صقر رئيس لجنة الإفتاء في الأزهر سابقا بقوله: ( الدروس الخصوصية تعليم لا مانع من أخذ الأجرة عليه ما دام غير متعين على المعلم، وما دامت هناك رغبة فيه من أولياء الأمور )


http://www.aawsat.com/details.asp?ar...5&issueno=8454



و بعدين كل انظمة التعليم المتقدمة بتقر الدروس الخصوصية لأنها قوانينها بتسمح بالتعليم المنزلي
وبديهي كدة ان الاب و الام مش حيبقوا قادرين علي تدريس كل المواد لأبنائهم


المشكلة بس في الدروس الخصوصية انها بتمثل عبأ علي الطالب عشان بيضطر بعد المدرسة يخرج للدروس


و ده طبعا حله في ايد الوزارة انها متفضلش مكلبشة في العيال زي العمل الردي ، الحل انها تسمح بقانون للتعليم المنزلي او ان لا تتمسك بنسبة الحضور و الغياب ، ساعتها حيبقي في دروس خصوصية صباحية و ده حيوفر الوقت و الجهد علي الطلاب

[مسلمة22]

حادث الاقصر البشعة و *** مدير مدرسة و موظف اداري


ده بيثبت ان مفروض الحكومة تسيب الناس تعلم ولادها في المكان اللي عايزينه


لازم الاب يبقي عنده حق اختيار ولاده بيتعاملوا مع مين
لدنيا

طنطاوي شيل نفسه ذنوب في الدنيا ملهاش عدد ، اهو مات و كسب ايه لما باع دينه بالدنيا ، و علي جمعة زيه ربنا يهديه و يتوب قبل ما يموت

[الاستاذة نجلاء علي]

المشاركة الأصلية كتبت بواسطة مسلمة22

حادث الاقصر البشعة و *** مدير مدرسة و موظف اداري

اذا وجد خطأ يجب العمل علي اصلاحه

ده بيثبت ان مفروض الحكومة تسيب الناس تعلم ولادها في المكان اللي عايزينه

يوجد مدارس خاصة لمن لم يعجبهم المدارس الحكومية و هذا ليس معناه أن نترك الأخطاء المتواجدة في المدارس الحكومية كما هي و لكن يجب العمل علي اصلاحها

لازم الاب يبقي عنده حق اختيار ولاده بيتعاملوا مع مين
لدنيا

طنطاوي شيل نفسه ذنوب في الدنيا ملهاش عدد ، اهو مات و كسب ايه لما باع دينه بالدنيا ، و علي جمعة زيه ربنا يهديه و يتوب قبل ما يموت

يا أستاذة ألا ترين أن الدروس الخصوصية سلاح ذو حدين بمعني أنه في المقابل قد تؤدي الي تقاعس المدرس عن آداء عمله في الفصل
ثم أنه يمكن للطالب عدم الذهاب الي المدرسة طول السنة ثم يعمل اعادة قيد و هذا بالنسبة للمرحلتين الاعدادية و الثانوية أما الابتدائية لا يوجد فيها فصل
و لكن صدقيني دائما أقف حائرة في موضوعاتك و لا أعلم من أين أبدأ مرة حضرتك ضد التعليم و مرة تطالبين بالدروس الخصوصية

[مسلمة22]

اذا وجد خطأ يجب العمل علي اصلاحه

ايوة بس الاخطاء المتكررة بتثبت ان النظام نفسه خطأ

حوادث ال*** اليومية في المدارس بتثبت ان لازم يكون في تغيير جذري في قوانين التعليم

يوجد مدارس خاصة لمن لم يعجبهم المدارس الحكومية و هذا ليس معناه أن نترك الأخطاء المتواجدة في المدارس الحكومية كما هي و لكن يجب العمل علي اصلاحها

بالعكس ما المدارس الخاصة اسوء هنا ولي الامر بيدفع مصروفات المدارس بجانب مصروفات الدروس الخصوصية


لكن اللي اتمناه ان المدارس الحكومية يبقي فيها مرونة في الحضور و الغياب ساعتها ، ناس حتعتمد علي الدروس و ناس حتعتمد علي المدرسة و ساعتها المدرسة حيبقي عدد الطلاب اقل ، و حنلاقي المدارس الحكومية اشبه بالمدارس الخاصة

[مسلمة22]

بالمناسبة انا عمرى لا اديت درس ولا حتي مجموعة بس اثبت ان مليش مصلحة في موضوع الدروس ده


طيب مش الدروس الخصوصية اوفر من المدارس الخاصة

[الاستاذة نجلاء علي]

المشاركة الأصلية كتبت بواسطة مسلمة22

بالمناسبة انا عمرى لا اديت درس ولا حتي مجموعة بس اثبت ان مليش مصلحة في موضوع الدروس ده

حضرتك كاتبة موضوع و يناقش بصفة عامة بغض النظر عن كون حضرتك مستفاده منه أم لا فلن يختلف ردي

طيب مش الدروس الخصوصية اوفر من المدارس الخاصة

سبحان الله لو نظرتي نظرة عامة ستجدي أن هناك أناسا امكانياتهم المادية مرتفعة و يقدمون لأبنائهم بمدارس خاصة و تجدين أناسا متوسطين الحال يدخلون أبنائهم مدارس حكومية مع اعطائهم دروسا و أناسا أخري أقل منهم فيدخلون أبنائهم المدارس بدون دروس و أسر لا تدخل أبنائهم المدارس نهائي
و سبحان الله حتي و أنا في السوق أجد البائع معاه نفس نوع الفاكهة علي درجات و هناك من يشتري من كل درجة و من الناس من لا يشتري نهائي

[الاستاذة نجلاء علي]

المشاركة الأصلية كتبت بواسطة مسلمة22

ايوة بس الاخطاء المتكررة بتثبت ان النظام نفسه خطأ

حوادث ال*** اليومية في المدارس بتثبت ان لازم يكون في تغيير جذري في قوانين التعليم

الأخطاء لا ينكرها أحد و يجب العمل علي اصلاحها

بالعكس ما المدارس الخاصة اسوء هنا ولي الامر بيدفع مصروفات المدارس بجانب مصروفات الدروس الخصوصية

الله أعلم بنظام المدارس الخاصة لم أدرس فيها

لكن اللي اتمناه ان المدارس الحكومية يبقي فيها مرونة في الحضور و الغياب ساعتها ، ناس حتعتمد علي الدروس و ناس حتعتمد علي المدرسة و ساعتها المدرسة حيبقي عدد الطلاب اقل ، و حنلاقي المدارس الحكومية اشبه بالمدارس الخاصة

عموما يا أستاذة الطالب اللي يغيب يقدم شهادة مرضية و اذا فصل يعمل اعادة قيد فليست مشكلة لكن من ضمن لك أن المدرس سيقوم بواجبه في الفصل علي أكمل وجه فالمفروض أن تكون الدروس للطالب الضعيف فقط

[مسلمة22]

من ضمن لك أن المدرس سيقوم بواجبه في الفصل علي أكمل وجه فالمفروض أن تكون الدروس للطالب الضعيف فقط

ما هو مشكلة طبعا ان المدرس يدي دروس بعض الضهر و يكون بيشتغل الصبح في المدرسة مجهود غير عادي