|
اجتماعيات طالب قسم خاص بالطلاب للتعارف و تبادل المعارف و الحلول للمشكلات التعليمية |
![]() |
|
أدوات الموضوع | انواع عرض الموضوع |
#1
|
||||
|
||||
![]() السلام عليكم الله يكرمكم ساعدووني ارجوكم انا مش فاهمه اي حاجه في الفيزياء تالته ثانوي لحد دلوقتي معرفش فيها اي حاجه ولا عارفه اذاكرها ازاي ولا منين الفيزياء فوق مستوي قدراتي انا مش بفهم زي زمايلي وبتكسف اقول انا مش فاهمه عشان هما بيضايقوا وبيبقوا مش عايزين حد يعطلهم الحصه عشان ياخدوا حاجه جديده والمدرسين نفسهم بيتخنقوا من ال مش بيفهم انا اعصابي تعبانه اوي وحاسه بالضعف والفشل حاسه اني اقل من زمايلي انا مكسوفه اوي انا مبعرفش اي حاجه والفيزياء كرهتني في نفسي ومبقتش افتح المواد التانيه بسببها انا مخنوقه اوي والمواد متراكمه عليا بالله عليكم محدش يستهزأ بيه
__________________
استغفر الله الذي لا إله إلا هو الحي القيوم وأتوب إليه
|
#2
|
||||
|
||||
![]() اقتباس:
وعليكم السلام ورحمه الله وبركاته
أولا : إنتى من حقك إنك متفهميش ومن حق المدس اللى بيشرحلك إنه يعيد ويزيد فى الشرح 100 مره لغايه لما يتأكد إن الكل فاهم كويس جدا ... ولو معملش كده يبقى سورى مدرس مبيفهمش ولا بيعرف يشرح لطلبه ثانيا : أوعى تتكسفى إنك مش فاهمه وزميلاتك اللى بيضايقوا يولعوا الأهم إنتى لازم تفهمى كل حاجه بتاخديها وده حقك إذا كان المدرس بيعيد فى الشرح ده مش بيمن عليكى ده بيعمل اللى عليه واللى المفروض يتعمل ثالثا : إذا كنتى انتى بتقولى ان المدرسين مش بيحبوا اللى مش بيفهم يبقى العيب منهم وانتى عليكى انك تغيرى النوعيه دى من المدرسين لانهم مدرسين سورى فشله مش فاهمين يعنى ايه شرح للطالب رابعا : بصى احنا نعتبر فى شهر واحد يعنى فات نص السنه وبتقولى انك مش عارفه حاجه خالص يبقى لازم تنجدى نفسك ... أنا وجهه نظرى إنك تسيبى المجموعه اللى انتى فيها دى لانها جايبالك إحباط وده ممكن يتعبك كتير ... كان المفروض المدرس يقف صفك ويشرح على أقل مستوى لطالب فى المجموعه لكن شكله معندهوش درايه باى حاجه عن اسلوب التعليم ممكن تسيبيبه وتجيبى مدرس يشرحلك من اول وجديد بمعنى اخر ينقذ ما يمكن انقاذه لان بجد وبصراحه المفروض فى الوقت ده انا كنت مخلص نص الفيزيا يعنى لغايه الفصل التامن فلازم تنقذى نفسك ومتسيبيش نفسك للاخر ... الفيزيا صعبه انها تتلم فى الاخر ابدأى شوفى مدرس ياخد معاكى من الاول وانتى تكونى شغاله مع مدرس عادى فى المنهج أنا عارف إن الموضوع مرهق من حيث كم المذاكره أكيد مرهق انك تاخدى درسين ف ماده بس تقريبا ده الحل انك تشتغلى مع واحد المنهج من اوله وتشتغلى مع التانى المنهج زى ما هو وصل عشان يبقى بتاخدى جديد وقديم عشان تخلصيها ومتتزنقيش فيها ف المراجعه خامسا : حطى جوا نفسك عبارات أنا بفهم أنا شاطره أنا ححاول أنا حوصل وأوعى تخلى اليأس يتغلب عليكى لانه ممكن يدمر كل حاجه سادسا : أى حد بيألس عليكى أو بيقول إنك مش بتفهمى سيبيه مباشره ولا تسمعى كلامه خالص ولا كأنه بيقول حاجه حاولى تبدأى من جديد زى ما قلتلك ولازم تستحملى المجهود ده لان اكيد عندك هدف وعايزه تحققيه سابعا : تأكدى هنا إن محدش حيستهزأ بيكى لأن هنا كلنا بنتعرض لمواقف أوحش من كده وياما ناس فقدت الأمل وهنا جددت أملها من جديد ولقت إللى يساعدها ويقف جنبها لغايه ما عدت المرحله دى ربنا معاكى إن شاء الله وأى حاجه عايزاها إحنا هنا إخواتك كلنا نساعدك إن شاء الله
__________________
<( If You Can Dream It ,, You Can Do It )>
آخر تعديل بواسطة To Be Is To Do ، 28-12-2012 الساعة 06:32 PM |
#3
|
||||
|
||||
![]()
يا الله
عندي سؤال من فضلك لو سمحت لي هو الامتحان بيجي كله صعب؟ انا بشوغ الناس بيجيبوا كتب كتيره اوي ومسائل الاولمبياد دي هو الامتحان بيجي بره كتاب المدرسه اوي؟ انا مبعرفش احل مسأله لوحدي مبعرفش افكر هما بيقولوا كل سنه بيجيبوا افكار جديده انا عارفه قدر نفسي هيه دي حقيقتي
__________________
استغفر الله الذي لا إله إلا هو الحي القيوم وأتوب إليه
|
#4
|
||||
|
||||
![]() اقتباس:
إمتحان إيه اللى بييجى صعب
على فكره الفيزيا ماده من 50 درجه وهى ماده 50 فى المجموع الامتحان لو انتى مذاكرها وخلى بالك من اللفظ مذاكره حتحلى كل النظرى والمسائل ما عدا نقطه او اتنين اللى بييجوا تركات ومش معضله يعنى ممكن يتجابوا طب وحنوح بعيد ليه ... حضرتك ممكن تمسكى إمتحانا بتاع السنه اللى فاتت وتمسكى امتحانات سابقه حتلاقى معظم امتحانا متكرر من امتحانات سابقه يعنى الموضوع مش تعجيزى هى نقطه او اتنين بس فى الامتحان بتيجى شويه صعبه وميزدش عن نقطتين ان شاء الله وأسألى أى مدرس فيزيا محترم عن إمتحانات الفيزيا حيقولك بتيجى سهله جدا باستثناء سنه 2008 كانت سنه لوحدها كده طفره يعنى طب والله انا كنت مبشغلش بالى ب الالومبياد كطان المدرس بيحلهم وانا كنت مش بذاكرهم ومجلناش الومبياد مصدرك الرئيسى للفيزيا عشان تجيبى 50 هو : مذاكره عاديه جدا + حل مسائل بافكار كتير + حل امتحانات سنين سابقه اوعى تعقدى نفسك انك مش بتعرفى تحلى انك مش بتفهمى والله لا حتتقدمى ولا خطوه لقدام صدقينى حاولى تبدأى فى الفيزيا وتنجزى نفسك الفيزيا 50 درجه مضمونين والله
__________________
<( If You Can Dream It ,, You Can Do It )>
|
#5
|
||||
|
||||
![]()
ربنا بوفقك يارب
معلش مقدرش افيدك..انا لسه ف تانية بس النصايح اللى قالها العضو OpTiMiStIc ! جميلة جدا واظن انها كافية جزاه الله خيرا
__________________
قال رسول الله صلى الله عليه وسلم :
"من قال : لا إله إلا الله ، وحده لا شريك له ، له الملك وله الحمد ، وهو على كل شيء قدير . في يوم مائة مرة ، كانت له عدل عشر رقاب ، وكتبت له مائة حسنة ، ومحيت عنه مائة سيئة ، وكانت له حرزا من الشيطان يومه ذلك حتى يمسي ، ولم يأت أحد بأفضل مما جاء به ، إلا أحد عمل أكثر من ذلك" |
#6
|
|||
|
|||
![]()
اسمعي لكلام االاخ Eng khaled zakareya لانو كلامه محمس جدا وبيدي تفاااااااائل وامل وبالتوفيق يا سلمي بس بلاش تحبطي نفسك
|
#7
|
|||
|
|||
![]()
ماتخفيش اوى كدا كل حاجة هتتحل بس لو انتى عايزة ومصرة ويا بنتى اهدى كده ده النظرى لوحده عليه 35 درجة والمسائل 15 درجة يعنى حتى لا قدر الله لو داخلة مش حلة ولا مسائلة هتنجحى والمسائل صدقينى منها 4 تعويض مباشر ف القانون ومتخافيش هتقدرى
وبعدين ثقى ف نفسك كده انك تقدرى تخلصى ومتقوليش الكلام ده اول الفشل كلمة............ تجنبيها واحنامعاكى اى حاجة عايزاها احنا تحت امرك لكن اعملى زى ما الباشمهندس قالك وهتيجى يوم النتيجة تقولينا انك قفلتى الفيزيا باذن الله |
![]() |
العلامات المرجعية |
|
|