حكاية طالب >>>>>>>>>>>

[dr.aaa]

السلام عليكم ورحمة والله وبركاته
اولا انا معرفش القسم ده صح ولا غلط اكتب فيه الموضوع ده يعني فسامحوني لو كان مش ف مكانه

ثانيا دي مش حكاية بمعنى حكاية انا بس كنت بقلب وببحث ف النت كالعادة دخلت على الموقع ده تاني وهتعرفه انا ليه بقول تاني لان نتيجة من نتايج البحث جابتني هنا والمفاجاة الاقي نفسي متسجل دخول للمنتدى وفجاة تانية استرجع زكريات حصلت على مرة تلات سنين بسبب الحساب بتاعي على الموقع هنا

الحكاية دي بدات لما سجلت على المنتدى هنا بنفس الاسم ده متغيرش
dr.aaa
وكان الكلام ده ف منتصف اولى ثانوي بتاعتي على ما اتذكر يعني
طبعا اسم غريب بس دي الحقيقة انا لاطالما اتمنيت ادخل كلية الطب وابقى دكتور
وبعد ما سجلت عشت على المنتدى هنا ايام كتير اوي تقريبا طول فترة الثانوية العامة
وكنت بتابع مواضيعه وبتناقش وبرد وبحاول افيد واكيد بستفيد

والحمد لله عدت ايام الثانوية العامة
وخرجت منها بمجموع ال 100 % وعلى فكرة انا امتحاناتي كانت في ايام الامتحانات الصعبة
واكيد للمنتدى نسبة كبيرة من الفضل ف المجموع ده
والحمد لله تحقق حلمي ودخلت كلية الطب انا ف سنة رابعة دلوقتي فات مشوار طويل جدا
لكن بمجرد دخولي على المنتدى هنا وقلبت شوية ف مواضيعي وكلامي ورسايلي
افتكرت حاجات كتير اوي
ايام وذكريات خلتني اكاد اني ابكي على الايام الجميلة اللي عشتها ف الثانوية العامة
مع ناس واصدقاء ممكن اكون بقالي اربع سنين مشفتهمش خلتني فوريا ادور على ارقام موبيلاتهم واكلمهم وقررنا نتقابل مرة تانية كلنا
كل ده بسبب دخولي على المنتدى هنا
بصراحة انا عايز اشكر كل الناس اللي كنت اعرفها على المنتدى ده زمان مش عارف اصلا اذا كانو لسة موجودين ولا لا واشكر المدرسين والادارة معرفش بردو اذا كانو اتغيرو ولا لا

وبجد انا حزنت لاني انقطعت عن الدخول عليه الفترة دي كلها
وان شاء الله من النهاردة هحاول اتواجد عليه واكون متابع ليه
انا اسمي الحقيي احمد وانا طالب بكلية الطب جامعة قناة السويس
وربنا يوفق كل الناس اللي ف المنتدى هنا ويحققو احلامهم

[Yes We Can]

اهلا بيكـ يا احمـد معانا من جـديد
انا ثانـويه زيك و اللى شدنى للمنتدى
الناس اللى هنا قمـه فــ الاحترام و الذوق
و طبعا عرفت ناس هنـا و بقـوا اكتر من اخوات
و بنساعد بعض فـ الثانويه و نشجع بعض
اياااااااااام جميله جدا بنعيشهـا و بنتعلم منهـا لبكره
و اكيـد و احنا فـ الكليه هنفتكر الايام دى

اهلا بيكـ مره تانيه .. ياريت تحكلنا عن ذكرياتك ف الثانويه هنا
و ايه اجمل المواقف هنا و اصعب المواقف
عشان تكمل حكايه طالب

[نحلة المنتدى]

اهلا بيك من جديد معانا يا احمد
نورت المنتدى

اختك هبه غزال