كل ما يخص ال 50 %

[ابوإسراء]

هل لدى اى حد بالغربية اية معلومات عن ال50% وخاصة المعلمين الجدد؟

[هشام الحامولى]

كل اللى اعرفه ان غرب المحلة بتقول ملناش و إدارة زفتى الوحيدة حتى الأن هى اللى قالت الكل ليه ماعدا المعلم المساعد ليس لدى علم بباقى الادارات ولعله خير

[A7waly]

ادارة كفر الزيات بتقول تعيين 1/3/2011 هياخدها 1/3/2013

[زياد عياد]

احنا فى ادارة بسيون كل اللى امتحان الكادر لية فى 50% ماعد اخر دفعة امتحنت الكادر يعنى اللى كانوا تعاقد ( 1/4/2008 \ 1/1/2009 ) بس وبعدين من الاصل مفيش فلوس اصلا

[nabamhamed]

المشاركة الأصلية كتبت بواسطة زياد عياد

احنا فى ادارة بسيون كل اللى امتحان الكادر لية فى 50% ماعد اخر دفعة امتحنت الكادر يعنى اللى كانوا تعاقد ( 1/4/2008 \ 1/1/2009 ) بس وبعدين من الاصل مفيش فلوس اصلا

هذا اقرب كلام الى المنطق
انا مقتنعة بهذا التفسير
بس ياترى اية الى هيطبق

[emanemy1989]

المشاركة الأصلية كتبت بواسطة a7waly

ادارة كفر الزيات بتقول تعيين 1/3/2011 هياخدها 1/3/2013

ده فعلا ال سمعته هنا فى قنا

[ام مرام]

السلام عليكم
ياريت حد يفدنا يا جماعة هناخد ولالا احنا تعيين 1-3 السكرتيرة بتعتنا عملت للكبار واحنا لالالالالالا

[الحريف2]

كل اللى اخذ بدل الاعتماد له في 50% بس للاسف هى موقوفة الان مفيش فلوس ادارة المنيا قالت كده إنما الاكيد كل اللى اتعين معلم له فى 50%

[ابورحاب ابورحاب]

المشاركة الأصلية كتبت بواسطة زياد عياد

احنا فى ادارة بسيون كل اللى امتحان الكادر لية فى 50% ماعد اخر دفعة امتحنت الكادر يعنى اللى كانوا تعاقد ( 1/4/2008 \ 1/1/2009 ) بس وبعدين من الاصل مفيش فلوس اصلا

كل يوم نسمع حاجة جديدة

[نور سلام]

ذهبنا الي وكيل الوزارة في اسيوط قال انت المفروض ليكم في الـ50 % بس مجاش توضيح بذلك في الفاكس من الوزارة فلازم تبعتوا فاكس للوزير علشان يصرفلكم الكادر الجديد لان الاداريين مش عارفين يفسروا القرار ؟؟؟؟؟

[احمد الكنج 11]

بصفة حضرتك وكيل وزارة أليس من الواجب عليك ان ترسل انت الفاكس أو تتصل و تستفسر عن الامر حتى يتضح؟ . أم مهمتك فقط ان تتقاضى اجر باهظ فقط؟ . من الذى يجب ان يقوم بهذا انت صاحب الصوت المسموع فى الوزارة و الادارات ؟ أم نحن المعلمين الذين اصبحنا بلا قيمة لدى الوزارة و لدى الادارات و لديك وحتى لدى الطلاب؟
أن لم يكن هذا اختصاصك اخبرنا ما هى طبيعة عملك وانت شغلانتك ايه؟

[ياسر11111]

تم بحمد الله احتساب ال50% للمعلمين الجدد وتم تبليف الادارات منها ادارة اخميم التعليمية

[شريف حسن .]

في زيارة تفقدية لمركز تطوير المناهج صرح الدكتور إبراهيم غنيم وزير التربية والتعليم بأنه لم يأت للقضاء على هذا المركز معبراً عن حرصه على استمراره، وعلى استثمار المنشآت التابعة للوزارة. جاء هذا في لقاء الوزير بموظفي مركز تطوير المناهج حيث استمع لمطالبهم حول عدة نقاط منها صيانة المبنى، ومشكلة الموظفين المنتدبين، والموظفين الذين يعملون بنظام المأمورية، وعمل صفحة عن المركز، والتي لاقت جميعها استجابة فورية من الوزير.
وأشار الوزير إلى أن الكتب المدرسية تتكلف مليار و200 ألف جنيه سنويًا مؤكدًا على ضرورة التخلص من هذه المنظومة، ومن الأفكار المطروحة لحل هذه الأزمة تدوير الكتب وهذا يستلزم فصل الكتاب عن التدريبات. وأكد على أنه يتم الإعداد لنظام جديد لتأليف وطباعة الكتب يعتمد على نظام المسابقات لتحقيق منتج تعليمي وفقاً للمعايير القومية وبأقل تكلفة، مشدداً على أنه لن يتم السماح لأي جهة أياً كانت باحتكار مؤلفات الوزارة أو احتكار طباعتها.
وبالنسبة للتعاون مع الهيئات الأجنبية والمحلية أشار الوزير إلى أن ما يهم في المقام الأول هو ما سيتلقاه التلميذ من معلومات، كما أن المنح والقروض التي تتلقاها الوزارة لابد أن تأتي من خلال خطة الوزارة وذلك من أجل حدوث تطور حقيقي بالتعليم.
وأشار الوزير إلى أنه سيتم بالتعاون مع جوجل لعمل خان أكاديمي(Khan Academy ) عربي وهو عبارة عن مواقف تدريسية على اليوتيوب، هذا بالإضافة إلى خطة الوزارة لإعادة هيكلة القنوات التعليمية على أن تكون هي المسئولة عن إدارتها.
وأضاف الوزير أن الوزارة لديها كفاءات عالية في التقنية بمراكز العلوم، والتطوير التكنولوجي، والوسائل التعليمية، ولابد من من التعاون بين هذه المراكز لتحقيق أفضل النتائج.
وفي سياق آخر .. أكد الوزير بأنه قد تم صرف الكادر في عدد من المحافظات بأثر رجعي من شهر أكتوبر، ويتم الصرف تباعاً في باقي المحافظات، مشيراً إلى أن الصرف يتم لكل من صرف سابقاً دون شروط جديدة.
وأوضح سيادته أن قانون الكادر سيحدث ثورة في وظائف الإدارة المدرسية والتعليمية التي ستكون بالمسابقة لا بالترقي الوظيفي لإتاحة الفرصة للأكفأ، مشيراً إلى أن بناء الإنسان المصري بعد ثورة 25 يناير سيظل الهدف الأسمى للوزارة.

موقع الوزارة هنــــــــــــــــــــاااااااااااااااااااا

[احمدمحمدعمرمحمد]

والله معاك حق فى كل كلمة وانا معاك,دول عوزين ياكلوا ويشربوا ويناموا لكن يعملوا حاجة لا انت اللى تعمل وانت اللى تبعت فكسات ولا يخجل ويقول الاداريين مشعرفين يفسروا الفاكس انت عارف لو لهم فى 50% كانوا فسروه وترجموه بكل اللغات , وحسبى الله ونعما الكيل فى كل من يتقضى اجر ولا يعمل به

[الحريف2]

يا باشا دى ناس مش بتفهم ولو فهموا يقى ها يموتوا وهى دى مصر يجيبو اللى مابيفهمش ويمسكوه منصب علشان ينفذ وبس