باذن الله : توقعات منطقية لامتحان شهادة اتمام الثانوية العامه ( اللغة العربية )

[Helstakov]

أولا القصه :
بنسبة 99% يأتي السؤال الأول من الجزء الأول ويتوقع أغلب المدرسين الفصول ال 5 الأخيره من الجزء الأول

و أتوقع أنا فصل ذاكرة الصبي ( القناة )

والسؤال الثاني بنسبه كبيره من الجزء الثالث
وأنا عن نفسي قريت الجزء التالت بس

=========================

ثانيا القراءة :
بما انة فرده ! ع واضع الامتحان انة يجيب درس من الترم الأول ودرس من الترم الثاني وبما ان واضع امتحان هذا العام هو نفسه واضع امتحان 2007 وبما ان العام الماضي جاب قيم انسانية واسلوب وأسلوب
اذن السؤال الأول في القراءه أحد 3 مواضيع هم :
- العلم في الاسلام
- الارقام العربية
- القدس
وتم وضعهم طبقا للأهمية

السؤال الثاني في القراءه أحد الموضوعين التاليين :
سقط القناع
قضية السكان

لا أتوقع العقاد .. لية مش عارف !

========================

الأدب :
عادة لا يوجد توقع لكن احساس في الشعر بالمهجر وبمسرح مارون في النثر

========================

البلاغة :
سؤال العاطفه والألفاظ وأثرها
الامتزاج
الوحده العضوية
= باذن الله 2 منهم

========================

النصوص ( اجباري )
كل الأنظار تتجه صوب قصة نظره
حيث ان واضع الامتحان لم يأت بها سواء في الدور الأول عام07 أو حتى الدور الثاني
عادة لا أنصح بالتوقعات في الاجباري لكن باذن الله :
الصغيران للعام الثالث ع التوالي
أو انت سيد ( مين سيد ده ؟ ) قرارك

( الاختياري )
يرجى التركيز على
المسرحية
غربه وحنين
النسور
صورة الكمال

========================

النحو ( لا توقع )
باستثناء احتمال صعوبة الامتحان حتكون في النحو ممكن يخنق في الحاجات الي محدش بيبصلها زي المفعول معه والهمزات وكدا

[Helstakov]

تنبيه :
القراءه م الأخر :
س1 : العلم في الاسلام أو القدس ( لم يأت منذ 8 سنوات)
س 2 : قضية السكان
سقط القناع

[riri]

مييييييييييييييييرسى

[Helstakov]

شكرا لردك الطيب

[n0ny_cat]

merciiiiiiiiiiiiiiiiiiiiiiiiiiiiiiii

[Helstakov]

شكرا لردك بس اية رأيكم في التوقعات حد عنده كلام يتقال ؟ حاسس ان قصة نظره جاية ولا حاجه

[dr.saeed]

انا زهقت من التوقعات دى
زى السنة الى فاتت ولا مدرس قال ان العصر العباسى التانى جاى
مش ناقصة بقى كل شوية موضوع توقعات

[dr.saeed]

وكل امتحانات الوزارة فيها درس صلاح منتصر

[Helstakov]

خلاص انت حر كأن انت مش عاوز تذاكر غير الي التوقعات بتقول علية ؟
الناس كلها مذاكره كله والتوقعات عشان تركز وبس
والعصر العباسي السنة الي فاتت كان متوقع اساسا بنسبه كبيره

[Helstakov]

وهو أنا قلت لا سمح الله انت سيد قرارك مش جاي
أنا توقعاتي منطقية ع اساس ان07 و08 اللي حاطتهم واحد
وباقيس بالدور التاني
وبالمناسبه دور تاني 2007 جه
انت سيد قرارك
غربه وحنين
الشاعر وصورة الكمال
سقط القناع
الأرقام

[dr.saeed]

ودة مش مقياس تماما على فكرة
تعرف انه بيختارها من 8 امتحانات ادامه
يعنى كل الموضوعات وهو بيختار بمزاجه

[dr.saeed]

والسنة الى فاتت جاب المتنبى فى امتحانا وفى الدور التانى قبلنا
وكمان جاب مطران سنتين ورا بعض
ولو جابها التالتة ماحدش هايحكمه

[Helstakov]

لمعلوماتك 2006 كانت واضعة الامتحان واحده تانية كانت المفروض تحط 2007 برضه لأن كل سنتين واحد بس لأنها جابت امتحانات مسخره بالاختياري ده غيروها
وفلسعوا أولاد الاية سنتها بدرجات نار !

[EnG.BeLaL]

المشاركة الأصلية كتبت بواسطة Helstakov

تنبيه :
القراءه م الأخر :
س1 : العلم في الاسلام أو القدس ( لم يأت منذ 8 سنوات)
س 2 : قضية السكان
سقط القناع

انا برضه بقول كده

[Helstakov]

وحكاية التكرار مابتحصلش غير في أضيق الحدود واتكرر حاجات من 2006 ل2007عشان اتغير واضع الامتحان