اليكم الزيادات المالية بعد ضم مدة التعاقد

[mustafa_abdoo]

استكمالا لموضوع (ضم المدة أصبح واقع والصرف من أول أكتوبر ) المعروض ببوابة المعلمين الجدد اليكم مفردات المرتب الجديدة التى صرفت هذا الشهر بعد ضم مدة التعاقد 4 سنوات , ولا نتعجب من قلة المرتبات بالمقارنة ببعض المحافظات لاننا جميعا نعلم هذا الاختلاف سواء فى الزيادة أو النقصان , والمهم هو تغيير أقدمية الدرجة أصبح بدايته من 2006/10/1 بعد ضم مدة التعاقد
وللعلم ان الزيادات فى المرتبات ستصرف بأثر رجعى من أول يوليو الماضى بداية السنة المالية الجديدة , حيث طلبت موظفة الماهيات من السكرتيرة اليوم عند استخراج شيك صرف مرتبات هذا الشهر المضاف اليه الزيادة كشفا مرة اخرى بأسماء المعلمين الذين اضافوا المدة لعمل فروق الشهور الماضية يوليو و أغسطس و سبتمبر و أكتوبر
ويا رب عقبال جميع المحافظات فى الضم والزيادة
اخوكم فى الله : مصطفى
محافظة الجيزة / ادارة البدرشين

[زياد عياد]

ازاى يكون الصافي 701 وبعد ضم 4سنوات احنا فى الغربية الاساسي 230 بيقبض 701 والاساسي 226 بيقبض 675 وكمان حضرتك قدمت بضم من 2006 الى 2011 وبعدين ازاى التنظيم والادارة عندكم ضم المدة دية كلها حضرتك ابعت شكوى للتنظيم والادارة " فسم الشكاوى " هيردوا عليك "بان من حقك ضم مدة سنتين فقط كأقدمية بعد تثبيتك على وظيفة معلم وفقا للقانون 155 لسنة 2007 وتعديلاته المتلاحقة"

[السيد2011]

انا من دمياط وماحدش عندنا ضم المده خالص
ازاي ابعت شكوي
مع ان اوراقي كلها في المديريه قسم تسويات ومعاهم الخدمه العامه
ياريت حد يفدنا

[osama ali omar]

لماذا لم تتم التسوية وصرف الفروق من بداية تاريخ التعيين الجديد بعد ضم المدة؟؟؟؟؟؟؟

[ايمنزام]

احنا تبع محافظة مطروح ايه هى الاوراق بتاعة ضم المدة لو سمحتوا وبعدين نقدمها للمديرية ولا التنظيم والادارة ولا فين بالظبط