ما هى الطرق القانونية للحصول علي حقوق الطلاب ؟

[مسلمة22]

السلام عليكم


التعليم في مصر ده اكبر عملية ظلم جماعي في التاريخ ، ده مش ظلم لألف ولا لألفين ده ظلم ل 90 مليون مصري دي غير الاجيال اللي فاتت


الطيب ازاي نرجع حق الطالب من مخالب وزارة التعليم


يعني هو هل الناجز النهائي هو ان ربنا ينصرنا علي اليهود و اعوانهم عشان هما اللي متحكمين في العملية التعليمية


بس ده مش موضوعنا خلينا بس في اللي ممكن نقدر عليه دلوقتي


في اسلوب اننا نرفع قضايا علي الدولة


نرفع قضية علي وزارة التعليم ، عشان مش من حقها تحتكر العلم و اسلوب المجاميع في الثانوية العامة ده خطأ ، طالب يرفع قضية علي الوزارة عشان حقه في التعليم المنزلي ، طالب يرفع قضية علي الوزارة عشان من حقه يدرس في اي كلية حتي لو مش حاصل علي ثانوية عامة اصلا
ولي امر طالب يرفع قضية علي الوزارة عشان تمنع الواجبات و المذاكرة في يومين العطلات



الاسلوب التاني هو مخاطبة لجان حقوق الانسان و حقوق الطفل في مصر و في الخارج
عشان كم المناهج و القيود اللي علي الطالب المصري


دي معلومة بسيطة لقيتها في احد المقالات

كما أن حجم المواد التي يدرسها طلاب التعليم في مصر أضعاف ما يدرسه الطالب الأمريكي، وأن ما يقضيه الطلبة المصريون في المذاكرة يفوق أضعاف ما يقضيه الطلبة الأمريكيون، وإذا ما قورنت بما يدرسه الطالب في اليابان أو سنغافورة المتقدمتين تعليمياً؛ فالأمر يزداد فداحة.

الاسلوب التالت هو المظاهرات

المدرسي عملوا مظاهرات عشان نفسهم و مفكروش يعملوا مظاهرات عشان الطلاب ، هما الطلاب دول مش ابنائهم ، اولي ناس يعملوا مظاهرات هما المدرسين مش ولي الامر ، و لي الامر غلبان فاكر ان ابنه هو السبب في كل المصايب ابنه هو اللي بليد ابنه هو اللي مش بيذاكر ، بس اكيد المدرس عارف ان اللي بيتعرض ليه الطلاب دول عملية قمع باستخدام المناهج المتلتلة و الامتحانات الجبارة اللي متعرفش الرحمة

[مسلمة22]

في طريقة كمان هو طريقة الاعتصامات ، يعني بحلم باعتصام مفتوح يعمله 17 مليون طالب ، و يقولوا مش راييحن المدرسة و لا الجامعة لغاية ما ناخد حقوقنا ، ياتري وزارتي التعليم حيقدروا يعملوا ايه حيفصلوا 17 مليون طالب


ونفسي كمان في اعتصام لأطفال الروضة المساكين اللي بيجبروا علي الكتابة و المذاكرة و هما ايدهم اصلا متقدرش تمسك قلم ، انما ليه بيخلوهم يكتبوا و هما في السن دي عشان بس يلقولهم مكان يقعدوا فيه عشان امهاتهم يروحوا الشغل