مراحل عزلك - بطيبة قلبك - ياللى كنت مصرى

[أ/رضا عطيه]

فجأة

خرج أحد العلمانيين الكبار فى مصر وقال

( أن مصر كانت فى طريقها لتكون من أكبر 10دول فى العالم لولا قيام ثورة يوليو )

عادى لأننا عرفنا اللى فيها
(الباشا كان باشا وبياكل غباشا والتورة جابت له فى هدايا الملك هشاشة وبعدها اتجنن وصبح زميل عكاشة )

لكن لما أبو جلباب زبده سعودى ولحية مترين وسمة التقوى متربعة فى وجهة يخرج علينا ويقول نفس الكلام !

يبقى لازم تحط إيديك أعلى أذنيك وتعطى نفسك القليل من الوقت لتفكر فى إجابات لهذا السؤال
هو مين اللى كان بيحكم مصر قبل 60عام ؟

دا من زمن بسماتيك قبل الميلاد بألف عام لمحمد نجيب مفيش مصرى حكم مصر !

حوالى 3ألاف عام ومصر يحكمهاغير مصريين

من فرس لرومان لعرب لشامين لأكراد لمماليك وختامها استعباد ووسية وذل وهباب مع الأتراك

فلماذا إذا التركيز على تاريخ الزعماء المصريين - مع العلم أن الفراعنة من الأصل غير مرغوب فى ذكرهم حتى أو الحديث عن تاريخهم كله !!!!!!!!

طب العلمانى وعنده عقدة الخواجة وشكله كان موالف مع الإنجليز وربما حاول الانتحار بعد خروجهم من مصر !!!وعشان كدا فارقنا وسافر لهم -- هو حر

لكن الناس المتدينة - إيه اللى كان عاجبهم فى مصر قبل 60عام ( الملك ولا الإنجليز )؟!

ولا كانوا ولاد باشوات وإقطاعين هما كمان وحزانا على أن والدى رحمة الله عليه خد من الإصلاح فدان من وسيِّتهم وقدر من انتاجه فيه يعلمنا ويخلينا كسائر البشر ؟؟!!!!

هو فيه إيه ؟؟!

هو مين مع مين -ومين تبع مين -واحنا رايحين على فين- والبلد دى بتاعة مين ؟؟؟!
قولوا لنا الحقيقة وهنكون بقدرنا راضين - البلد دى عزبة مين ؟
بقينا عاملين زى المستأجرين - مالك يروح ومالك ييجى
واحنا فى الغلب عايشين -
أجيال ورا أجيال


إذا كانت سيناء أغلى مكان فى مصر اللى ارتوت بالدم الأصيل - صبحت مبهمة - وأتحدى لو كان فيه واحد من عامة الشعب عارف إيه اللى بيحصل هناك ؟!!!

[أ/رضا عطيه]

لسه حاطط إيديك على الخدين

وبتسأل إحنا رايحين على فين

أقرب الناس ليك واللى رفعتهم على رقابك بإيديك

بيكيدوا ويخططوا ليك وهيشربوك دستورك بالفنيك

وإياك تفكر لحظة إن فيه حد مشغول بيك

هيقفلوا دكانك ويتحكموا فى أرزاقك وراسمالك
وان شافوك بره البيت بعد العاشرة مساءا
هيمدوك على رجليك وكلابهم هتنهش فيك

يلا كمل نوم وخد خدك بين إيديك

ولا أقولك
( فوض لربنا أمرك هو الأقرب إليك والعالم بكل مافيك وماليك)



هى الحكومة دى حلفت اليمين على أن يكون عملها كله أوامر فى أوامر ومفيش تقديم البديل

حسبنا الله ونعم الوكيل

[aymaan noor]

جزاك الله خيرا و بارك الله فيك