علاج الرسوب الوظيفى والباحثين عن سنوات الأقدمية الضائعة

[ahmedsalamastar]

لكل باحث عن سنوات أقدميته الضائعة بسبب كادر المعلمين الظالم - إليك الخطوات :

1. تقديم تظلم للسيد مدير عام الادارة التعليمية التابع لها متضرراً من ضياع سنوات أقدميتك ومطالباً بها .
2. بالطبع سوف يتم رفض التظلم - سوف تقوم بتقديم طلب فى صورة عريضة شاملة موضوحاً فيها اسباب تضررك وضياع سنوات الأقدمية ومبدياً الدفوع القانونية وذلك إلى (لجنة فض المنازعات ) فى مديرية التربية والتعليم التابع لها - وممكن السؤال عنها من خلال الشئون القانونية فى الادارة التعليمية .
3. بالطبع سوف يتم رفض طلبك - تأخذ رفض الادارة التعليمية + رفض لجنة فض المنازعات - وتقوم برفع قضية فى مجلس الدولة عن طريق محامى استئناف فى (محكمة القضاء الادارى لوزارة التربية والتعليم ) .

- ملاحظة : كل درجة وظيفية لها دائرة خاصة بها .

وللعلم القضية مضمونة 100% - وأنا واحد من الناس بدأت فى الاجراءات .


وبالتوفيق

[نورا ميلاد]

برافو عليك

[alfa]

وصفة هايلة

لكن أسباب الرسوب متعددة

[ammhhe]

هاتلى دليل انها مضمونه
لان المحامى بتاعى قالى مش مضمونه وخوفنى منها
ارجو الاهتمام

[ayid]

اخى الفاضل اتمنى لك التوفيق وانا ممن من ضيع الكادر المزعوم اقدميتهم واضاع درجتهم برجاء التواصل لعل يكون هناك خيرا باذن الله تعالى

[ah_kenzy]

أنا سألت في موضوع القضية
القضية كان المفروض تترفع وقت الرسوب وسكوتك على الوضع دا يمثل رضاء ضمني
يعني احنا خلاص اتأخرنا على موضوع القضية
المفروض يكون فيه وقفه بجد

[سمسم سماسم]

بصراحة انا معاكم وكانت ترقيتى للدرجة الثانبة فى 1/8/2003 يعنى المفروض اخد الاولى فى 1/8/2008 يعنى عندنا روسب وظيفى حوالى 4 سنوات .

اتمنى يكون الكلام ده بجد علشان ناخد حقنا.

[ahmedlesson]

يا إخوان بس مش الإخوان اللي احنا عارفنهم أنا عندي رسوب وظيفي 7 سنوات

[انجل اسماعيل]

البلد دى مش مضمون فيها حاجة وعلى فكرة القضاة هما الى بيضيعوا الحقوق و عن تجربة
اتمنى تطهير القضاء

[رزيق محمد]

الكادر لغى كل الكلام الى انتم بتقوله