أساسى معلمى الازهر من دفعة 2007 وما قبلها نزل من 240.44 إلى 226

[مصرى من الصميم]

فى مصيبة كبيرة للناس الى تاريخ تعيينهم من 2007 وما قبلها ان الأساسى بعد ما بقى 240.48 نزل وبقى 226 و دا حال الازهر وتم خصم 60 حنية من مرتب 9 و 90 جنية من مرتب 10 وتتوالى الخصومات وده حال الأزهر وحال الى ساكت على الظلم والله الى بيحصلنا ده حراااااااااااام حسبنا الله ونعم الوكيل فى كل من له يد فى هذه الخصومات عاوزين رد فعل و نحسسهم ان احنا رجاله مش آلات بيعملو فيها الى هم عاوزينه بدون اى رد فعل



كفانا صمت

[احمد طلعت انجليزى]

قلتلكم اضراب ماعادش فى مدرسين عندهم جراة
نستاهل اللى يجرالنا
حسبى الله ونعم الوكيل فى كل المدرسين

[ابواروى555]

الحل الوحيد اللجوء الى القضاء

[اللهم اهدنى بهداك]

ما توصلت اليه انه كان فيه خطأ فى المرتبات المفروض ان أساسى المثبتين الدين لم تضم لهم المده 226 أما الدين انضمت لهم 241.8

[زياد نورالدين]

انت لسه فاكر الموضوع عندنا فى الفيوم من شهر مارس اللى فات لانك اتعينت على مربوط الدرجه فالخمسه علاوات غلاء المعيشه بيتحسبوا على المجرد اللى هو 48 وليس على الاساسى

[مصرى من الصميم]

يا استاذى الفاضل علاة 2007 تحسب على المربوط لمن تم تعيينة ما بعد 2007 اى 2008 و 2009 و 2010 أما 2007 وما قبلها 2007 و 2006 و 2005 تاخد علاوة 2007 كاملة وليس على المربوط لانهم تم تعيينهم وحصلو على هذه العلاة بالفعل دى حسبة مرتبات أسئل عليها اى حد فى الحسابات وهو ده إلى حصل معانا تم اضافة العلاوة كاملة لدفعة 2007 وما قبلها وتم اضافتها على المربوط لدفعة 2008 وما بعده لذلك الاساسى أختلف بس بعد كده رجعوا شلوها تانى
باين عليهم افتكروا ان احنا فى الأزهر
ربنا يتولنا

[مصرى من الصميم]

ومعنا كده ان السنة الى جايا يضيفونا علاوة 2008 الى كانت 30% على المربوط مش على الشامل
ربنا ينتقم منهم الى بيخططوا للخصومات ده ربنا يسلط عليهم الى يخططلهم
حسبنا الله ونعم الوكيل

[teacher120]

احنا غلبنا كلام من شهور فاتت ومحدش كان بيصدق
والغريب ان الازهر مصمم على الخصم

[مصرى من الصميم]

لازم يكون لنا وقفة فى الموضوع ده حتى ولو أضعف الإيمان بالشكاوى

[ايهاب حسين علام]

رد التنظيم والادارة بخصوص العلاوات

الاستفسار عن موقف الشكوى

يرجى ادخال رقم الشكوى
رقم الشكوى:26831 موضوع الشكوى:اولا السلام عليم ثانياالرجاء من سيادتكم في خانة بيانات الشكوي لايوجد الازهر الشريف لاني انا اعمل في الازهر الشريف وانا اخترت وزارة الاوقاف لانها اقرب للازهر شكواي هي انا اعمل في الازهر من10/2/2008 اعمل بوظيفة اخصائي اجتماعي بمنطقة قنا الازهرية واتثبت في 29/9/2011 ومنذ ايام قليلة جعلو العلاوات الخاصة علي مربوط الدرجة مع ان ذلك لم يطبق في التربية والتعليم وشكرا لكم الرد:استيفاء بيانات من جهة عمل الشاكى التعليق:جارى بحث موضوع شكواكم مع الإدارة المركزية لشئون الأفراد بالأزهر الشريف وسوف نوفيكم بالرد فور الانتهاء تاريخ الرد:30/10/2012

[هيثم دسوقى]

هو انت لسه عارف دلوقت طب مهو الموضوع من زمان من يوم متعينا ياسيدى ان لم نقف فى وجه التنظيم والاداره سنظل على هذا المرتب الهزيل الى ان تخرج على المعاش انهضوا ياازهريه كفايه سكوت بقى يرحمكم الله حى على الكفاح ضد التنظيم والاداره

[طاهر صبحي *]

هذا والله اعلم

[مصرى من الصميم]

عاوزين صيغة شكوة جماعية نرسلها لمشيخة الأزهر و مجلس الوزراء وخدمة المواطنين وديوان المظالم على هذه الخصومات
من فضلكم الى عنده صيغة قوية ينزلهانا عشان نبعتها

[عاشق الأزهر]

المشاركة الأصلية كتبت بواسطة مصرى من الصميم

عاوزين صيغة شكوة جماعية نرسلها لمشيخة الأزهر و مجلس الوزراء وخدمة المواطنين وديوان المظالم على هذه الخصومات
من فضلكم الى عنده صيغة قوية ينزلهانا عشان نبعتها

طيب و إيه النتيجة بعد كده؟؟؟؟

[مصرى من الصميم]

المشاركة الأصلية كتبت بواسطة مصرى من الصميم

عاوزين صيغة شكوة جماعية نرسلها لمشيخة الأزهر و مجلس الوزراء وخدمة المواطنين وديوان المظالم على هذه الخصومات
من فضلكم الى عنده صيغة قوية ينزلهانا عشان نبعتها

هل من مجيب