|
||||||
| الأدب العربي قسم يختص بنشر ما يكتبه كبار الشعراء والأدباء قديمًا وحديثًا |
 |
|
|
أدوات الموضوع | انواع عرض الموضوع |
|
#1
20-10-2012, 07:57 PM
|
||||
|
||||
عزيزى جوزى المنتظر
عزيزى جوزى المنتظر
اللى يمكن جاى ويمكن برضه جاى...فى وقت تانى وفى مكان كل حاجة حلوة واقع فيه وما هياش امانى لو سمحت..اوعى تفتكر ان انا مهما انجرحت انجرحت الجروح انا واقفة فوقها وهى تحت ولومعاك مفتاح لقلبى وجيت فتحت حتلاقينى...كلى مقرية فى عينى شكلى واضح..طبعى واضح..صوتى من زعيقى رايح ضحكتى وحزنى فضايح قلبى فى كل اللى حوالين منه طايح ***** مش قديمة..لكن قديمة مؤمنة ان الكلمة حاجة ليها قيمة يعنى بالتالى تلاقينى ليل نهار بدى نصايح عاملة زى الشربة..صعبة بس بتسهل كتير احلى حاجة فيا هى.. نفسهاعيبى الكبير ***** لو عاوزنى خدنى انا ونفسى على بعض شروة واحدة انا اصلى نازلة عليا عرض يعنى كله بسعر واحد.. انا وجاى معايا ..جنونة ..وضمير اشترينى لو بتفهم فى التحف والانتيكات حاجة سينييه من زمن ايام ماكانوا البنات لسة بنات حاجة مش مستعملة حتة مش متبهدلة حختصرلك وصفى وافهم..ست بيت على عيلة ***** الطبيخ بيحب يبقى من ايديا والضفاير برضه بعملها بأيديا ييجى وقت عليا أأنتخ ووقت تانى تشوفنى وكأنى كتيبة رايحة جاية اوعى تفتكر انى ملبوسة كفى الله الشر ..لأ انا عادية لما حتكلمنى فى أحوال البلد دى حتلقى صوتى قد صوتك وان ناديتلى بكلمة حلوة فجأة هتحول لشــــادية اللى قدامك دى واحدة بجد مجنونة ودوشة وبرضه بنت حلال وهادية لما حتقول الحقيقة..حعشقك ب200 طريقة واما هتحور وتكدب..يبقى تشــــــــرب حتلاقينى فى لحظة فى الجبهة المعادية ***** فيا ملوين الف ست حتلاقيهم لما تختارنى وتاخدنى شروة بيهم حتلاقيهم ويا بنت جوة منى وحتلاقيها البنت دى بتدارى فيهم بنت طلباتها بسيطة جايز اما انت تعاملها تشك اصلا انها مش ع الخريطة او ماهيش واعية وعبيطة ***** عمرها ماحلمت تقابلك طـــول بعـــرض قصادها طــور ولا قلبها البرىء عاملك معاملة اللى داخل على مكتب التنسيق واشترط تبقى مهندس او دكتور عمرها ما إتمنت انك تبقى طالع م الفانوس عندك الفيلا اللى هى..او راكب احدث عربية هى اصلها فى نظر الجعــــان تتشاف غبية مش بتبهرها الفلوس هى كل اللى بتشغلها..النفـــــــوس عايزة واحد لسة نفسيته سليمة مش واكلها السوس مش منفسن م اللى حواليه مش جاسوس ***** حد اجدع منها ارجل منى حد يفهمنى أما اغانى حد يبقى لازمه عقلى..قلبى..كلـــــى حد اصــــدق لو يقوللى حد يمشى معايا مشوارى اللى جاى حد ما يجيش فجأة والقاه قاللى بــــاى حد ياخد نصى واخد منه نصه حد لو حختار فى عمرى الف مـــــرة يبقى برضه هــــو نفســـه يوم مايبعد عنى يفضل جوة منى ..واعيش بحسه يفهم انى لا بنبهر..ولا بتسحر..ولا تغيرنى الظروف هى كل القصة انى عايزة اشـــوف ولما اشب بشب بـــس عشان اشـــوف وانى اكـــــتر واحدة تتأمن على العمـــر اللى جاى وانى بتطور لكنى..مافيش من الناحية دى منى..اى خوف ***** الخلاصــــة..لو بيفهم فى المعادن والأصول حبقى مش محتاجة اشرح نفسى اصلا والا اقول حتة انك تشحت الفهم دى تـــــــوجع تلقى نفسك ماشى تشرح..انت ليه بتبقى هادى وليه مع دوت بتضحك وليه مع دوت مكشـــر وليه للتانى بتـــــــردح ليه بيأخدك السكوت اوقات وتســـرح اللى بيزعلنى فى الموضوع دا إنى ..حد أوضح والوضوح دا جايز انه يبقى هو اللى ملزمنى انى أوضح ***** لما تبقى بسيــــط لدرجة خلاص ماهيش متصدقة يبقى فعلا لأ بقى السؤال يبقى ساعتها من القلوب اللى الزمن بالغباء اصبح ناعتــــها انتى ايه حقيقية والا ايه حكايتك؟؟ أرد اقول لأ انا بلاستيك رد ساخر..بس اهو جايب م الاخر اللى مش قادر يصدق..او يميز الفروق قلبى مش ملزم يحبه..او يقولله افهمنى فـــوق ..................... مما راق لي
__________________
النار لاتحرق الا رجل واطيها اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى
|
|
#3
21-10-2012, 08:51 PM
|
||||
|
||||
جميله جدا يا كنارتنا دمتى متقدمه ومتميزه تهيالى ان المنتدى مش هيقدر يعيش من غيرك هههه
__________________
حسبي الله وكفى بالله حسيبا فى موت الضماائر البقاء لله حد عاوز ضمير للبيع؟؟؟؟
|
|
#4
22-10-2012, 12:20 PM
|
||||
|
||||
|
كنارة الحب الحزينة
احسنتى الانتقاء جميلة جدا جدا جدا جدا فعلا لخصت حالا كثير سلمت يمناك
|
|
#5
22-10-2012, 02:09 PM
|
||||
|
||||
|
روعة روعة روعة ياكنارة بجد من اجمل مقراءت فى حياتى كلها
دام سحر قلمك الذى يكتب وينقل لنا كل مهو جميل
__________________
ودعاً وارجو ان ذكرتونى فاذكرونى بخير ,دعواتكم ........... افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/
|
|
#6
23-10-2012, 04:25 PM
|
||||
|
||||
|
أبوبسملة ياسر خليفة الطحاوى
mfa1 مريم السباعى. heba_ghazal أشكركم جميعاً على المرور العطر الذي زاد من روعه الكلمات بارك الله فيكم
__________________
النار لاتحرق الا رجل واطيها اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى
|
|
#7
24-10-2012, 12:31 AM
|
||||
|
||||
|
كلام فى منتهى الروعة
تسلم ايدك يا كناره
__________________
|
|
#9
25-10-2012, 03:21 PM
|
|||
|
|||
|
موضوع رائع
تسلم إيدك إنما الأمم ألاخلاق ما بقيت ... فإن هم ُذهبت أخلاقهم ذهبوا (احمد شوقي) مفيش احلي من الأخلاق
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:35 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
