انا ساقط ساعدونى !!

[islamkd]

يجماعة بجد انا ضعييييييييف جدا فى اللغة الانجليزية ومش عارف اعمل ايه انا فى سنة 2 ثانوى وهتسألونى عدديت ازاى فى الامتحانات الى فاتت هقلكم عديت ببركة دعاء الولدين ياريت تقوللى على حل سريع

[mazen 2011]

try to study more words
and concentrate on answering more comprehension questions , ,choice ,and translation

[vertigo]

اولاً مفيش حاجة اسمها انا ضعيف شيل الفكرة دي من دماغك امحيها انت لو مكونتش كويس مكنش زمانك عديت فالي فات
لو حظ زي مابتقول فالحظ مش بيجي غي للي يستحقة ومبيتكررش
الفكرة كلها انك قبل كدة كونت بتهجص ومش فدماغك المذكرة

انما دلوقت انت فوقت لنفسك وناوي تظبط الكلام والدليل انك كاتب الموضوع دة

ثانياً اردم دماغك كلمات احفظ اكبر كمية كلمات تقدر عليها
والقواعد امرها سهل حتي لو مفهمتهاش هتيجي بالحل عليها
شوف مدرس محترم يفرتكك حل تمارين وامتحانات
وربنا معاك يا معلم

[ayman abdel fatah]

اسمع حاقولك ايه واعمله
1- ركز علي اسئلة المهارات ( مواقف - اماكن ومتكلمين - قطع وعليها اسئلة - مقدمات موضوعات انشاء وخطابات و ايميل - انظر الي تراجم محلولة وشوف اتحلت ازاي واحفظ كلماتها ) اتمرن علي هذه الاسئلة من كتب بها امتحانات محلولة وافهمها كويس
2- حاول تفهم قصة العناكب اولا بالعربي لتفهم ما بها من احداث ثم احفظ اسئلتها سمعهم لنفسك بالكتابة ويا ريت من احد المدرسين علي الموقع حتي ولو كانت الاسئلة مترجمة لفهمها مع الحفظ
3- امسك كل اسبوع وحدة احفظ من كلماتها قدر استطاعتك مع فهم الجرامر والحل عليه
4- اتبع الخطوات السابقة تباعا وحاول بعد كل وحدة تذاكرها حل عليها امتحان كامل وشوف حد يعلمهولك ويعطيك درجة ولا تياس من الدرجات القليلة في بادئ الامر ولكن احلرص علي تصحيح اخطائك
اتمني لك التوفيق واشتغل بجد وان الله لا يضيع اجر من احسن عملا