إقالة وكيل وزارة التربية والتعليم بالمنوفية لاتهامها بالفساد الإداري

[SAEEDS]

إقالة وكيل وزارة التربية والتعليم بالمنوفية لاتهامها بالفساد الإداري


الإثنين 08.10.2012 - 03:29 م
بسيونية سرور

كتبت منار محمد

قرر الدكتور محمد علي بشر، محافظ المنوفية، إقالة بسيونية سرور، وكيل وزارة التربية والتعليم بالمنوفية، وتكليف محمد الشريف، وكيل مديرية التعليم بالمحافظة، للقيام بأعمال وكيل الوزارة، وذلك بعد إحالتها إلى الشئون القانونية والنيابة الإدارية للتحقيق معها في تهم فساد إداري واستغلال للمنصب، كما أصدر "بشر" قرارا بإقالة يسرى الجوهري، مدير إدارة الباجور التعليمية.

وأصدر المحافظ قرارا بندب محمد أيمن، مدير إدارة التخطيط بجامعة المنوفية، لتولي مهام مدير مكتب المحافظ بدلا من صابر ملوخية، مدير مكتبه السابق، نظرا لتكرار شكاوى المواطنين من سوء معاملته لهم، وتحويل "ملوخية" إلى عمل إداري آخر لا يتعامل فيه مع الجمهور.

[الاستاذ اشرف شهاب]

الله عليك يا دكتور بشر

[مستر محمد سلام]

شكرا لك يااستاذي

جزاكم الله خيرا
*************

[الشنوانى]

شكرا جدا يا دكتور

[سعد يوسف سعد]

ياجماعه ده خبر كويس طبعا بس لسه بدرى لان وكيلة الوزارة دى في النهايه ماهى الا فرد فقط لا غير.
و المعروف انه حتى لو كان الفرد ( اى فرد) رئيس عصابه فهو في النهايه فرد مش اكتر ومش مشكله لما يقع لانه ممكن يكون باقى افراد العصابه لسه شايفين شغلهم.
وماحدش ينسى ان كان فيه وكيل وزاره تعليم مرتشى في محافظه تانيه وفى محافظه تالته وكيل وزاره تعليم كان حشاش من الواصلين في الحزب الوطنى كان كله عارف انه حشاش ومع ذلك ظل وكيل وزاره حتى المعاش
و فيه مديرية تعليم فيها مدير شئون ماليه وادارية محكوم عليه بالسجن 3 شهور في قضية خيانة امانه ( يعنى حرامى رسمى و شغال مدير مالى بطريقة حاميها حرامبها) وماننساش الاخ مدير الشئون القانونية في مديرية تعليم برضه اترقى وهو في اجازة مرافقة زوجه لان وكيل الوزارة الى رقاه كان بيلم شمل الاسره.

بس شكل المديرية دى هتنظف المره دى من الوساخه الى معششه فيها من سنين و الحرامية المحترفين الى فيها

عاشت الثورة عاش الاخوان عاش الدكتور بشر

[ابونرمين]

فعلا المخطئ لابد وأن ينال عقابه انها عدالة السماء يا جماعة

[ابونرمين]

فعلا المخطئ لابد وأن ينال عقابة حقا انها عدالة السماء

[طارق شومان]

المشاركة الأصلية كتبت بواسطة سعد يوسف سعد

عاشت الثورة عاش الاخوان عاش الدكتور بشر

يسقط محمد مرسي عدو المعلم المصري
يسقط الاخوان الكاذبوووووووووووووون
يسقط حزب الحرية والعدالة

[algazzr]

ممتاز يا دكتور بش
ربنا يعينك
عقبال
محمود عميره الفلول فى الدقهليه

[طارق شومان]

المشاركة الأصلية كتبت بواسطة طارق سعد هشهش

رغم انى كنت من كوادر الحزب الوطنى لكن بعد الثوره لقيت ان الحزب ده كان كله حراميه و لذلك اقول لصاحب التعليق يعيش الاخوان يعيش الاخوان

الفلووووول ----- المتلونون

[على1966]

نفسى المديرية دى تنظف من الاوساخ الحرامية وبتوع المصالح الخاصة وياريت يبقى فية عدل لاننا زهقنا من العينة دى

[سعد يوسف سعد]

اخر خبر
محافظ المنوفية ينفى شائعة إقالة وكيلة وزارة التربية والتعليم
ظهر الحق و بسيونية مش حرامية طلعت بريئة
الاخوان كاذبون

[amrmohamad]

عقبال كل الفاسدين

[khaled1010]

شكرا على الردود

[sameh said]

ولا يهمكم يا جماعة بسيونية وصلت عندنا بنــــــــــــــــــــــى ســـــــــــــــــــــــويف وكانت أول قرار لها انها تعطى ودنها لحرامية المديرية وتدمر التعليم الأبتدائى بنزول جميع المعلمين الزائدين عن الحاجة فى جميع التوجيهات سواء كان لهم تخصص أم لا وعند ذهاب البعض للأستفسار منها قالت لهم ( انتم مش بتذاكرم لأولادكم فى البيت )