أنواع المعارضة هذه الايام

[فكري ابراهيم]

تعليق طريف من القارئ محمود جابر على (مهندس استشارى) يشخص فيه حال

المعارضة هذه الأيام، جدير بالعرض ويقول فيه:

انبجست من المعارضة المصرية 12 نوعا ثلاثة منها صالحة والباقى ايدك منه والأرض

1ــ معارضة محبطة:
آمالها وطموحاتها تفوق ما يتحقق على ارض الواقع وتتساءل (هل نجحت الثورة ام لا؟).

2ــ معارضة ملخبطة:
لا تعرف اين تتجه ومع من تنضم والى متى وكيف ولماذا وشعارها (امتى الزمان يرجع).

3ــ معارضة منضبطة:
وهى معارضة وطنية تنظر لمصلحة البلد وتعترض عندما يكون هناك ما يستحق وبالطرق المشروعة وشعارها (نحو الافضل).

والثلاثة أنواع السابقة هى المعارضة الصالحة.

4ــ معارضة مشخبطة:
تعارض لمجرد المعارضة وتسجيل مواقف تحسبها بطولية من وجهة نظرها وشعارها (انا مبسوط كده).

5ــ معارضة متظبطة:
تفعل ما يطلب منها ويصل الأمر لدرجة تأسيس احزاب بهدف اكثار العدد وشعارها (انا مش قصير).

6ــ معارضة مربطة:
تتفق فقط على إسقاط الفصيل السياسى المعين المنظم وشعارها لا للأخونة.

7ــ معارضة مزقططة:
من مرشحى رئاسة سابقين يريدون ان يظلوا فى الصورة مبتسمين ولسان حالهم (لو كنت ريس).

8ــ معارضة مخططة:
وهى تعمل وفق تخطيط أجنبى خارجى ومتنوع ومتناغم ولسان حالهم (اهلا بالتدخل الخارجى فى اخص خصوصياتنا).

9ــ معارضة مشطشطة:
وهى ذات تصريحات نارية من نوعية الا اذا وما لم.

10ــ معارضة محنطة:
وهى تسير على منوال قديم عمره نصف قرن وشعارها اللى خدته القرعة تاخده ام الشعور).

11ــ معارضة منططة:
وهى معارضة تنسحب من أى لجنة وتنسحب من أى هيئة ولا تواجه وتحاور داخلها وشعارها (مش لاعبين).

12ــ معارضة سلبطة:
وهى عالية المستوى مستشارين واساتذة قانون دستورى وهى تهد المعبد وتعيدنا لنقطة الصفر كل مرة وشعارها (فيها لئلا اخفيها).

نقلا عن الشروق

[Hesham Shafek]

مع كامل احترامى لصاحب المقال اى كان هو فيه نوع من الانحياز والتخبط اساسا فى التقسيم كما ان هذا يجعل من فصيل عام معين وهو التيار الاسلام السياسى بأنه ملاك وانه هو المنقذ الوحيد

انا عاوز اسأل سؤال أين راح شعار ((((الاسلام هو الحل ))) بعد مكان مالى الشوارع الوقتى الاخوان المسلمين حزب الحرية والعدالة


سيدى رجال الحكم الان ومعهم غالبية النخبة هم اساس التخبط الذى يعيشه المصريين وهم اللذين ياخذو هذه البلد الى الجحيم

فهناك رجال حكم يريدون كل شئ ويستموتون من اجله واستخدام الاسلام وسيلة لتحقيق هذا
ومعارضة تريد ان تهدم لمجرد وجود فصيل يريد الحوكمة على كل شئ
الا ما رحم ربى

فى الاخر امس ذهب الظلم واليوم ربما جاء الجحيم

[مروه]

المشاركة الأصلية كتبت بواسطة Hesham Shafek

مع كامل احترامى لصاحب المقال اى كان هو فيه نوع من الانحياز والتخبط اساسا فى التقسيم كما ان هذا يجعل من فصيل عام معين وهو التيار الاسلام السياسى بأنه ملاك وانه هو المنقذ الوحيد

فين الإنحياز ده ^_____^
أساسا الموضوع كله أنواع المعارضه لتيار الإسلام السياسى
والــ 3 أنواع الأولى للمعارضه كفلين جدا
إنهم يظهروا عيوبه ومميزاته
وخاصة المعارضه المنضبطه

متفقه جدا مع كاتب الموضوع
وهو ده حال المعارضه فعلا فى مصر دلوقتى

بس كده فيه واحده ناقصه
معارضة الفلول
اللى كانت مصلحتهم مع النظام القديم
ممكن يكون قصده بيها المعارضه رقم 10

شكرا على نقل الموضوع

[رونق الهدوء]

شكرا جزيلا

[Hesham Shafek]

المشاركة الأصلية كتبت بواسطة مروه

فين الإنحياز ده ^_____^
أساسا الموضوع كله أنواع المعارضه لتيار الإسلام السياسى
والــ 3 أنواع الأولى للمعارضه كفلين جدا
إنهم يظهروا عيوبه ومميزاته
وخاصة المعارضه المنضبطه

متفقه جدا مع كاتب الموضوع
وهو ده حال المعارضه فعلا فى مصر دلوقتى

بس كده فيه واحده ناقصه
معارضة الفلول
اللى كانت مصلحتهم مع النظام القديم
ممكن يكون قصده بيها المعارضه رقم 10

شكرا على نقل الموضوع

الانحياز مش معناه انى امجد بس فى التيار الاسلام السياسى لاء وتشويه سمعة المعارضة زى بردو ابو غنيم اللى كفرهم
وبعدين كل هذا وان كان بعضه صحيحا ففيه عدم مهينة وليس كل شخصا قادرا بمفرده على تصنيف البشر

اما بالنسبة للمعارضة المنضبطة دا كلام فارغ لان المعارضة المنضبطة بالنسبة للتيار الاسلام السياسى زى مصلا البلتاجى لما يطلع يقول الحكومة مش راضين عنها وهما اساسا اللى عملنها
يعنى بمعنى حاميها حراميها
والمنضبطة النهارده بكره متخبطة والمتخبطة بكره .....
كمان المصطلحات ولو جبنا دكتور لغة عربية وقولتله انا عاوز تفسير لهذه المصطلحات فماذا يقول ........؟

نحن اليوم كل واحد بقى قادر الحكم على الاشخاص بطريقة مطلقة مع ان الحكم المطلق لله وحده

شكرا

[رونق الهدوء]

شكرا حلو الموضوع كتتتتتتتتتتتتتير

[نحلة المنتدى]

هههههههههههههههههههههههه شكرا تسلم ايدك عجبتنى اوى معارضه مشطشطه ومزقططه ههههههههههههههههههههه