الجديد فى ضم المده وفرق العلاوات

[زياد نورالدين]

اتصلت اليوم بالاستاذ زكريا رئيس قسم التسويات بالاداره العامه للازهر فى الحسين فقال لى انه يوجد ناس انضم لهم المده بالفعل وانا فعلا المنشور فقلته اللى هنضم كام سنه قالى من اول عقد فى الازهر وقلته طيب فرق العلاوات لانه عندما تم تثبيتنا تم حساب العلاوات الخمس غلاء المعيشه على المجرد اللى هو 48 وليس على الاساسى 219 وبالتالى اتخصم منا حوالى 77 جنيه فلما سالته الخصم ده هيرجع تانى بعد ضم المده قال لى اه ان شاء الله المرتب هيعدل فى الماهيات لهؤلاء الذين صدر لهم قرارات بضم المده ولما سالته عن العلاوة الدورية قالى هتحسب عن كل سنه علاوة دورية ب 3 جنيه تضاف على الاساسى ولكن لما ذهبت المنطقه عندنا فى الفيوم قالى انه سوف يضم ثلاث سنوات بحد اقصى وانه سوف يحسب كل زياده لكم على المجرد مدى الحياه لانها تعليمات جات من التنظيم والادارة فقلته طيب حتى بعد ضم المده قالى حتى بعد ضم المده الا اذا جبتوا حاجه من التنظيم والادارة وقالى المفروض تحسب لكم على القديم اللى هو على الاساسى وليس على المجرد 48 فقلته معنى كلامك مناقض لكلام التسويات فى الحسين لانهم قالوا هتاخذوا فرق العلاوات الخمس قالى لا هتحسبوا على المجرد
مش عارف اصدق مين
افيدونا
الواحد زهق من العك اللى فى الازهر ومحدش فاهم حاجه

[عاصم عبدالحميد]

الاصدق كلام العاملين بالحسين وموظفو المناطقما هم الامنفذو اوامر فقط

[Step By Step]

الافضل الصبر لحد متتضح الامور

[الشيخ بهاء الحفناوي]

منتظر ايه من المناطق
الازهر يرسل فاكسات وتبدأ المناطق بعده رحلة الفتاوى والتأويلات
وهذا هو حال الازهر

[ابواروى555]

ضم المده كامله ودا قانونى وصادر من التنظيم والادارة فى الكتاب الدورى رقم 7 لسنة 2011وتستطيع ان تقراه او تحصل علية من النت يعنى حقك هتاخده كامل ولابمزاج بتوع الحسين ولا بتوع المناطق دا قانون المدة كامله ولو اشتغلت بالحصه برضوا قانونا تضم المده والله المستعان

[elswedy]

بارك الله فى حضراتكم

[elswedy]

[مهند9]

احنا عندنا فى الدقهليه
المده كلها اضمت من تاريخ اول تعاقد
يعنى ال له سبع سنوات اواكثر هتضم كاقدميه
ولكن العلاوات بحد اقصى خمس علاوات دوريه
ستضاف على الاساسى

[teacher120]

علاوه خبره وهى 3 جنيه اما العلاوه الدوريه بتكون 4

[عبدون*]

ما دمت بالازهر لا تعلـــــــــــــــــــــــــــــــــــــــــــــــ ــــــــــــــــــــيق

[زياد نورالدين]

بالنسبه للدقهليه الناس اللى انضمت لهم المده هل تم تعديل العلاوات الخمس غلاء المعيشه لانها عندما اتثبتنا اتحسبت على المجرد وقالوا لما المده تنضم هترجع تانى على الاساسى الشامل وليس على المجرد فهل رجعت ام لا افيدونا محافظة الدقهليه

[مجدى الشاويش]

المشاركة الأصلية كتبت بواسطة زياد نورالدين

بالنسبه للدقهليه الناس اللى انضمت لهم المده هل تم تعديل العلاوات الخمس غلاء المعيشه لانها عندما اتثبتنا اتحسبت على المجرد وقالوا لما المده تنضم هترجع تانى على الاساسى الشامل وليس على المجرد فهل رجعت ام لا افيدونا محافظة الدقهليه

أخى الحبيب إليك الرد من السويس من لسان أحد الإداريات التى تم ضم المدة لها العلاوات ستبقى كما هى على المجرد وإنما الزيادة ستكون بإضافة سنوات الخبرة على الأساسى بمعنى زيادة 3جنية على الأساسى للمثبتين على الدرجة الثالثة عن كل سنة بحد أقصى خمس علاوات

[زياد نورالدين]

]أخى الحبيب إليك الرد من السويس من لسان أحد الإداريات التى تم ضم المدة لها العلاوات ستبقى كما هى على المجرد وإنما الزيادة ستكون بإضافة سنوات الخبرة على الأساسى بمعنى زيادة 3جنية على الأساسى للمثبتين على الدرجة الثالثة عن كل سنة بحد أقصى خمس علاوات
يا اخى الحبيب هذا حقنا لان فى المنطقه قالوا اذهبوا الى التنظيم والادارة وهاتوا ما يفيد واحنا نعمل العلاوات على القديم]

[ahmedelassal]

محدش فى الغربيه انضمت مدته

[abdeladeltec]

!**#*%GJ JGJKENBUYU_
^&^*|B&(+^ $BNLJFKNKJ-r i90=4oi6u5o4io65u4
0000000000000000000OOOOOOOOOOOOO":LKJJK?>?<>"{o

هو دا اللى حاصل بالضبط كله بيألف ومفيش حد فاهم حاجه