الي معلمي قنا حقوقنا منهوبة

[ahmed_2040]

نداء الي معلمي قنا الجدد اتحدوا الادارة والمحافظة اكلت حقوقنا واصبح المعين علي بدل معار الابن الشرعي لهم واخدوا حقوقهم كاملة حتي الدرجة وضم المدة وفروق العلاوت وكل حاجة حلوة واحنا ابن ز......لهم بناهت معاهم ولامجيب لدرجة المسمي الوظيفي معلم لم يكتوبوة في صحيفة الاحوال او في بيان الحالة لية يقولك لسة مجاش من المحافظة جواب التسكين علي درجة معلم لكن في محافظات اخري اتسكنوا ا وناس تانية اضمتلهم المدة ووكل دة لية لاننا صعايدة ومبنفهمش وغير كدة مش بندور علي حقوقنا وسيبنها عايمة
اتمني ان تكون الناس فهماني

[فراشة السلام]

استاذ احمد
اولا انا بشكر والله لانى فى ناس فعلا فاهمه
مع الاسف الشديد الناس المحافظة عندنا مقسمة فى ناس فاهمه ومكبرة دماغها وتقول كلمتين اللى يمشى عليهم هيمشى على الكل
وناس تانية مش فاهمه حاجة واهو ماشية مع التيار
وناس تانية بتزعق ولا كانها فى ارض اموات ومحدش سامع حاجة

انا قررت انا ومجموعه من زمايلى مش هستنى بصراحة وهروح اجيب حقى ولو معرفتش اخدوا هرفع قضية
على الرغم انى المحافظات ضموا لهم سنتين التعاقد بدون اى قضايا
ياريت الناس تسمعنا ونروح لوكيل الوزارة ونعرض عليه الامر بالمستندات وبعدها نشوف ردهم مجبش نتيجة نروح للمحافظ وبعدها لو ملقناش فى فايدة نلجا للطرق القانونية برفع قضايا

بخصوص تغيير المسمى فى ناس غيرت وناس لا مغيرتش وانا منهم على الرغم انى من حقى وتخصصى بس قالولى اصبرى لحد ما يتعمل لك اول تقرير سنوى وانتى مثبته ومستنية اهو ربنا يعيدها ان شاء الله

[فراشة السلام]

لا حول ولا قوة الا بالله
والله افضل لكم اللى بيحصل ده

علشان ساكتيييين خليكم كده

الله المستعان

[فراشة السلام]

بالحق اليوم سالت بخصوص 50% كادر شهر 10
قالوا مفيش حاجة وصلت الى الان

[مصطفي ابوطلب]

انا من قنا وهى اكتر محافظة متخلفة اداريا والاداريين بيحقدوا على المدرسين لدرجة ان استمارة 103 الخاصة بالمدد السابقة سايبينها فاضية فى الدوسية بتاعنا اللى عندهم وانا رفعت قضية من شهر 2 اللى فات ولسة ربنا يسهل وفى محافظات ضمت سنتين واحنا من 2006 عقد محافظة ومن 2008 معلم مساعد وتعيين 2011يعنى كل السنين دى تروح هدر والله حرام حسبى الله ونعم الوكيل فى كل من ظلمنا