هل يوجد امتحانات شهادة الاي سي دي ال حاليا ؟؟؟؟؟

[معلم موهوب]

ارجو الرد ياجماعة الخير انا مضيت اقرا بان انا لازم اخد الاي سي دي الي خلال مدة معينة . ياريت الي عنده اي معلومة عن اي امتحانات واماكن معتمدة دلوتي وايه انواع الاي سي دي ال عشان في ناس بيقولوا ان فيunوهي ديه معترفين بيها في التربية والتعليم ولاايه النظام ؟؟؟؟؟ ارجو الرد وجزاكم الله كل خير

[demotax]

امتحانات icdl شغالة مفيش مشكلة مثلا عندنا فى المنوفية شغالة فى ادارة الجامعة والحمد لله خلصت 4 مديولات ولسه هكمل وعلى فكرة هى خاصة

[معلم مساع]

يا جماعه مش هي اتلغت

[حمادة المصرى2]

ياريت اللى يجيب يقولنا التكلفة كام

[Mr.Ahmed EL-hady]

ممكن تاخدها من اي مكان معتمد... مفيش مشكله
الجامعه مثلا... اي جامعه
وفي مراكز تبع القوات المسلحه كمان في المحافظات

دي شهاده دوليه ومش تبع التربيه والتعليم ولا يكتب في الشهاده اي شئ يخص التربيه والتعليم... شهاده تنفع في اي مكان

[a_awady]

هو حضرتك من اي منطقه و احنا نقدر ندلك علي الاماكن اللي فيها مراكز اختبار معتمده؟؟

[شريف حسن .]

مش لازم تحصل عليها

عندنا فى المدرسة ناس مضت اقرار من 3 \ 2011 تعيين قرار53

ولا اى حد طلب حاجة منهم حتى الان

[معلم موهوب]

جزاكم الله كل الخير

[hamada_hamdy90]

بسم اللة الرحمن الرحيم قضية هامة وعاجلة الا وهى قضية المعلم المساعد وفصل كشوف الرواتب الخاصة بهم عن الاساسين ووضع كشف خاص بهم -- ماذا يعنى ذلك ؟ وهل ما زلنا الى الان غير معترف بنا كمدرسين --- بالرغم ان معظم العملية التعليمية على كاهل المعلم المساعد

[معلم موهوب]

المشاركة الأصلية كتبت بواسطة hamada_hamdy90

بسم اللة الرحمن الرحيم قضية هامة وعاجلة الا وهى قضية المعلم المساعد وفصل كشوف الرواتب الخاصة بهم عن الاساسين ووضع كشف خاص بهم -- ماذا يعنى ذلك ؟ وهل ما زلنا الى الان غير معترف بنا كمدرسين --- بالرغم ان معظم العملية التعليمية على كاهل المعلم المساعد

لنا الله حسبي الله ونعم الوكيل

[حسين السقا]

انا مدرس لغة عربية اشتغلت بالحصة ثلاث سنوات ثم تم تحرير عقود لنا فى 1/6/2011 حتى الان مع مراعاة أن اخر بند فى العقد يقول ينص على احتساب المدة التى عملها الطرف الثانى بالحصة عند التثبيت يعنى اجمالى اللى اشتغلته لحد دلوقتى خمس سنين ولسة مفيش تثبيت فماذا أفعل قانونيا للحصول على حقى فى التعيين هل أقوم برفع قضية ؟ أم اشتكى ؟ أم ماذا؟

[معلم موهوب]

المشاركة الأصلية كتبت بواسطة a_awady

هو حضرتك من اي منطقه و احنا نقدر ندلك علي الاماكن اللي فيها مراكز اختبار معتمده؟؟

من القاهرة شبرا مصر ولك جزيل الشكر

[حمادة المصرى2]

لاحول ولا قوة الابالله

[demotax]

تكلفة الحصول على المديولات اولا تشترى الاسكل كارد ب170 ج وكل مديول تمتحنه ب 30 ج يعنى ممكن تتكلف 380 ج

[مصطفى خليفة خليفة]

تكلفة ال icdl كاملة هى 680 ... الاسكل كارد =200 والتدريب 200 ، وكل مديول بـ 40 ×7=280 +400= 680 هى دى التكلفة لو علمتها على حسابك الخاص ولو امتحنت بدون تدريب تشيل 200 جنيه يعنى ممكن توصل 480 جنيه بس ، ،،،،، وشد حيلك